Jerimaya 26:4 - FỊAFỊA BAỊBỤLỤ

⁴ KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 26:4 Iomraidhean Croise

1 Amadapụ 9:6

Kụma ọmịnị, anịanịa ọmịna ḅụụ ḅụ paka-ḅo apụ nwẹnị ì ḍukamẹnjị dasịẹma, tẹ ḅarị ị̀ ḅịḅị poki tẹ ị̀ oloko ma na à tọn ọ́ pịrị aị ma na koko-a, tẹ sunsin oru-atamụnọ pịrị-pịrị,

Ayịzaya 1:20

Kụma ọmịnị ị̀ na tụḅụrụ ḅẹḅẹ, ọ́ fa tẹ, fịị sime ọ́ pịrịm. Yẹrị KỊNỊNYANAḄỌ ḅe ọkọ ḅẹẹm.”

Jerimaya 17:27

Kụma ini ị̀ ḅịḅịpoki nyanam, tẹ Ịnyọsara-Ene mẹ kẹ fịafịa ene ḅara wẹrị. Gbọrụ ikuye sọ in dogi Jeruselemu ogigo-aḅọkọ ma sọ mu nyana-a anị ene mẹ ḅụ, kẹ gotẹ ọkọ ḍukoarị, ịn mịẹ-mịẹ à fịnị kẹ Jeruselemu ogigo-aḅọkọ ma ḅụ sụa ḅa. Fịnị Jeruselemu ḅẹ amada-awarị ma dọkịma kiri gbin ḅa, tẹ gbọrụḅọ-sọ inetẹ anị biinma ḅịa.”

Jerimaya 22:5

Kụma ọmịnị ì oloko ma poki tẹ mịẹ-a ḅẹḅẹ, à karị ọ́ pịrịarị mịnẹ mị amada-warị mẹ ḅịkị tẹ sii kọsị ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 32:23

Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 44:23

Mịọkụ ḅo ọ́ la wararị opu ḅụụ-fụka mẹ ọmịnị agba mịẹ-mịẹ oru-atamụnọ ma pịrịarị ye na ọ́ kẹ Tamụnọ mịẹ si, anie ori oloko ma koko-a ḅụ, anị ḅọrọ ḅom.”

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 4:44

Mie Oloko mẹ tẹ Mozizi kẹ Izirẹlị ḅẹ awọmẹ ma pịrị ye mẹ.

Ditẹrọnọmị 4:8

Anịsakị tọ gburo-gburotẹ opu sịẹ emi, tẹ oloko mẹ tẹ à kẹ mịmgba ọmịna tọrọkọ koroma wararị kẹẹ wararị oloko ma na, kụrọ ḅara-ḅio sime apụ sụa oloko ma na, mị oloko mẹmgba karakara ḅara karakara oloko nyana?

Hiburu 6:18

Ọkọẹrẹsị mịna maaịn ma emi, mịnẹ ò minini ye mẹ inetẹ ḍima ḅịa, tẹ ọ̀ pịkị iruo ḅịa. Mie ḅụ, wamịnị ọ̀ ḅụụ sịḅị-kikima-yọ ḍọkị-ẹrị tẹ apụ ma, kpọma ḅiokpọ tẹ iḅiọkụ ọ̀ kẹ wamịna tọrọkọ koroma wararị ḅiokpọmaye mẹ fịnama sịẹmarị.