Jerimaya 27:9 - FỊAFỊA BAỊBỤLỤ

⁹ Ọmịna ịkịankoroapụ, anịanịa ḅẹḅọ-ḅẹḅọ tẹ ọkịarị mịnẹ mḅọ inetẹ ḅaa paka ḅẹ ye ḍuko ḅarị ḅọ, anị ḅọrọ ḍawọ ḅụ-o anịanịa fịtẹ-apụ atẹmẹ siin saakị ḅụ-o, anịanịa majịkị ḅụ-o, ọmịnị in poki ma. Inimgba ḍuko ọ́ pịrịarị ọ́ sịḅị-tuu Babịlonịya ḅẹ amadaḅọ ḅe pịrị ma.

Jerimaya 27:9 Iomraidhean Croise

Paka-so 22:18

“Ọ́ ḍụkụ tẹ arịḅọ ḍumo-sime ma.”

Paka-so 7:11

Anịtẹso Fero nwẹnị ye-nimiapụ ma na, majịkị-mịẹapụ ma na sịn ḅo kobiri, tẹ ini Ijiputi ḅẹ majịkị-mịẹapụ ma sọ nwẹnị ịn ḍawọ tẹ ḍịn ḅọị aị ḅụ mị gbọrụ ye mẹ mịẹ.

Egberima-Ẹkwẹn 19:27

Tụḅọ, í ye-ḍawọ dasịẹma kụma, ala-a í nimi ḅọrọma tẹ ye sọ ị́ sịkị ḅa.

Ayịzaya 8:19

Kụma tomi ḅẹẹ ḅa, mịnẹ ḅịrịapụ na, ḍụẹịn-ḅịḅị-gbelaapụ, tẹ feni pọkọ na, kịnị iḅiọkụ naa-a ḅara na kẹ ẹkwẹn-arị apụ na ḅara oku da ḅo ịn pịrị. Ịn ḅẹẹ ḅa. “Anị ḅẹ kunoma kịnị paa tẹmẹ ma oku-ḅịḅị ḅii tẹ ḍumo wararị apụ sịḅị gotẹ fịtẹ-apụ ḅịḅị gbela ḅarị ya.”

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 23:16

Kụrọmamgba nyana KỊNỊNYANAḄỌ ḅe Jeruselemu ḅẹ apụ ma ḅẹẹm, “Ọmịnị ịkịankoroapụ ma ḍukoarị aị ma poki ma; papaa ḅiokpọma aị mie ịn kẹ ọmịna aḅụụ ḅio suu ḅinmarị. Ịna aḅioḅẹngbọ ḅụ ịn kuroma ḅo aị mie in ḍuko ọ́ pịrịarị, yẹrị ḅẹẹ ye-a.

Jerimaya 23:25

Arị ịkịankoroapụ ma ḍuko tẹ ye mẹ à nimi wararị, anie ị̀ ẹrẹ ḅụ iruo-iruo tẹ ọkịarị mịnẹ àrị ì oku kẹ ịn pịrị tẹ ịna aḍawọ ḅụ.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 29:8

Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Izikẹlị 21:29

Ọmịnị ẹrịarị ịkịan ma papaa aị, tẹ tọrọkọ-jụ paka ḅa nwẹn ḅẹẹ tẹ ò ḍukoarị aị ma sọ iruo aị. Ó si-sịḅịḅio-sụa wararị pịkị si wararị, tẹ ọmịna eneḅaka ḅoarị, ọmịna kunoma fomu-ḅara ene mẹ. Okologie mẹ ọmịna akọngọ koro ḅẹ-yearị.

Danẹlị 4:7

Anie ḅụ ḅịrị-ẹrịapụ ma na, ibiam-tiapụ ma na, arịapụ ma na pịkị so-ḍikiapụ ma na nwẹnị sọ-ḅo, à nwẹnị ḍawọ mẹ ḍuko ịn pịrị, kụma in inetẹ anị puu-finji ị̀ pịrị-a.

Mayịka 3:7

Ịna ye naa gbarị ḅụ so-ḅịrịapụ ma ḅụụ-jịrị ḅa, anịsakị ye ḅii tẹ paka ḅe ye ḍuko apụ ma tọrụ-tuu ḅa. Inimgba ḅụụ-jịrị ḅa, Tamụnọ ḅarị ịn pakịrị-a ẹrẹsị.

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Fịrịmẹnjịapụ 8:11

Ini mị opu ḅara mẹ kẹ ori ọkịm, anie ala lama tẹ sakị ọ̀ nwẹn kẹ majịkị mịẹ-mịẹ tẹ kẹ ịna ḅụụ-buama tẹ ẹrẹsị.

Ẹfisọsị 5:6

Ọ́ ḍụkụ tẹ gbọrụḅọ-sọ oḅori ẹkwẹn kẹ ọmịna sịḅịḅio pikirima ma; mịna gbọrụ aị ma gotẹ Tamụnọ ịganị ḅo ọ̀ ḅịḅị poki-a apụ ma ọgọnọ gbana ḅa.

Ditẹrọnọmị 13:2

tẹ elekima mẹ, anịanịa ḅụụ-buamaye mẹ tẹ ò ḍuko ọ́ pịrị ye mẹ paka-paka, tẹ ó yee wa ja oru-atamụnọ tẹ amụ ó nimi-a aị ḍukamẹnjị tẹ fịrịmẹnjị ịn pịrị kẹ ọ́ ḅẹẹ ḅẹẹ,

Ditẹrọnọmị 18:14

Kẹ gotẹ ọkọ ḅẹẹarị, mịna opu asịẹ ma tẹ ọ́ ḅara ḅụ ịn nyana ye ọkị ḅẹ mịẹarị apụ ma okoḅa-sarasara-ye-gbelapụ na, ḅịrịkọn-apụ na mie ịn tọrụ kẹ ḍikiarị; kụma, ọmịnị kụma KỊNỊNYANAḄỌ ọmịna Tamụnọ ḅe amụ ḍụkụ-a ọmịnị ọkọ mịẹ.

Jọsụwa 13:22

Ịna aḅụụ fịị kirikọntẹ Izirẹlị ḅẹ apụ ma okologie mẹ kẹ ḅaa apụ ma ogbo-ḅio ḅụ Balamụ, Bẹyọ owiḅọtụḅọ okoḅa-sarasara-ye-gbelaḅọ ḅe sọ emi.

Mịẹfinji 18:23

Tọnjọ sọ ḅarị jen kẹ í ḅio kọrị tẹ kịnị ẹrị ḅịa; ịyarị ama-na-ere-na pọkọ sọ í ḅio kịnị ḅarị naa ḅịa. Tomikiri ḅụ ị́ atuḅoni ma kụrọ nyana tẹịnm, tẹ ị́ pịkị majịkị kẹ oḅori kẹ tomikiri ḅẹ atomi mamgba sịnm.”

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”

Mịẹfinji 22:15

Kụma opu ama mẹ ḅio sọ-a apụ ma anie amịna ḍumo kọn pengemarị apụ na, ḍiri ibiam tii-arị apụ na, ḅụụ kpaịnma-a ḍumo kọn-arị apụ na, kịnị-ḅaapụ na, oru tẹkẹ apụ na, pịkị iruo-apụ na, ịn kọn-arị ẹkwẹn ma na ịna amịẹaị na ḅụ.

Mịẹfinji 9:21

Ịn pịkị ịna kịnị ḅaa ma na, ịna ḍiri amịẹaị ma na, ịn kọn-arị owiapụ na ereme na kọn-kọn si amẹnjị ma na, ịna furu mẹ na ḅụ sọ ịn pịkị-a.