Jerimaya 26:2 - FỊAFỊA BAỊBỤLỤ

² KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 26:2 Iomraidhean Croise

Jerimaya 1:17

“Jerimaya, tẹlẹma tẹ mu à tọn ị́ pịrị ye goyegoye ḍukoo. In gotẹ ḅalafa ma mịọkụ, ọkọ kụma à mịẹ tẹ ị́ ḅalafa ḅaka ḅa í ini na emi sakị ḅụ.

Jerimaya 1:7

Kụma KỊNỊNYANAḄỌ ḅe ị̀ ḅẹẹm, “Ḅẹẹ ma mịnẹ ị́ asambịrịma ḅakam, kụma arị ị́ kẹ fịrịmarị apụ ma dama-muu, tẹ à tọn ị́ pịrịye pịrịye ḍuko ịn pịrịị.

Jerimaya 19:14

Anịtẹso à Tofẹti koroma-som, anie KỊNỊNYANAḄỌ ḅe ị̀ fịrịmam à mu ori oku ḍuko wasama ḅẹ anga mẹ, tẹ mu Tamụnọ-warị mẹ ogigo ḅio sịẹsime tẹ ḍuko kịnị mamgba pịrịm

Jerimaya 23:28

Ḍawọ kọn ịkịankoroḅọ emi-emii mḅọ mḅọ kọn ḍawọ ḍiki tẹ ḍukoo, kụma ì oku naa ịkịankoroḅọ mẹ mḅọ ḅioḅẹngbọ-kẹ-sịrẹrẹ-niḅi ḅara kẹ ì oku mẹ ḍuko-wasamaa. Tọ iḅi asịra nwẹn nyana anị kẹ mbịaka na tọnmarị kiri?

Jerimaya 25:2

À Juda na Jeruselemu na ḅẹ atomi mamgba ḅẹẹm,

Jerimaya 28:5

Anịtẹso agbamịẹapụ ma na tomi mamgba tẹ anị jụ sịẹsime-sime apụ na tọrọkọ Tamụnọ-warị mẹ ḅio, arị Hananaya ḅẹẹm:

Jerimaya 36:10

Anịtẹso, tomi mamgba pokiarị ogbo, Baruku in-ikoarị-abịlala mẹ ḅio sime ye goyegoye, tẹ àrị ọ̀ ḅẹ ye mẹ gom. Tamụnọ-warị mẹ ḅio ò miemẹ mịẹm, Gemaraya, Safani tụḅọ ḅe ḅio mẹ ḅụ, anie ama-da warị mẹ ḅẹ ḍiri-kẹẹḅọ ḅe ḅio ḅụ. Ò ḅio mẹ, ama-da warị mẹ ḅẹ ọgọnọ-jụ ḅụ Tamụnọ-warị mẹ ḅẹ Ịwọ Onu-ḅọkọ mẹ tolu-sọ anga mẹ kpekim.

Jerimaya 42:4

À pakịrịm, “Ọkọ ḅẹḅẹ, iḅi lamam. À KỊNỊNYANAḄỌ wamịna Tamụnọ ḅe tẹkẹ ḅa, ọ́ wẹrịtẹ ḅii tẹ ḅara ḅụ, tẹ ọ̀ ḅẹẹye-ḅẹẹye, à ḍuko ọ́ pịrị ḅa. À gberie-sọ kẹ ọ́ ḅọịma ḅịa.”

Jerimaya 7:2

Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Jerimaya 7:27

Anie ḅụ, Jerimaya, ị́ mịna ẹkwẹn mamgba ḍuko ị̀ atomi ma pịrị ḅa, kụma ini í poki ḅịa; ị́ ịn sịn ḅa, kụma ịn pakịrị ḅịa.

Izikẹlị 3:10

Tamụnọ ẹkwẹn tọrọkọ mum, “Fịị-fịị tomḅọ, à ḍuko ị́ pịrịarị ye goyegoye kẹ ye-sịn tẹ arịmgba kẹ ḅiokoroma.

Izikẹlị 33:7

“Mịọkụ, fịị-fịị tomḅọ, àrị ị́ kẹ Ama-koruḅọ mịẹ Izirẹlị sịẹ mẹ pịrịarị. À kẹ ị́ pịrịarị ḅeri nụnụ ẹkwẹn mẹ ị́ da-saḅama ịn pịrị nyanam.

