Jerimaya 26:21 - FỊAFỊA BAỊBỤLỤ

²¹ Ama-da Jehohakịmụ na ori ọmụapụ na opu fịrịmẹnjịapụ na Yuraya ḍuko ye naa sakị, amadaḅọ ḅe ọ̀ ḅaa ḅẹ ḍọkịm. Kụma Yuraya nwẹnị anị gboloma ye naa; anie ḅụ ọ̀ ḅalafa ḅụ mangị-so Ijiputi mu tẹ ọ̀ ḅara gbarịm.

Jerimaya 26:21 Iomraidhean Croise

1 Amadapụ 18:10

KỊNỊNYANAḄỌ ị́ Tamụnọ ḅe ḍumo wararị ogbo, gbọrụ opu sịẹ, anịanịa gbọrụ sịẹ sọ ofori ị̀ nyanaḅọ ḅe fịrịma tẹ à mu ị́ ḍọkị-a anga tẹ in ḍukom ‘ọ̀ mịanga ḅụ ofori’, ḅẹẹ kụma Ehabụ ḅii ḅa anị opu sịẹ mẹ ḅụ ḅẹ ḅẹrẹtọnḅọ ḅe ḅụụ-pikima mịnẹ ini ị́ ẹrị-a.

2 Paka-aị 16:10

Anịtẹso Asa nwẹnị so-ḅịrịḅọ ḅẹ ḅụụ ịganị nyana, tẹ ọ̀ kẹ ikoli-warị ḅio ịkasị wẹrị, ò miemẹ gotẹ ọ̀ ḅụụ ḅụ ịganị nyana tẹ gbọrsịḅị ḅọrọarị ẹrẹsị. Asa pịkị mbasị ḅara kẹ tomi ma ḅẹ ja apụ na mịẹm anị gbọrụ sakị mẹ ḅụ.

2 Paka-aị 24:21

Kụma ịn nwẹnị ḅẹrẹ-ḅiya ọ̀ pịrị, tẹ amadaḅọ ḅe tọn ḅara ḅụ ḍụḅarị kẹ ò gbin ḅaa KỊNỊNYANAḄỌ ḅe warị mẹ nụngọ ḅụ.

Devidi-Anume 119:109

Sakị mamgba à tẹlẹma ì ḍumo ḅụ paka ḅẹ ye pịrị wararị; amụ arị í oloko kẹ ḅioḅọrọma-a.

Egberima-Ẹkwẹn 29:25

Anị siye dogi-ḅo ị́ pịrị ḅa ị́ ja atomi ị́ ḅụụ ḅụ kuromarị aị ḅala ḅakarị ḅẹḅẹ, kụma ị́ KỊNỊNYANAḄỌ kẹ ḅiokpọmarị ḅẹḅẹ, ị́ la ḅẹ ye ofori.

Jerimaya 26:10

Juda ḅẹ sịḅịdapụ ma paka tẹ ye naa tẹso, ịn nwẹnị fọnya ḅara kẹ ama-da warị mẹ ḅụ sime tẹ ḅo Tamụnọ-warị mẹ la tẹ ịna akiri ọkị Ịwọ Ogigo-ḅọkọ mẹ ḅụ.

Jerimaya 36:26

Anịtẹso ọ̀ tọn Jeramili, amadaḅọ tụḅọ ḅe pịrị tẹ Sẹraya, Azarẹlị tụḅọ ḅe na, Selemaya, Abudili tụḅọ ḅe na kẹ ọ̀ ḅụ sụam mịnẹ ini yẹrị na ì ḍiri-kẹẹḅọ Baruku na kun. Kụma KỊNỊNYANAḄỌ ḅe wa kikimam.

Jerimaya 38:4

Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Matiyo 10:23

In gbọrụ ama ḅụ ḅaa-ḅọkọ kẹ ọ́ ḍọkịarị ḅẹḅẹ ọ́ mangị jen ama muu. Ó nimi mịnẹ ọmịnị inetẹ Izirẹlị ḅẹ ama mamgba la tẹ ọ́ kọrị ḅẹ ye kọrị fama ḅịa ogbo Tomḅọ Tụḅọ ḅe ḅo ḅa.

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

Matiyo 10:39

Ḅẹḅọ-ḅẹḅọ tẹ amịna ḍumo wẹrị kpaịnma ḅụụ pịrịarị ḅọ, anị fama ḅa; kụma ḅẹḅọ-ḅẹḅọ tẹ ị̀ sịḅị ẹrẹsị amịna ḍumo famarị ḅọ anị nyana ọkị ḅa.

Matiyo 14:5

Ẹrọdị ḅiim ori ọ̀ ḅaa, kụma ò Juu-ḅẹ-apụ ma ḍiki-ḅalafaam, ịn Jọnị kẹ ịkịankoroḅọ ḅara ọkị wararị ẹrẹsị.

Makị 6:19

Mie ḅụ Ẹrodiyasị ma si ḅioḅẹngbọ sụa Jọnị pịrị tẹ ọ̀ ḅaa ḅẹ ḍọkịm, kụma árị ine-a Ẹrọdị gotẹ.