Jerimaya 27:19 - FỊAFỊA BAỊBỤLỤ

¹⁹ Gbala mie Kụrọmamgba nyana KỊNỊNYANAḄỌ ḅe ḅẹ ḅara, mịnẹ sịẹ kperere-kperere wararị ḅeriaị ma na, minji sụa tankị mẹ na, ye-sịẹma-aị ma na, Tamụnọ-warị mẹ ḅẹ ja ḅirima aị ma na opu ama mẹ ḅio kirikọn-aị ma,

Jerimaya 27:19 Iomraidhean Croise

1 Amadapụ 7:23

Huramụ nwẹnị anịtẹrẹmẹ ojo-ikulele kẹ ikelema-koro tẹ sọnọma aḅụọ-kuḅu na pakịrị na (2.2 m) kẹ pokolo, pịkị jeia aḅụọ-kuḅu (4.4 m) kẹ finjima wararị minji-kokoye mịẹ. Anịḅẹ ikelema-koro anie mesi sọnọa aḅụọ-kuḅu finji (13.2 m).

1 Amadapụ 7:27

Huramụ nwẹnị pịkị ojo-ikulele kẹ oyia yedogi-kirimẹnjị-arụ mịẹ; gberie-gberie ḅẹ nangwọ anie sonioa aḅụọ-kuḅu (1.8 m), tẹ anị ḅẹ gele pịkị inia aḅụọ-kuḅu na pakịrị na (1.3 m).

2 Amadapụ 25:13

Babịlọnị ḅẹ apụ ma nwẹnị KỊNỊNYANAḄỌ ḅe warị mẹ ḅio sime ojo ḅeriaị ma na, ye-sịẹma aị ma na, ojo minji-sụaye mẹ na kẹ pakịrị-pakịrị puu tẹ ojo ma dogi-so Babịlọnị mu.

2 Amadapụ 25:17

Gbọrụ ḅeriye-ḅeriye ḅẹ gele anie tẹra ḅụọ-kuḅu fa ḅụọ-kuḅu asuei (8 m); anịsakị anị ọgọnọ ojo ejikila inia ḅụọ-kuḅu na pakịrị na (1.3 m) kẹ gele ye emii; ịgbọ ḍori ḅara kẹ ḍori-aị na, omburo na kẹ ejikila mẹ ḅirima ikelema-koro wararị, ojo kẹ ini arịmgba mịẹm. Maaịn karama ḅeriye mẹ sọ ịgbọ ḍori ḅara mẹ kẹ ḍori-aị ma na ọkọ simem.

2 Paka-aị 36:18

Tamụnọ warị mẹ ḅẹ ẹfẹrẹ — opu aị na kala aị na — pịkị KỊNỊNYANAḄỌ ḅe warị mẹ ḅẹ ngọ ma na amadaḅọ ḅe na ori owiapụ-awọmẹ ma na nyana ngọ mamgba ọ̀ kẹ Babịlọnị ḅom.

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Danẹlị 1:2

KỊNỊNYANAḄỌ ḅe minini ọ̀ pịrị tẹ ori Ama-da Jehohakịnị kun tẹ pịkị Tamụnọ-warị mẹ ḅẹ ngọ ma ḅẹ jaị fọịn ọkịm. Ori ikoliapụ ḅara kẹ jen-apụ ọkị ọ́ ḅụ sụa so ori atamụnọ ma warị mum Babịlọnị ḅụ, tẹ fọịn so ngọ ma kẹ ọ̀ tẹkẹarị tamụnọ-warị mẹ ḅẹ ye koko aḅio ḅụ kokom.