Jerimaya 26:16 - FỊAFỊA BAỊBỤLỤ

¹⁶ Anịtẹso sịḅịdapụ ma na tomi ma na agbamịẹapụ ma na ịkịankoroapụ ma na ḅẹẹm, “Ḅị tomḅọ ḅe KỊNỊNYANAḄỌ, wamịna Tamụnọ ḅe, ẹrẹ ḅụ ẹkwẹn wa pịrịm, ọ̀ kẹ ḅaa ḅụ suu-suu ḅọkọ ofori.”

Jerimaya 26:16 Iomraidhean Croise

Ẹsịta 4:14

Ị́ nwẹnị nwẹn pembe sakị ḅụ gbọsime simem ḅẹḅẹ jen ḅọkọ ḅụ ḅarasụa na, ḍụa-ḅọrọma na saakị paka-ḅo Juu-ḅẹ-apụ ma pịrị ḅa, kụma ị́yẹrị na, ị́ ḍa warị mẹ na fịị fa ḅa. Anịsakị tụḅọ nimi, nwẹn pembe sakị mẹ mie í gotẹ ḅo amadaḅọ ta sọ ye ḅoto!”

Devidi-Anume 94:16

Tụḅọ sịẹsime ị̀ pịrị tẹ si-sịḅịḅio-sụapụ ma na tụḅụrụ? Tụḅọ ị̀ jụ sọ tẹ siye mịẹarị apụ na tụḅụrụ?

Egberima-Ẹkwẹn 16:7

Ị́ mịẹ ye KỊNỊNYANAḄỌ ḅe ḅụụ-ḅẹlẹarị ḅẹḅẹ, í inetẹ mịẹ tẹ si kẹ ị́ tọn-arị apụ í ikiapụ sọ ḅa.

Jerimaya 26:11

Anịtẹso agbamịẹapụ ma na ịkịankoroapụ ma na nwẹnị sịḅịdapụ ma na tomi ma na ḅẹẹm, “Ḅị tomḅọ ḅe, ḅaa-ḅẹrẹ-pẹlẹ ọ̀ sịḅị gbana na-iḅim, ọ̀ tụḅụrụ ẹkwẹn kọn mị opu ama mẹ pịrị tẹ ẹrẹsị. Ọmịnị ḅarana ọmịna aḅeri kẹ naam.”

Jerimaya 34:10

Tomi mamgba na ịna sịḅịdapụ na ḅịḅị-kẹ-ogbosọm ịna ọmịnị apụ ḅụ ḅara-siin tẹ ḅarị jen kẹ ịn kẹ omoni sọma ma. Ini ịna ḅụ ḅara-siin,

Jerimaya 36:19

Anịtẹso ini ọ̀ ḅẹẹm, “Ị́yẹrị na Jerimaya na ọ́ ḅọị nyanam. Ọ́ ḍụkụ tẹ gbọrụḅọ-sọ ó sime anga nimi ma.”

Jerimaya 36:25

Karakaraye Ẹlịnetanị na, Delaya na, Gemaraya na amadaḅọ ḅe tẹkẹm ori in-ikoarị-abịlala mẹ dọkịma ma sọ, ori ịn kẹ ye-sịn-a.

Jerimaya 37:15

Ini ịganị ị̀ pịrị ḅara ḅụram, tẹ tọnm mịnẹ ini ì fomu tẹ ì kẹ ịkasị wẹrị Jonatanị warị ḅio, ama-da ḅẹrẹ-siri mẹ ḅẹ ḍiri-kẹẹḅọ ḅe, ini ọ̀ warị mẹ kẹ ikoli-warị sọmam.

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Luku 23:41

Wamịna nye kuram, wa mịẹ ḅo ye ḅẹ fomu-ḅara mie wa daarị ye, kụma ori ọ̀ gbọrụ siye sọ mịẹ-a.”

Luku 23:47

Ọmụ-alaḅọ ḅe paka ye mẹ ẹrị tẹ Tamụnọ boma tẹ ḅẹẹm, “Karakara yee, ḅị tomḅọ ḅe iḅi tomḅọọ!”

Fịrịmẹnjịapụ 23:29

Arị ẹrị ḅara ḅụ gotẹ ọ̀ ḅaa, anịanịa ọ̀ kẹ ikoli suu na-iḅi ye ofori. Kụma ịna oloko gboloma aḅẹrẹ mie ịn kẹ ọ̀ sịḅị sẹịn ye.

Fịrịmẹnjịapụ 23:9

Oloku ḅịḅị mẹ kụrọ ḅaka tẹso, Farịsiiapụ ma pakịrị ḅẹ Oloko toluma apụ nwẹnị kụrọma anị na tụḅụrụ ḅụ ẹkwẹn, “Ḅị tomḅọ ḅe mịẹ siye wa ẹrị-a. Ẹbịsịya tẹmẹ, anịanịa enjẹlị ẹkwẹn ọ̀ pịrị wararị!”

Fịrịmẹnjịapụ 25:25

Yẹrị kịngẹ kụma arị inetẹ ḅaa-ḅẹrẹ pẹlẹ ọ̀ pịrị-pịrị ye ẹrị-a. Anịsọ ori ḅarana ḅẹrẹ mẹ iwoma Romu Tomikiri mẹ daarị ḅọ ḅe pịrị tẹ ḅẹ sakị, yẹrị sọ ọkị tẹ mịnẹ àrị ọ̀ kẹ fịrịma ḅa.