Jerimaya 27:21 - FỊAFỊA BAỊBỤLỤ

²¹ “Ọmịnị yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍukoarị ye pokii, anie Jeruselemu ḅụ Tamụnọ-warị mẹ ḅio na amada-warị mẹ ḅio na kọn wararị ngọ ma gboloma ye:

Jerimaya 27:21 Iomraidhean Croise

2 Amadapụ 20:17

Ḍikii, ene ḅoarị, ị́ warị ḅio sime aị mamgba na, ị́ aḍapụ koko wenii ḅo mịmgba la aị mamgba na dogi-so Babịlọnị mu ḅarị sakị; gberie-sọ arị ḅụ kọn ḅịa, KỊNỊNYANAḄỌ ḅe ọkọ ḅẹẹm.

2 Paka-aị 36:18

Tamụnọ warị mẹ ḅẹ ẹfẹrẹ — opu aị na kala aị na — pịkị KỊNỊNYANAḄỌ ḅe warị mẹ ḅẹ ngọ ma na amadaḅọ ḅe na ori owiapụ-awọmẹ ma na nyana ngọ mamgba ọ̀ kẹ Babịlọnị ḅom.

Ẹzịra 1:11

Golu na, seleḅa na ẹfẹrẹ mamgba gboloma oyi tẹra ẹndẹ finji na gberie fa ngei asi finji na (5,469). Arịmgba Sesibaza ọkị-ḅom, omoni ḅara-ḅio sime apụ ma Babịlọnị ḅụ so Jeruselemu mu sakị.

Ẹzịra 1:7

Sayịrọsị amadaḅọ ḅe pịkị KỊNỊNYANAḄỌ ḅe warị ḅẹ ẹfẹrẹ ma tẹ Nebukadineza Jeruselemu ḅụ dogi-so tẹ kẹ ori atamụnọ warị mẹ ḅio koroma aị ma ọkị-ḅom.

Ayịzaya 39:6

sakị ḅoarị ị́ ama-da warị ḅio sime ye, sime ye na í elemu aḍapụ ma koko wẹrị ye goyegoye na, ḅo mịmgba la, in dogi sọ Babịlonịya mu ḅa. In koroma so ḅẹ gberie-sọ ofori.

Jerimaya 20:5

À pịkị wẹrịso tẹ si kẹ ịn tọn apụ ma mị opu ama mẹ ḅẹ ngọ mamgba fọịn tẹ anị nyana aị mamgba kọrị-ọkị ḅa, Juda ḅẹ amadapụ ma kẹ koko ḅụụ-wẹrịma aị kịngẹ sọ, tẹ ye goyegoye dogi-so Babịlonịya mu ḅa.

Jerimaya 27:20

anie Nebukadineza, Babịlonịya ḅẹ amadaḅọ ḅe ọkị so-a aị ma, ò Jehohakịnị, Jehohakịmụ tụḅọ ḅe Juda ḅẹ amadaḅọ ḅe ọkị so Babịlọnị mu sakị, na Juda na Jeruselemu na ḅẹ opu atomi na kẹ sụa kun so sakị.

Jerimaya 27:22

Ini arị ọkị Babịlonịya mu tẹ arị anịanga sime nwenii à tọrụ kẹ arị da ḅẹ sakị la ḅa. Anịtẹso àrị arị kẹ pịkị-ḅo arịḅẹ sime ayọ koroma ḅa mị anga ḅụ. KỊNỊNYANAḄỌ ḅe ọkọ ḅẹẹm.”

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.