Jerimaya 26:9 - FỊAFỊA BAỊBỤLỤ

⁹ Tiye ẹrẹsị ị́ KỊNỊNYANAḄỌ ḅe ẹrẹ ḅụ ḍuko mịnẹ mị Tamụnọ-warị mẹ ḅo Silo na kịka ḅa, anịsakị mịẹ opu ama mẹ ini anị guluguluma tẹ gbọrụḅọ-sọ ḅarị anị ḅio anga ḅịa.” Anịtẹso tomi ma ḅo ì ikelema-korom.

Jerimaya 26:9 Iomraidhean Croise

2 Paka-aị 25:16

Kụma amụ ori ẹkwẹn pẹlẹ-a ogbo amadaḅọ ḅe nwẹnị ọ̀ ḅẹẹ, “Wa ị́ kẹ nimi kẹ amadaḅọ ḅe tolumaḅọ sọma tẹ? Dasịẹma! Í tiegotẹ fịị ḅio sọ na-iḅi?” Anieḅụ ịkịankoroḅọ ḅe dasịẹmam, kụma ọ̀ ḅẹẹm, “À nimi wararị mịnẹ Tamụnọ ị́ ḅaa ḅẹ tọn pẹlẹ tẹ, ị́ miemẹ mịẹ tẹ, pịkị à kẹ í toluma ye mẹ poki-a ẹrẹsị.”

Ayịzaya 29:21

Tamụnọ ja atomi ḍuko simarị apụ ma ḅaa guluguluma ḅa, si amịẹaị mịẹ kẹ mịẹ-mịẹye sọma tẹ mịẹarị apụ kikima tẹ in fomu-ḅara da-a apụ ma na, iruo aị ḍuko tẹ kẹ kịnị mingirima, mingirima-a apụ ma dasịẹma tẹ ịn ḅarị ịn la kiri nyana-a apụ ma na.

Jerimaya 32:3

Ịn kẹ ị̀ sịḅị-sẹịn tẹ Ama-da Zẹdẹkaya ị̀ kẹ ikoli suu ye anie, à ḍukom mịnẹ KỊNỊNYANAḄỌ ḅe ḅẹẹm, “À mịẹ tẹ Babịlonịya ḅẹ amadaḅọ ḅe mị opu ama mẹ ọkị ḅa,

Jerimaya 33:10

Mie KỊNỊNYANAḄỌ ḅe ḅẹẹ ḅara: Tomi ḅẹẹarị mịnẹ mị yọ mẹ ịkpa kịkarị, anie tomi anịanịa nama sọ anị ḅio anga-a. Ịn karakaraye ḍukoarị; Juda ḅẹ ama ma na Jeruselemu ḅẹ etela ma na papaa kịnị ofori ḅara kẹ emi; tomi anịanịa nama sọ arị ayọ anga-a. Kụma mịna anga ma ḅụ ó siin naa ḅa

Jerimaya 36:29

KỊNỊNYANAḄỌ ḅe ḍuko ị̀ pịrịm arị amadaḅọ ḅe ḅẹẹ, “Í in-ikoarị-abịlala mẹ dọkịma tẹẹ, pịkị Jerimaya gbela tẹ mịnẹ ò tiegotẹ kẹẹ koroma mịnẹ Babịlonịya ḅo mị amakiri mẹ guluguluma tẹ anị ḅẹ atomi ma na anị ḅẹ anama ma na ḅaa ḅa.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Emọsị 5:10

Ọmịnị ma inoma ḍụkụ-a tẹ ḅẹrẹ-siri ḅio bebe karakara mẹ ḍukoarị apụ ḍiki-ḅioḅuarị.

Mayịka 2:6

Izirẹlị ḅẹ ịkịankoroapụ ma nwẹnị Mayịka ḅẹẹ, “Ḅarị mịna aị ma ẹkwẹn-ẹkwẹn wa pịrị ma; Tamụnọ wamịna aḅụụ jịrịma ḅịa.

Matiyo 21:23

Jizọsị pịkịma Tamụnọ-warị mẹ ḅom; tẹ ò ye-tolumarị ogbo, agbamịẹapụ ma na omongiapụ ma na ḅo ò gbelam, “Ị́ tọ kụrọ nyana tẹ kẹ mịna aị ma mịẹarị? Tụḅọ mị kụrọ mẹ kẹ ị́ pịrị?”

