Jerimaya 26:18 - FỊAFỊA BAỊBỤLỤ

¹⁸ Hẹzịkaya ama-daarị sakị Juda ḅụ, ịkịankoro Mayịka, Morẹsẹtị ḅẹ ḅọ ḅe, ḍuko tomi ma pịrịm mịnẹ Kụrọmamgba nyana KỊNỊNYANAḄỌ ḅe ḍuko tẹẹ: Ini opu anama fọnọ-mẹnjịarị kiri soku ikulele kẹ Zayọnị kẹ ḍụọ kọrị kiri kịkama soku ḅa. Jeruselemu sara sọ ḅa, tẹ Tamụnọ-warị mẹ opu-piri sọ ḅa.

Jerimaya 26:18 Iomraidhean Croise

2 Amadapụ 19:25

Amụ ị́ anị naa, mịnẹ àrị anị tọn kụra-ḅio iḅerea? Elemu sakị ḅụ arị anị tọnm mịọkụ à mịẹarị ye mẹ, mịnẹ ị́ ịn tẹlẹma ọmụ pịrị ama ma, pịkị sịra sọma ḅa mẹ;

2 Paka-aị 32:26

Kụma Hẹzịkaya nwẹnị ò ḅioḅẹngbọ ḅụ ọ̀ nyana opu amịẹaị ma ḅụ ọ̀ ḅụụ iderima, ori na Jeruselemu ḅụ simearị apụ ma na, anie mịẹ tẹ KỊNỊNYANAḄỌ ḅe ịganị ḅarị ini ọgọnọ gbana-a Hẹzịkaya ene ma ḅụ.

Nehimaya 4:2

Ọ̀ nwẹnị ori amịnapụ na, Sameriya ḅẹ ọmụ-ogbo mẹ na tọrọkọ ḅụ ḅẹẹ, “Mịna ịnyọ nyana-a Juu-ḅẹ-apụ ma ịn tiye mịẹarị? Ini arị aị ma kẹ arị sime-ḅara wẹrị ḅẹ? Ini agba mịẹ ḅẹ? Gbọrụ ene ḅụ ini arị kọrị fama ḅẹ? Ịn sara ma ḅio sin ḍụḅarị ma soku pakama-ḅo, tẹ dọkịtẹ aị ma kẹ arị sime-ḅara wẹrị ḅẹ?”

Devidi-Anume 79:1

Yei Tamụnọ, oru nimi apụ ma owu kẹ ị́ amakiri mẹ paka ḅẹ ḅo tẹ. Ini ị́ fịafịa Warị mẹ pilema tẹ Jeruselemu mẹ kan sara tẹ.

Jerimaya 17:3

pịkị tụndụ ma ọgọnọ piri ọgọnọ-jụ ḅụ. À mịẹ tẹ si kẹ ọ́ tọn apụ ọmịna ngọ na ó koko ḅụụ wẹrịma aị ma na ọkị so ḅa, ọmịna amakiri mẹ kana-koro ḅụ ọ́ mịẹ tẹ asi ma ẹrẹsị.

Jerimaya 51:37

Anị sịẹ mẹ ḅẹ amakiri mẹ sara sọ tẹ, piri-ḅio-ḅẹ anama angarị anga sọ ḅa. Ḍiki-tọrụ ḅụ anị sịḅị-kụrụkụrụma ḅa. Gbọrụḅọ-sọ anị ḅio anga ḅịa, tẹ anị ẹrị apụ mamgba tẹmẹ-naịn-naịn ḅa.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Mayịka 1:1

KỊNỊNYANAḄỌ ḅe ẹkwẹn-ḅịḅị mẹ tẹ ḅo Mayịka, Morẹsẹtị ḅẹ ḅọ ḅe pịrị ye mẹ Juda ḅẹ amadapụ Jotamụ na, Ahazi na Hẹzịkaya na, Juda ḅụ ama-da sime ene ma ḅụ, ịkịan tẹ Sameriya na, Jeruselemu na gboloma tẹ ori ẹrị ye mẹ.

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Mayịka 4:1

Ene ma ḅẹ gbọrụ ene ḅụ, anị giregire paka ḅa, KỊNỊNYANAḄỌ ḅe Tẹkẹ-warị mẹ sịẹ tụndụ mẹ, tụndụ mamgba ḅụ geletẹịn tụndụ sọ ḅa, sịẹ-sịẹ ḅẹ atomi mamgba, gbiri-gbirima anị sọma ḅo ḅa;

Zẹkaraya 8:3

À pịkịma-so Jeruselemu mu ḅa, ị̀ fịafịa opu ama mẹ, tẹ anị anga ḅa. Kịnị kẹ anị nimi ḅarị ẹrẹ, ‘Ḅioḅẹngbọ-Kẹ-Sịrẹrẹ-Niḅi Ama’, tẹ ịn nwẹnị Kụrọmamgba nyana KỊNỊNYANAḄỌ ḅe tụndụ mẹ sịn ḅa, ‘Tọn-tọn Ḅara Sime Tụndụ’.