Jerimaya 26:3 - FỊAFỊA BAỊBỤLỤ

³ Ẹbịsịya tomi ma poki tẹ ịna si etela ma ḅụ ḅara-siin ḅa. Ini ọkọ mịẹm ḅẹḅẹ, anịsakị arị ì kuroma ḍima ḅa ịna si-sịḅịḅio amịẹaị ẹrẹsị à tọn tẹ kẹ ịn ḅaa-guluguluma ḅẹ ye mẹ ḅụ.”

Jerimaya 26:3 Iomraidhean Croise

1 Amadapụ 21:27

Ehabụ mịna ẹkwẹn-aḅịḅị ma naa fama tẹso, ọ̀ nwẹnị ọ̀ kapa kan tẹ akpa kẹ sụa, ḅuru-ịmọ, akpa kẹ kiri dee tẹ mono, tẹ simini ḅara sime tẹ mẹnjị ma ḅọrọ.

1 Amadapụ 21:29

“Ehabụ ị̀ tọrọkọ ọ̀ ḅụụ iderima tẹ ḅara ị́ ẹrị tẹ? Ori ị̀ tọrọkọ ọ̀ ḅụụ iderima tẹ ẹrẹsị, à ḅarị ò ḍumo-ene ma ḅụ siye mẹ kẹ ḅo ḅịa; kụma ori owiḅọtụḅọ ḅe ḍumo-ene ma ḅụ mie à siye mẹ kẹ ọ̀ warị ọgọnọ ḅụ gbana ḅarịye.”

Jerimaya 26:13

Ọmịnị ó ḍumo kọn-arị ḅara na ọ́ mịẹarị aị na ḍima tẹ pịkị KỊNỊNYANAḄỌ ọmịna Tamụnọ ḅe ḅịḅịpoki nyanam. Ọmịnị ọkọ mịẹm ḅẹḅẹ, ori ò kuroma ḍima ḅa, ọ̀ ḅẹẹm ori ọkị-ḅo ọmịna ọgọnọ gbana ḅa ḅẹ guluguluma mẹ gboloma ye ḅụ.

Jerimaya 26:19

Ama-da Hẹzịkaya na Juda ḅẹ apụ ma na ịn Mayịka ḅaa-a. Anie nakara Hẹzịkaya KỊNỊNYANAḄỌ ḅe mangịma tẹ ḅụụkụrọma tẹ mịẹ tẹ ò ḍiki-ḅụụjịrị nyana ọ̀ pịrịm. Tẹ KỊNỊNYANAḄỌ ḅe amịna kuroma ḍimam ọ̀ ḅẹẹm ori ọkị-ḅo ịna ọgọnọ gbana ḅa nwẹn ḅẹẹ opu ḅụụ-fụka mẹ gboloma ye ḅụ. Mịọkụ wa ḅalafama opu ḅụụ-fụka dogi-ḅo wamịna ọgọnọ gbana ḅẹ-yearị.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Izikẹlị 12:3

“Mịọkụ, fịị-fịị tomḅọ, sarasarama saakị dogi ḅẹ aị kobiri fịna wẹrị, gbala ḍumo-mangị kọn ḅẹ ḅọ ḅara, tẹ ene amụ gbaịn koro-a ogbo saakị mẹnjị paka. Yee ḅẹḅọ-ḅẹḅọ í so jen anga muarị ye kẹ ị́ ẹrị. Ẹbịsịya arị kọngọ-kụrọ apụ ma ị́ kẹ elekima sụa ḅa.

Izikẹlị 18:21

Gbọrụ tomḅọ si mịẹ dasịẹma tẹ ì oloko ma kokoarị ḅẹḅẹ, ò kuraye na iḅiye na mịẹarị ḅẹḅẹ, ọ̀ fịị ḅịa; karakaraye ḅụ ò ḍumo ḅa.

Hosiya 11:9

Àrị ị̀ ịganị ḅụ í fomu ḅịa; à ḅarị jen kẹ Izirẹlị guluguluma ḅịa. Gbala yẹrị Tamụnọọ, yẹrị tomḅọ-a. Yẹrị Fịafịa Ḅọ ḅe ị́nịna emi. Àrị ịganị ḅụ ḅo ị́ la ḅịa.

Jowẹlị 2:14

Tụḅọ nimi? Ẹbịsịya KỊNỊNYANAḄỌ ọmịna Tamụnọ ḅe ò kuroma ḍima tẹ tọnwa ḍiḅi-aị pakama sara tẹ kẹ ó boma ḅa. Anịtẹso ọmịnị inetẹ mgbọlị-fịaị na iru na kẹ agba mịẹ ọ̀ pịrị ḅa.

Jona 4:2

Tẹ ọ̀ nwẹnị tẹkẹ: “KỊNỊNYANAḄỌ, à paa ị̀ amakiri ḅio simearị sakị, à ḅẹẹ-a mịnẹ mị gbọrụ ḅara mẹ mie ị́ mịẹ ḅarị ḅara? Anị ẹrẹsị mie à mangị-so Sipeni mu sime yee. À nimim mịnẹ ị́yẹrị anie ḅẹlẹma na ọkụrụkụrụ na nyana kịnị pịrịarị Tamụnọ, sakị-mamgba ye-inema, sakị-mamgba bala ḅara kẹ kịnị na mịẹ, sakị-mamgba í kuroma ḍima tẹ ḅarị fomu-fomu-a ḅọ.