Matiyo 27:20

Agbamịẹapụ ma na, ama ḅẹ omongiapụ ma na, nwẹnị tomina-ogbo mẹ toluma, mịnẹ ịn Payịleti ḅara ḅii mịnẹ ọ̀ Barabasị ḅụ ḅara-siin ịn pịrịị, tẹ Jizọsị ḅaa.

Makị 15:11

Kụma agbamịẹapụ ma tomina-ogbo mẹ jikemam, mịnẹ Jizọsị nakara ịn Payịleti ḅara ḅii tẹ ọ̀ Barabasị ḅụ ḅara-siin ịn pịrị.

Jọnị 8:20

Jizọsị Tamụnọ-warị mẹ ḅio ye tolumarị sakị mie ọ̀ ma ma ḍuko ye, ịn kẹ Tamụnọ pịrịarị igbigi kẹ sụa, sụa igbe ma kẹ koroma, koroma ḅio mẹ ḅụ. Tẹ gbọrụḅọ-sọ ó kun-a, ọ̀ sakị amụ la-a ẹrẹsị.

Jọnị 8:59

Anịtẹso ịn nwẹnị ịn kẹ ò gbin ḅẹ aḍụḅarị kolokolo, kụma Jizọsị ọ̀ ḅụụ kikima tẹ Tamụnọ-warị mẹ koroma-som.

Fịrịmẹnjịapụ 13:50

Kụma Juu-ḅẹ-apụ ma nwẹnị anị opu ama mẹ ḅẹ sịḅịda apụ ma toluma, pịkị mu Ja asịẹ ḅẹ opu ereme tẹ Tamụnọ nimi apụ ma sọ la. Tẹ tomi ma nwẹnị Pọlụ na Banabasị na ḅaa ḅẹ ḅọkọ ḍọkị lama tẹ ịna ibe mẹ ḅụ in dee pakama.

Fịrịmẹnjịapụ 21:30

Anị gbọrụ sakị ḅụ bebe ama mẹ jike tẹ, tomi mamgba nwẹnị mangị mu kobiri, tẹ kụrọ-ḅara kẹ Pọlụ kun tẹ Tamụnọ-warị mẹ ḅio ọ̀ fọnọ pakama, tẹ ịn nwẹnị anị gbọrụ sakị ḅụ Tamụnọ-warị mẹ ḅẹ aḅọkọ ma gbaịn.

Fịrịmẹnjịapụ 22:22

Ini iḅi ḅeri kẹ Pọlụ poki nwenii ò ḅo miemẹ ḍukom, kụma anịtẹso, ịn nwẹnị saakị kụrọma oloku, “Ọ̀ kẹ mu ḅaa famaa, ò ḍumo na-iḅi-a!”

Fịrịmẹnjịapụ 3:11

Tomḅọ ḅe kẹ Pita na Jọnị na ḅụ so ḍụkụ-a ḅara mẹ nwẹnị tomi ma ḅụụ-buama, tẹ ịn nwẹnị mangị ịn dama-mu, ini ịn kẹ “Sọlọmọnị Sịḅị kikima Anga” nwẹn-sịn anga mẹ ḅụ, simearị ogbo.

Fịrịmẹnjịapụ 5:12

Fịrịmẹnjịapụ ma tọnwa ḅụụ-buama-aị na, ḅụụ-gbiripuma aị na mịẹm tomi ma ogboku. Tẹ Jizọsị minini apụ mamgba nwẹnị Sọlọmọnị Sịḅị-kikima-anga nwẹn-sịn anga mẹ ḅụ kobiri.

Fịrịmẹnjịapụ 5:28

Ori mẹẹ, “Wamịnị oloko sụa ọ́ pịrịm mịnẹ ọ́ ḅarị jen kẹ ḅị tomḅọ ḅe ẹrẹ kẹ ye toluma ma ḅẹ kụma, mịọkụ ọ́ mịẹ ye ḍikii! Ọmịnị ọmịna tolumaye mẹ kẹ bebe Jeruselemu mẹ kana-koro tẹ, pịkị ọ̀ fịị mẹ kẹ wamịna sịḅị sẹịn ḅẹ-ḅiiarị!”

Fịrịmẹnjịapụ 6:14

Wa ọ̀ ḅịḅị naam mịnẹ ḅie, Nazarẹtị ḅẹ Jizọsị ḅe Tamụnọ-warị mẹ kan sara tẹ pịkị Mozizi ḅụọ kụra-ḅio wamịna ama anga-anga aḅara mamgba ḍima fama ḅa.”

Jọsụwa 18:1

Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.