Jerimaya 27:4 - FỊAFỊA BAỊBỤLỤ

⁴ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko ị̀ pịrịm à tọn ịn pịrị tẹ in ḍuko ịna amadapụ ma pịrị mịnẹ KỊNỊNYANAḄỌ ḅe ḍuko tẹẹ:

Jerimaya 27:4 Iomraidhean Croise

Paka-so 5:1

Mị sakị mẹ ḅọrọ tẹso, Mozizi na, Erọnị na nwẹnị Fero dama-mu tẹ ḅẹẹ, “Mị-ḅara mie KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko yee, ‘Ị̀ atomi wẹrịso in so, mịẹtẹ ini ịkpa mẹ ḅio kopini afịaị sọ tẹ alalị fị ị̀ pịrị ḅẹ ḅara.’ ”

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Jerimaya 10:16

Jekọbụ Tamụnọ ḅe ori ịn kịka-a; Ori anie ḅẹẹye-ḅẹẹye tẹmẹḅọọ, tẹ Izirẹlị sẹlẹ ọkị tẹ ini ò soku-ḅẹ atomi sọm. Kụrọmamgba nyana KỊNỊNYANAḄỌ anie ori ẹrẹ.

Jerimaya 25:27

Anịtẹso KỊNỊNYANAḄỌ ḅe ị̀ ḅẹẹm, “ḍuko tomi ma pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọn in pịrịarị ini iru mẹ ḅuu nwenii anị ịna tọrụ-ḅaa tẹ ini ọsụ nwenii in ḅịkị koro tẹ ḅarị inetẹ saakị-so, anie à kẹ in fịrịmarị okologie mẹ gotẹ.”

Jerimaya 27:3

Anịtẹso KỊNỊNYANAḄỌ ḅe ḍuko ị̀ pịrịm arị oku kẹ Idọmụ na, Mohabụ na, Amọnị na, Taya na Sayịdọnị na ḅẹ amadapụ ma fịrịmaa, ịna atọrụ ḍima tẹ Jeruselemu ḅo Ama-da Zẹdẹkaya na ẹrịya ḅẹ ḅo apụ ma ḅịḅị ḅụ.

Jerimaya 27:5

“Ì opu kụrọ na ịnyọ na ḅụ, à tomikiri mẹ tẹmẹm, tomi na nama amẹẹ na tẹ tomikiri angarị aị mamgba na sọ; tẹ yẹrị sẹlẹ pakama-ḅo ḅọ goyegoye mie à kẹ pịrịarị.

Jerimaya 28:14

Kụrọmamgba nyana KỊNỊNYANAḄỌ ḅe, Izirẹlị Tamụnọ ḅe, ḍuko tẹẹ mịnẹ ori ikulele kọngọ sụa ye kẹ mịna asịẹ mamgba kọngọ sụa ḅa, tẹ ịn fịrịmẹnjị Ama-da Nebukadineza, Babịlonịya ḅẹ ḅọ ḅe pịrị ḅa. KỊNỊNYANAḄỌ ḅe ọkọ ḅẹẹm mịnẹ piri-ḅio-ḅẹ anama amẹẹ sọ fịrịmẹnjị Nebukadineza pịrị ḅa.”

Jerimaya 51:19

Jekọbụ Tamụnọ ḅe ori ịn kịka-a; ori anie ye goyegoye mịẹ ḅọ ḅe, tẹ ori Izirẹlị sẹlẹ-ọkị tẹ ịn karakara mịẹ tẹ sime ọ́ pịrị apụ sọọ. Kụrọmamgba nyana KỊNỊNYANAḄỌ ḅe anie ori ẹrẹ.