Jerimaya 26:22 - FỊAFỊA BAỊBỤLỤ

²² Anịsọ Ama-da Jehohakịmụ ḍụkụ-a tẹ Ẹlịnetanị, Akịbọ tụḅọ ḅe, na ja oyia apụ na kẹ Ijiputi fịrịmam in mu Yuraya ọlọ ḅo ḅẹ ḅara.

Jerimaya 26:22 Iomraidhean Croise

Suku-saakị 36:38

Sọlụ fịị tẹso, Balị-hanani, Akịbọ owiḅọtụḅọ ḅe ò kiri ọkị tẹ ama mẹ dam.

2 Amadapụ 22:12

Amadaḅọ ḅe nwẹnị tọn Hilikaya agbamịẹḅọ ḅe na, Ahikamụ Safani owiḅọtụḅọ ḅe na, Akịbọ Mayịkaya owiḅọtụḅọ ḅe na, Safani ḍiri-kẹẹḅọ ḅe na, Asaya amadaḅọ ḅe fịrịmẹnjịḅọ ḅe na pịrị, tẹ ḅẹẹm,

2 Amadapụ 22:14

Anieḅụ Hilikaya agbamịẹḅọ ḅe na, Ahikamụ na, Akịbọ na, Safani na, Asaya na, nwẹnị Ịkịankoro-ẹrẹḅọ Huluda na ẹkwẹnma ḅẹ mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

Devidi-Anume 12:8

Si-sịḅịḅio-sụa apụ ma papaa mẹnjịma-mẹnjịmarị Tomi sịḅị-ngụngụnma amịẹaị kẹ ye sịn tẹ mịẹarị sakị.

Egberima-Ẹkwẹn 29:12

Gbọrụ ḅẹrẹtọn ḅọ kịnị ḅo ḍuko ọ̀ pịrị iruo aị kẹ ye-sịn-arị ḅẹḅẹ, ọ̀ fịrịmẹnjị-opuapụ mamgba ḅo iruo apụ sọ ḅa.

Jerimaya 29:3

À ḍiri mẹ kẹ Elasa, Safani tụḅọ ḅe na Gemaraya, Hilikaya tụḅọ ḅe, na ḅara fịrịmam, Ama-da Zẹdẹkaya, Juda daarịḅọ ḅe ịn kẹ Ama-da Nebukadineza, Babịlonịya daarịḅọ ḅe fịrịmarị sakị. Anị mẹẹ:

Jerimaya 36:12

Anịtẹso ori amada-opu-warị mẹ mu tẹ amadaḅọ ḅẹrẹ-siri mẹ ḅẹ ḍiri-kẹẹḅọ ḅio mẹ sọ-mum, anie opu-fịrịmẹnjịapụ mamgba kobiri sime anga mẹ. Ẹlịsama, ḅẹrẹ-siri mẹ ḅẹ ḍiri-kẹẹḅọ ḅe na, Delaya, Sẹmaya tụḅọ ḅe na, Ẹlịnetanị, Akịbọ tụḅọ ḅe na, Gemaraya, Safani tụḅọ ḅe na, Zẹdẹkaya, Hananaya tụḅọ ḅe na osi fịrịmẹnjị-opuapụ mamgba na sọ kiri ḅụ simem.

Jerimaya 36:25

Karakaraye Ẹlịnetanị na, Delaya na, Gemaraya na amadaḅọ ḅe tẹkẹm ori in-ikoarị-abịlala mẹ dọkịma ma sọ, ori ịn kẹ ye-sịn-a.

Jerimaya 39:14

amada-warị mẹ ḅẹ ogigo mẹ ḅio ị̀ ọkị-som. Ini ị̀ kẹ Gedalaya ḅara sụam, anie Ahikamụ owiḅọtụḅọ pịkị Safani taa-owiḅọtụḅọ ḅe. Ori mie ẹrị ḅarịye mịnẹ à gberie-sọ ị̀ la-a ḅara kẹ mu warị lam. Tẹ anie ḅụ à nwẹnị tomi ma ogboku sime.

Izikẹlị 8:11

Izirẹlị ḅẹ sịḅịdapụ ma ḅẹ kịnị atesi oyi apụ finji anịanga simem, Jazanaya, Safani tụḅọ ḅẹ sọ, ịna ḅụ ḅẹ gbọrụḅọọ. Ọrụḅọ-ọrụḅọ gbọrụ kụnụaị-dọkịmaye ọlọm, tẹ onwin turee-tureema kụnụye mẹ ḅụ iwom.