Izikẹlị 40:4

Ori ị̀ ḅẹẹm, “Ẹbịị, fịị-fịị tomḅọ, Iḅiọkụ poki tẹ tọrụ-kwueinma tẹ à kẹ í ḍiearị ye goyegoye kẹ ye-sịn lama, miemẹ mie in gotẹ ị́ kẹ mị yọ ḅo ye ẹrẹsị. Ị́ ẹrị ye goyegoye ḍuko Izirẹlịapụ ma pịrị.”

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Luku 19:47

Ene-ḅaaene-ḅaaene Jizọsị mu Tamụnọ-warị mẹ ḅio ye tolumam. Anị sakị agbamịẹapụ ma na, Oloko toluma apụ ma na, tomi ma sịḅịdapụ ma na ọ̀ ḅaa ḅẹ ḅọkọ ḍọkịm.

Jọnị 18:20

Jizọsị nwẹnị pakịrị, “Ama-ogbo mie sakị mamgba àrị ẹkwẹn tomḅọ goḅọ-goḅọ pịrị, pịrị ye; à tolumarị ye mẹmgba ama-awarị ḅio na Tamụnọ-warị mẹ ḅio na, anie tomi mamgba kobiri, kobiri anga ma, ḅụ mie à toluma fama ye. Jene-jene amụ à ḅọị anga gberie-sọ ḍuko-a.

Jọnị 8:2

Jen ene ḅaa ḅẹ dede-funfun ḅụ ọ̀ nwẹnị pịkịma Tamụnọ-warị mẹ mu. Tomi mamgba mu ò gbori ikelema tẹ ọ̀ lẹgị tẹ saakị ye kẹ ịn tolumam.

Fịrịmẹnjịapụ 20:20

Ọ́ nimi wararị mịnẹ, anị ḅọrọ etela-ogbo-o, ḅọrọ ọmịna awarị ḅio-o, arị ẹkwẹn ọ́ pịrị-pịrị tẹ ye kẹ ó tolumarị sakị, kẹ ḅarasụa ọ́ pịrị na-iḅi tẹ à kikima ye ofori.

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

Fịrịmẹnjịapụ 5:25

Anịtẹso gbọrụḅọ sọ-ḅo tẹ ịn ḅẹẹm, “Ó pokii! Ó kun ikoli suu apụ ma ịn Tamụnọ-warị mẹ ḅio ye kẹ tomi ma tolumarị!”

Fịrịmẹnjịapụ 5:42

Tẹ ene gbarị-a ḅara Tamụnọ-warị mẹ ḅio na anga warị ḅio na ḅụ ịn paa ye toluma tẹ pịkị Jizọsị, Mẹsaya ḅe, Iḅi Oku mẹ gbolomaye ḍukom.

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 4:2

Ẹkwẹn mẹ tẹ arị ẹkwẹn tẹ tọn ọ́ pịrị ye mẹ ḅụ ó ye kẹ sụa, anịanịa ye sin ma; mịẹtẹ ọ́ KỊNỊNYANAḄỌ ọmịna Tamụnọ ḅe oloko ma tẹ à tọn ọ́ pịrị aị ma koko ḅẹ ḅara.

Jọsụwa 8:35

Mozizi tọn aị mamgba ḅụ ẹkwẹn gbọrụmgbọ tẹ Jọsụwa Izirẹlị ḅẹ kobiri-ogbo mẹmgba na, ereme ma na, ḍọkọḍọkọ-awọmẹ ma na, igoniapụ tẹ ini ogboku anga apụ ma na tọrọkọ ḅụ go-a ye ofori.

Mịẹfinji 22:19

Tẹ mị ḍiri mẹ ḅio simearị, ịkịankoroapụ ẹkwẹn-aḅịḅị ma ḅụ ye sin ḅọ sin ḅọ, Tamụnọ ḍumo sịn mẹ ḅẹ sịnmgbọlụ mẹ ḅụ na, Fịafịa Opu Ama mẹ ḅio na ḅụ, mḅọ la kiri mẹ ọkị ḅa, mḅọ ḅara ḅụ, mị ḍiri mẹ ḅio ịn ḍuko finji ḅara ḅụ.