Jerimaya 28:1 - FỊAFỊA BAỊBỤLỤ

¹ Anị gbọrụ kụra mẹ ḅụ, Zẹdẹkaya ama-da tẹ ini karama kụra mẹ ḅẹ sọnọ karama akalụ mẹ ḅụ Azuru tụḅọ Hananaya, Gibiyọnị ḅụ ḅo gbọrụ ịkịankoroḅọ, ẹkwẹn ị̀ pịrịm Tamụnọ-warị mẹ ḅio. Agbamịẹapụ ma na tomi ma tọrọkọ mie ò ḍuko ị̀ pịrị ye

Jerimaya 28:1 Iomraidhean Croise

1 Amadapụ 3:4

Agbamịẹ gbọrụ sakị ḅụ ọ̀ nwẹnị so Gibiyọnị ḅụ agba mịẹ ḅẹ mu, gbala anịanga mie ereso tẹịn agbamịẹ-anga mẹ sime ye. Ḅọrọtẹ sakị ḅụ ori anị yọ ḅụ dọkịma-agba maa ẹndẹ oyia asi finji (1,000) mịẹ tẹ.

2 Amadapụ 24:18

Zẹdẹkaya sịḅị si gbọrụ kụra finji ḅọrọ tẹso ò ḅo amadaḅọ sọm, tẹ oyi gbọrụ kụra finji kẹ Jeruselemu ḅụ ama-dam. Ò iyingi ẹrẹ Amutalị, Libina ḅẹ Jerimaya ẹrẹḅọtụḅọ.

2 Paka-aị 36:11

Zẹdẹkaya sịḅị si gbọrụ kụra finji ḅọrọ tẹso ọ̀ saakị ama-dam, tẹ ò Jeruselemu ḅụ oyi gbọrụ kụra finji kẹ ama-dam.

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 23:28

Ḍawọ kọn ịkịankoroḅọ emi-emii mḅọ mḅọ kọn ḍawọ ḍiki tẹ ḍukoo, kụma ì oku naa ịkịankoroḅọ mẹ mḅọ ḅioḅẹngbọ-kẹ-sịrẹrẹ-niḅi ḅara kẹ ì oku mẹ ḍuko-wasamaa. Tọ iḅi asịra nwẹn nyana anị kẹ mbịaka na tọnmarị kiri?

Jerimaya 27:1

Josaya owiḅọtụḅọ Zẹdẹkaya Juda daarị-daarị, KỊNỊNYANAḄỌ ḅe ḍuko ị̀ pịrịm,

Jerimaya 27:12

Anị gbọrụ ye mẹ mie à ḍuko Juda ḅẹ amadaḅọ Zẹdẹkaya pịrị ye, “Sịḅị-tuu Babịlonịya ḅẹ amadaḅọ ḅe pịrịị. Fịrịmẹnjị ori na ori atomi na pịrịị, anịsakị í ḍumo ḅa.

Jerimaya 27:3

Anịtẹso KỊNỊNYANAḄỌ ḅe ḍuko ị̀ pịrịm arị oku kẹ Idọmụ na, Mohabụ na, Amọnị na, Taya na Sayịdọnị na ḅẹ amadapụ ma fịrịmaa, ịna atọrụ ḍima tẹ Jeruselemu ḅo Ama-da Zẹdẹkaya na ẹrịya ḅẹ ḅo apụ ma ḅịḅị ḅụ.

Jerimaya 28:11

tẹ tomi mamgba tọrọkọ ḅụ ḅẹ, “KỊNỊNYANAḄỌ ḅe ḍuko ị̀ pịrị tẹ mị-ḅara mie ọ̀ kẹ Ama-da Nebukadineza kẹ ma asịẹ mamgba kọngọ sụa wararị aị ma anyịma siin ḅarị ḅara; tẹ ò miemẹ mịẹ ḅa maa akụra amụ ḅọrọ-a ogbo. Anịtẹso à nwẹnị mẹnjị so.”

Jerimaya 28:17

Tẹ anị gbọrụ kụra mẹ ḅụ sọnọma akalụ karama akalụ mẹ ḅụ Hananaya nwẹnị fịị.

Jerimaya 28:5

Anịtẹso agbamịẹapụ ma na tomi mamgba tẹ anị jụ sịẹsime-sime apụ na tọrọkọ Tamụnọ-warị mẹ ḅio, arị Hananaya ḅẹẹm:

Jerimaya 29:15

Ọ́ ḅẹẹarị mịnẹ KỊNỊNYANAḄỌ ịkịankoroapụ kẹ ọ́ pịrị tẹẹ Babịlonịya ḅụ.

