Jerimaya 26:20 - FỊAFỊA BAỊBỤLỤ

²⁰ (Jen gbọrụ tomḅọ sọ simem, Yuraya, Sẹmaya tụḅọ, Kiriyati-jeharimụ ḅụ sime tẹ ḅo ḅọ ḅe, anie KỊNỊNYANAḄỌ ḅe ẹrẹ ḅụ ẹkwẹn mị opu ama mẹ na sịẹ mẹ na ọgọnọ gbana ḅọ ḅe, Jerimaya mịẹ gbọrụ ḅara mẹ.

Jerimaya 26:20 Iomraidhean Croise

1 Amadapụ 18:10

KỊNỊNYANAḄỌ ị́ Tamụnọ ḅe ḍumo wararị ogbo, gbọrụ opu sịẹ, anịanịa gbọrụ sịẹ sọ ofori ị̀ nyanaḅọ ḅe fịrịma tẹ à mu ị́ ḍọkị-a anga tẹ in ḍukom ‘ọ̀ mịanga ḅụ ofori’, ḅẹẹ kụma Ehabụ ḅii ḅa anị opu sịẹ mẹ ḅụ ḅẹ ḅẹrẹtọnḅọ ḅe ḅụụ-pikima mịnẹ ini ị́ ẹrị-a.

2 Amadapụ 23:37

Ọ̀ KỊNỊNYANAḄỌ ḅe ḍiki-tọrụ ḅụ siye mịẹm, ori aḍapụ ma wẹrịtẹ mịẹ ḅara mamgba.

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 36:19

Anịtẹso ini ọ̀ ḅẹẹm, “Ị́yẹrị na Jerimaya na ọ́ ḅọị nyanam. Ọ́ ḍụkụ tẹ gbọrụḅọ-sọ ó sime anga nimi ma.”

Jọsụwa 15:60

Kiriyati-Balị (anie Kiriyati-jeharimụ) na, Raba na; maa opu ama na arịḅẹ kala-ama na kẹ arị ḅụ sụa.

Jọsụwa 18:14

Anịtẹso oke mẹ jen pakịrị da-mum, ịrụa mẹ tuuideriarị pakịrị ḅụ tụndụ mẹ tẹ suku-jụ simearị ye mẹ ḅụ pịkị suku-jụ-pakịrị da-mu Bẹtị-horoni na dama-dama ḅụ; tẹ anị Kiriyati-balị (anie Kiriyati-jeharimụ) sime Juda pịrị opu ama mẹ ḅụ kunomam. Miemẹ ịrụa-ideriarị-anga mẹ mịẹm.

Jọsụwa 9:17

Izirẹlịapụ ma nwẹnị saakị paka tẹ tẹra aḍin karama ene ḅụ mu ịna opu ama ma la. Ịna opu ama ma anie Gibiyọnị na, Kẹfira na, Birọtị na, Kiriyati-jeharimụ na.

1 Samụẹlị 6:21

Anieḅụ ịn nwẹnị oku kẹ Kiriyati-jeharimụ ḅụ simearị apụ ma fịrịma, tẹ ḅẹẹm, “Filisiteniapụ ma KỊNỊNYANAḄỌ ḅe Ọḅọkụ-Igbe mẹ pịkịma-ḅo tẹẹ, ọmịnị ideri-ḅo anị ọkịị.”

1 Samụẹlị 7:2

Anị ene mẹ ḅụ ọkị mu, Ọḅọkụ-Igbe mẹ Kiriyati-jeharimụ ḅụ nangwọ sakị angam, si kụra pembe ye, tẹ Izirẹlị warị mẹmgba KỊNỊNYANAḄỌ ḅe ḍọkị gotẹ kururum.