Jerimaya 27:7 - FỊAFỊA BAỊBỤLỤ

⁷ Sịẹ-sịẹ mamgba fịrịmẹnjị ọ̀ pịrị ḅa, ịn pịkị fịrịmẹnjị ori owiḅọtụḅọ na ọ̀ taa-owiḅọtụḅọ na pịrị ḅa, nwenii ọ̀ ḅara-kuḅu ḅẹ sịẹ mẹ ḅịkị ḅẹ sakị ḅo la ḅa. Anịtẹso ọ̀ sịẹ mẹ fịrịmẹnjị opu kụrọ nyana asịẹ na opu amadapụ na pịrị ḅa.

Jerimaya 27:7 Iomraidhean Croise

Devidi-Anume 37:13

Kụma KỊNỊNYANAḄỌ ḅe si-sịḅịḅio-sụa atomi ma ḍẹrịarị: ò nimi wararị mịnẹ ala-a ini in ḅaa guluguluma ḅẹ ẹrẹsị.

Ayịzaya 13:1

Mie Babịlọnị gboloma oku tẹ Emọzị-ye Ayịzaya ḅe Tamụnọ ḅara da ḅo ye mẹ.

Ayịzaya 21:9

Ḅiotọn-a ḅara ḅụ in ḅoarị! Asụ ọgọnọ kpọlị wararị owiapụ, maa apụ, maa apụ. Ama-koru ḅọ ḅe ori ẹrị ye ḍukoarị. “Babịlọnị ḅịkị tẹ! In sunsin pịrịarị oru-afụḅara mamgba kiri ḅio gala-gala wararị.”

Jerimaya 27:22

Ini arị ọkị Babịlonịya mu tẹ arị anịanga sime nwenii à tọrụ kẹ arị da ḅẹ sakị la ḅa. Anịtẹso àrị arị kẹ pịkị-ḅo arịḅẹ sime ayọ koroma ḅa mị anga ḅụ. KỊNỊNYANAḄỌ ḅe ọkọ ḅẹẹm.”

Jerimaya 34:1

Ama-da Nebukadineza, Babịlonịya daarịḅọ ḅe, na ori ọmụ-ogbo na, pịkị sịẹ-sịẹ ma na kịrị-kịrị apụ tẹ ò suku-ḅio emi apụ na kẹ ḅarasụa ọ̀ pịrị ḅẹ ḅo ọmụapụ na, owu kẹ Jeruselemu na anị kpeki ama ma na pakarị sakị KỊNỊNYANAḄỌ ḅe ẹkwẹn ị̀ pịrịm.

Jerimaya 44:30

Àrị Ijiputi ḅẹ Amadaḅọ Hofara saḅama si kẹ ọ̀ tọn apụ ḅara-ḅio suu tẹ ini ọ̀ ḅaa ḅa, anie à Juda ḅẹ Amadaḅọ Zẹdẹkaya saḅama Babịlonịya ḅẹ Amadaḅọ Nebukadineza ḅara-ḅio suu gbọrụ ḅara mẹ, anie si kẹ ọ̀ tọn tẹ ọ̀ ḅaa ḅii ḅọ ḅe.’ ”

Jerimaya 46:13

Ama-da Nebukadineza, Babịlonịya ḅẹ amadaḅọ ḅe, owu kẹ Ijiputi paka ḅẹ ḅo sakị, KỊNỊNYANAḄỌ ḅe ẹkwẹn ị̀ pịrịm. Ori mẹẹ:

Jerimaya 52:31

Ẹvili-Merodakị ḅo Babịlonịya da kụra mẹ ḅụ, ori ọkụrụkụrụ nyana Ama-da Jehohakịnị, Juda da sime ḅọ ḅe pịrị tẹ ikoli ḅio ọ̀ pakama-ḅom. Miemẹ paka ene anie ini ikoliḅọ ḅara kẹ Jehohakịnị ọkị so tẹ tẹra kụra fa mesi karama kụra mẹ ḅẹ oyi maa akalụ finji karama akalụ mẹ ḅụ si sọnọ finji karama ene mẹ ḅụ.

Izikẹlị 30:24

Anịtẹso à nwẹnị Babịlonịya ḅẹ amadaḅọ ḅe aḅara kọngọ ma mịẹ kụrọma ḅa, tẹ ì okologie kẹ ori aḅara ḅụ sụa ḅa. Kụma arị Ijiputi ḅẹ amadaḅọ ḅe aḅara kọngọ ma anyịma tẹ ori ori na fịya-a ḅọ ḅe tọrọkọ ḅụ iningi nwenii tẹ fịị ḅa.

Danẹlị 2:37

Ị́yẹrị Amada-opu-nyanaḅọ, ị́yẹrị anie amadapụ mamgba ḅụ tẹịn ḅọ. So-ḅio ḅẹ Tamụnọ ḅe ị́ kẹ bebe tomikiri mẹ daarịḅọ sọma tẹẹ, pịkị kụrọ na, opu kụrọ na, kụn na kẹ ị́ pịrị tẹẹ.

Danẹlị 4:22

“Gburo-gburo Opuḅọ, ị́yẹrị anie sịn mẹẹ, anie gele-fa tẹ pịkị kụrọ wararị sịn mẹ. Ị́ ḍụḅa ḅụra tẹ So la tẹẹ, ị́ kụrọ pịkị tomikiri-ngisịẹ mẹ kana tẹẹ.

Habakọkụ 2:7

Kụma tẹrẹmẹ í ḅo anị nimi, jen-apụ nẹngịmarị ḅọ ḅe sọ saa ḅụ sọ ḅa tẹ ini í ponoma tẹ í igbigi gbana tẹ gbẹẹ ḅa. Si kẹ ị́ tọn apụ ḅo mịẹ tẹ í oju sẹkị ḅa. Ini ị́ yaị ọkị-so ḅa!

Habakọkụ 2:8

Ị́ tọnwa asịẹ ḅẹ apụ inoma tẹ ịna aị ọkị tẹ, kụma mịọkụ ịna ḅụ fịị-a so apụ ma í inoma tẹ ị́ aị ọkị-so ḅa, ị́ ḅaa guluguluma tẹ atomi ma ẹrẹsị, pịkị guda-guda amịẹaị tẹ ị́ kẹ tomikiri ḅẹ atomi ma na anị ḅẹ opu ama ma na mịẹtẹ aị ma gotẹ.

Mịẹfinji 14:8

Maaịn karama enjẹlị nwẹnị tarị ye ḅe pono tẹ ḅẹẹ, “Á ḅịkị tẹ! Opu Babịlọnị ma ḅịkị tẹ. Árị mie amịna iru mẹ kẹ tomi mamgba pịrị ḅuu ye — anie owiapụ na ereme na si mẹnjị kụrọtẹ iru mẹ!”

Mịẹfinji 16:19

Opu ama mẹ tẹra kiri puum, tẹ tomikiri ḅẹ asịẹ ma ḅẹ opu ama mamgba fa famam. Tamụnọ opu Babịlọnị mẹ sọ kẹ ḅio kuromam, tẹ mịẹtẹ árị ọ̀ kọpụ mẹ ḅio sime iru mẹ ḅuum — anie ori opu ịganị iru mẹ.