Jerimaya 27:12 - FỊAFỊA BAỊBỤLỤ

¹² Anị gbọrụ ye mẹ mie à ḍuko Juda ḅẹ amadaḅọ Zẹdẹkaya pịrị ye, “Sịḅị-tuu Babịlonịya ḅẹ amadaḅọ ḅe pịrịị. Fịrịmẹnjị ori na ori atomi na pịrịị, anịsakị í ḍumo ḅa.

Jerimaya 27:12 Iomraidhean Croise

Egberima-Ẹkwẹn 1:33

Kụma ḅẹḅọ-ḅẹḅọ tẹ ì pokiarị ḅọ mẹ, mḅọ la ḅarịye ofori. Ò ye-ḅụụ-la-a ḅara kẹ kpaịn sime ḅa, ò gotẹ ḅalafa-fa ye ofori ḅara ḅụ.

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 21:9

Opu ama mẹ ḅio sime-ḅọ sime-ḅọ, mḅọ ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ. Ḅẹḅọ-ḅẹḅọ tẹ paka mu ḅara sakị Babịlonịya ḅẹ apụ ma tẹ owu kẹ opu ama mẹ pakarị apụ ma pịrị-ḅọ pịrị-ḅọ, ini mḅọ ḅaa ḅịa, jen-a jen-a sọ mḅọ amịna ḍumo mẹ pụkọ-paka-so ḅa.

Jerimaya 27:8

“Kụma gbọrụ sịẹ, anịanịa amadaḅọ daarị yọ, sịḅị-tuu ọ̀ ḅẹrẹtọn mẹ pịrị-a ḅẹḅẹ, anịsakị à fomu-ḅara kẹ anị sịẹ mẹ pịrị ḅa ọmụ ḅụ, ḅuru-ḅa ḅụ, pịkị obi ḅụ, nwenii à mịẹ tẹ Nebukadineza gbọrsịḅị anị guluguluma fama ḅa.

Jerimaya 28:1

Anị gbọrụ kụra mẹ ḅụ, Zẹdẹkaya ama-da tẹ ini karama kụra mẹ ḅẹ sọnọ karama akalụ mẹ ḅụ Azuru tụḅọ Hananaya, Gibiyọnị ḅụ ḅo gbọrụ ịkịankoroḅọ, ẹkwẹn ị̀ pịrịm Tamụnọ-warị mẹ ḅio. Agbamịẹapụ ma na tomi ma tọrọkọ mie ò ḍuko ị̀ pịrị ye

Jerimaya 28:2

mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḅẹẹ tẹ, “À Babịlonịya amadaḅọ ḅe kụrọ mẹ ḅịkịma tẹ.

Jerimaya 38:17

Anịtẹso à ḍuko Zẹdẹkaya pịrịm mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko tẹẹ, “Ị́ ḅara sakị Babịlonịya ḅẹ amadaḅọ ḅe ọmụ-alapụ ma pịrị ḅẹḅẹ, ini í ḍumo wẹrị kpaịnma ḅa, tẹ mị opu ama mẹ ḅarị dọkị ḅo kiri la ḅịa. Ị́yẹrị-o, ị́ warị suku-o, ịn wẹrị kpaịnma ḅa.

Jerimaya 42:11

Ọ́ ḅarị Babịlonịya ḅẹ amadaḅọ ḅe gotẹ ḅalafa ma. Àrị ọmịnị na emi, tẹ ọ̀ kụrọ ḅụ ọ́ pụkọ-pakamaḅo ḅa.