Jerimaya 36:12

Anịtẹso ori amada-opu-warị mẹ mu tẹ amadaḅọ ḅẹrẹ-siri mẹ ḅẹ ḍiri-kẹẹḅọ ḅio mẹ sọ-mum, anie opu-fịrịmẹnjịapụ mamgba kobiri sime anga mẹ. Ẹlịsama, ḅẹrẹ-siri mẹ ḅẹ ḍiri-kẹẹḅọ ḅe na, Delaya, Sẹmaya tụḅọ ḅe na, Ẹlịnetanị, Akịbọ tụḅọ ḅe na, Gemaraya, Safani tụḅọ ḅe na, Zẹdẹkaya, Hananaya tụḅọ ḅe na osi fịrịmẹnjị-opuapụ mamgba na sọ kiri ḅụ simem.

Jerimaya 37:13

Kụma à mu Benijamịnị Onu Ḅọkọ mẹ la tẹso, anị anga ama-koru sime ọmụapụ ma sịḅịdaḅọ, Irija nwẹn-sịn tomḅọ Selemaya owiḅọtụḅọ, pịkị Hananaya taa-owiḅọtụḅọ ḅe nwẹnị ị̀ dasịẹma tẹ ḅẹẹ, “Í so Babịlonịya ḅẹ apụ jụ sọ ḅẹ muarị!”

Jerimaya 37:19

Ọmịna ịkịankoroapụ ma tẹ ḍuko ọ́ pịrịm mịnẹ Babịlonịya ḅẹ amadaḅọ owu kẹ ọ́ paka ḅịa, anịanịa mị sịẹ mẹ paka ḅịa ḅẹ apụ ma, tiye ịna ḅụ paka?

Jerimaya 49:34

Zẹdẹkaya ḅo Juda ḅẹ amadaḅọ sọ tẹso, Kụrọmamgba nyana KỊNỊNYANAḄỌ ḅe ẹkwẹn ị̀ pịrịm Ẹlamụ sịẹ mẹ gboloma ye ḅụ.

Jerimaya 51:59

Ama-da Zẹdẹkaya na sakị mamgba emi tẹ fịrịmẹnjị ọ̀ pịrị-pịrị ḅọ anie Sẹraya, Nẹrịya owiḅọtụḅọ, pịkị Masẹya taa-owiḅọtụḅọ ḅe. Zẹdẹkaya ḅẹ Juda da tẹ ini karama kụra mẹ ḅụ Sẹraya ori na sọ muarị tẹ à mịna aị ma ḍuko ọ̀ pịrịm ọ̀ mịẹ.

Izikẹlị 13:6

Ini ẹrịarị ịkịan ma papaa aị, tẹ tọrọkọ-jụ paka ḅẹ tẹ in ḍukoarị aị ma sọ iruo aị. Ini ọkịarị mịnẹ ini ì oku ḍukoarị, kụma yẹrị ịn fịrịma-a. Anịsọ ịn paa tọrụ kẹ anị paka ḅẹ ḅara ḍikiarị!

Hosiya 7:3

KỊNỊNYANAḄỌ ḍukoarị, “Kịnị oḅori kẹ amadaḅọ ḅe na ọ̀ fịrịmẹnjị-opuapụ na sịn-arị in ḅiyarị si aḅẹrẹ ḅụ.

Jọsụwa 10:12

Anịtẹso Jọsụwa ẹkwẹn KỊNỊNYANAḄỌ ḅe pịrịm ene mẹ tẹ KỊNỊNYANAḄỌ ḅe Amọrayịtị apụ ma saḅama Izirẹlị ḅẹ owiapụ ma pịrị sakị mẹ, tẹ ọ̀ nwẹnị Izirẹlị tọrụ ogbo ḅụ ḅẹẹ, “Ịrụa ị́yẹrị Gibiyọnị ḅụ gbọrụ ogbo sịẹsimee anịsakị ị́yẹrị Akalụ, Ahijalọnị Tụndụ Ogboku ḅụ sịẹsimee”

Jọsụwa 9:3

Kụma Gibiyọnị ḅẹ apụ Jọsụwa kẹ Jeriko na, Ayị na mịẹ ye naa tẹso,