Jerimaya 27:18 - FỊAFỊA BAỊBỤLỤ

¹⁸ Ini ma karakara-ḅara-ḅụ ịkịankoroapụ ḅẹḅẹ, tẹ ini ì oku nyana wararị ḅẹḅẹ, yee ini ị̀ ḅara ḅii, Kụrọmamgba nyana KỊNỊNYANAḄỌ ḅe, mịnẹ à ḍụkụ tẹ ịn Tamụnọ-warị mẹ ḅio na ama-da warị mẹ na ḅio na kirikọn wararị ngọ ma dogi-so Babịlonịya mu ma.”

Jerimaya 27:18 Iomraidhean Croise

Suku-saakị 20:17

Anịtẹso Ebira-amụ Tamụnọ tẹkẹm, tẹ Tamụnọ nwẹnị Abimẹlẹkị gwọ, pịkị ọ̀ ta na, omoni-ereme ma na sọ gwọ mịẹtẹ ini awọmẹ iyi ḅẹ ḅara.

1 Amadapụ 18:24

Tẹ ọ́ nwẹnị ọmịna tamụnọ ḅe ẹrẹ sịn ḅa, tẹ yẹrị pịkị KỊNỊNYANAḄỌ ḅe ẹrẹ sịn ḅa, tẹ kọrị-fịnị kẹ sịn-ḅịḅị mẹ pakịrị Tamụnọ ḅe, ori anie Tamụnọ ḅẹẹ.” Tẹ tomi mamgba nwẹnị pakịrị “ẹkwẹn mẹ ḅẹlẹm.”

1 Amadapụ 18:26

In nwẹnị ịn kẹ ḅo ịna pịrị owi-nambulo mẹ ọkị tẹ anị tẹlẹma, tẹ nwẹnị dede-ḅio saakị Balị sịn nwenii ḅo ene-ogbo la ḅẹẹarị, “yei Balị wa pakịrịị.” Kụma kịnị gbọrụ pọkọ sọ naa-a, gbọrụḅọ-sọ pịkị pakịrị-a, tẹ ịn nwẹnị in nama agbamịẹ-anga mẹ ikelema-koro tẹ ịnyọ-pọkọta tẹ ḅara sime.

2 Paka-aị 32:20

Anịtẹso Hẹzịkaya amadaḅọ ḅe na, Ayịzaya, ịkịankoroḅọ Emọzị owiḅọtụḅọ ḅe na nwẹnị miemẹ gotẹ tẹkẹ tẹ owu so pịrị.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 42:2

tẹ ị̀ ḅẹẹm, “Sisi wa ḅiiarị ye mịẹ wa pịrịị! KỊNỊNYANAḄỌ wamịna Tamụnọ ḅe tẹkẹ wa pịrịị. Tẹkẹ wamịnị-mgba tẹ fịị-a so apụ ma pịrịị. Gbọrụ sakị wamịna ḅụ ḅẹ tọnwa-apụ simem; kụma mịọkụ wamịna ḅụ boowa apụ kịngẹ kọn tẹẹ, í inetẹ ẹrịarị ḅara ḅụ.

Jerimaya 7:16

KỊNỊNYANAḄỌ ḅe ḅẹẹm, “Jerimaya, tẹkẹ mịna atomi ma pịrị ma. In gotẹ owu ma pịkị tẹkẹ ma; ịna iḅi gotẹ ị́ na ẹkwẹnma, kẹ gotẹ ọkọ ḍukoarị, àrị í poki ḅịa.

Izikẹlị 14:14

Mịna tẹra owiapụ ma — Noha, Danẹlị, na Jobu na, nwẹnị anị ḅio anga simem sọ, ịna iḅi ịna aḍumo ngẹrị mie anị ḅọrọma ḅarịye.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 22:30

Àrị inetẹ onu nama ḅẹ ḅọ ḍọkịm, inetẹ onu mẹ ḅịkị anga ma ḅụ sịẹsime tẹ amakiri mẹ ḍụa ḅẹ ḅọ ị̀ ịganị anị guluguluma ḅẹ sakị, kụma à gbọrụḅọ-sọ ẹrị-a.

Malakayị 1:9

Mịọkụ, ọmịnị agbamịẹapụ, ọ́ Tamụnọ ḅara ye ḅii-ḅii tẹ ḍikii ori iḅi kẹ wa mịẹ ḅẹ ḅara. Ori ọmịna tẹkẹ pakịrị ḅịa, tẹ anị ọmịna ḅara siye sọ ḅa.

1 Samụẹlị 12:19

Tẹ tomi mamgba nwẹnị Samụwẹlị ḅẹẹ, “KỊNỊNYANAḄỌ ị́ Tamụnọ ḅe tẹkẹ ị́ afịrịmẹnjịapụ pịrị, mịẹtẹ wa fịị ḅịa ḅara, kẹ gotẹ ọkọ ḅẹẹarị, wa pịkị gbọrụ amadaḅọ ḅii wamịna-aḅụụ pịrị tẹ mị siye mẹ kẹ mu wamịna asi mamgba ḅụ sụa tẹ ḅẹẹ-sakị.”

1 Samụẹlị 12:23

Anie sikima, yee anị ḅioḅọrọma ye sọ mịnẹ yẹrị tẹkẹ ọ́ pịrị dasịẹma tẹ KỊNỊNYANAḄỌ ḅe ḅụụ si mịẹ ḅarị mẹ; anịsakị arị iḅitẹ karakara etela mẹ kẹ ó toluma ḅa.

1 Samụẹlị 7:8

Izirẹlịapụ ma nwẹnị Samụwẹlị ḅẹẹ, “Owu KỊNỊNYANAḄỌ wamịna Tamụnọ ḅe pịrị wa pịrị mẹ dasịẹma ma, mịẹ tẹ ò Filisiteniapụ ma ḅara-ḅio wa ḅọrọma ḅẹ ḅara.”