Jerimaya 28:11 - FỊAFỊA BAỊBỤLỤ

¹¹ tẹ tomi mamgba tọrọkọ ḅụ ḅẹ, “KỊNỊNYANAḄỌ ḅe ḍuko ị̀ pịrị tẹ mị-ḅara mie ọ̀ kẹ Ama-da Nebukadineza kẹ ma asịẹ mamgba kọngọ sụa wararị aị ma anyịma siin ḅarị ḅara; tẹ ò miemẹ mịẹ ḅa maa akụra amụ ḅọrọ-a ogbo. Anịtẹso à nwẹnị mẹnjị so.”

Jerimaya 28:11 Iomraidhean Croise

1 Amadapụ 13:18

Anịtẹso Bẹtẹlị ḅụ ḅo elemu ịkịankoroḅọ ḅe nwẹnị ọ̀ ḅẹẹ, “Yẹrị ḅe sọ í pembe ịkịankoroḅọ tẹ gbọrụ enjẹlị ḅo KỊNỊNYANAḄỌ ḅe ẹkwẹn-ḅịḅị ḅụ ẹkwẹn ị̀ pịrịm, tẹ ḅẹẹm, ‘Ori na pịkịma ị́ warị ḅio sọ-ḅo tẹ mịẹtẹ ò yefị tẹ minji ḅuu ḅẹ ḅara.’ ” Kụma ori iruo kọn ọ̀ pịrịm.

1 Amadapụ 22:6

Anịtẹso Izirẹlị ḅẹ amadaḅọ ḅe nwẹnị ịkịankoroapụ ma kobiri gboloma, owiapụ ẹndẹ pembe ḅara, tẹ nwẹnị ịn ḅẹẹ, “Mu Ramọtị-giliyadị na owu so mẹ à mu mụnọọ, à mu ma mọ?” Ịn nwẹnị ḅẹẹ, “Muu, KỊNỊNYANAḄỌ ḅe anị kẹ amadaḅọ ḅe ḅara-ḅio suu ḅa.”

2 Paka-aị 18:10

Tẹ Zẹdẹkaya, Kenana owiḅọtụḅọ ḅe nwẹnị tọnwa ikulele ịfalị tẹmẹ, tẹ ḅẹẹ, “Mịẹ KỊNỊNYANAḄỌ ḅe ḍuko yee, ‘Mịna aị ma mie ị́ kẹ Siriya ḅẹ apụ ma sukuruma nwenii in fịị fama ḅarịye.’ ”

Egberima-Ẹkwẹn 14:7

Oḅori-sọarị atomi ḅụ ị́ ḅụụ wẹrị ḅelemaa; ịn nyana tẹ kẹ í toluma ḅẹ gberie-sọ ofori.

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 23:17

Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 28:15

À miemẹ ḍuko Hananaya pịrịm, tẹ mie kẹ sụa ḍukom, “Hananaya, pokii! KỊNỊNYANAḄỌ ḅe ị́ fịrịma-a, tẹ ị́ mịẹ tẹ mịna atomi ma iruo ye mininiarị.

Jerimaya 29:9

Ini iruo aị ḍuko ọ́ pịrịarị ị̀ ẹrẹ ḅụ. Yẹrị ịn fịrịma-a. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 13:7

À ḍuko ịn pịrịarị: Árị ịkịan ma tẹ ọmịnị ẹrịarị aị ma papaa aị, tẹ tọrọkọ-jụ paka ḅẹ tẹ ó ḍukoarị aị ma sọ iruo aị. Ọ́ ḅẹẹarị mịnẹ arị aị ma ị̀ ẹkwẹn, kụma amụ àrị ẹkwẹn ọ́ pịrị-a!”