Jerimaya 25:9 - FỊAFỊA BAỊBỤLỤ

⁹ “Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 25:9 Iomraidhean Croise

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Ayịzaya 13:3

KỊNỊNYANAḄỌ ḅe ori ọmụapụ sịn pakama-ḅo tẹ, ḅụụ-tọn-arị tẹ ḅiokpọ nyana wararị apụ ma, mịnẹ in mu fịafịa ọmụ mẹ gbin, tẹ fomu-ḅara kẹ ori ịganị nyana pịrị wararị apụ ma pịrịị.

Jerimaya 43:10

Anie ḅọrọ tẹso, ḍuko ịn pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ fịrịmẹnjịḅọ Ama-da Nebukadineza, Babịlonịya ḅẹ ḅọ ḅe, kẹ ḅo ḅẹ-yearị, tẹ ori amịna emine kẹ ma aḍụḅarị ma tẹ ḍiḅi aị ma ọgọnọ sịẹma tẹ amịna ama-da akpụrụ-warị mẹ arị gbaịn ḅa.

Jerimaya 24:9

Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Ayịzaya 44:28

À Sayịrọsị ḅẹẹarị, ‘Ị́yẹrị anie ḅẹrẹtọn tomi pịrị ị̀ pịrị ḅarị ḅọ; à ḅii ye mie ị́ mịẹ ḅarịye; ị́ tọn tẹ in siin Jeruselemu nama ḅa pịkị Tamụnọ-warị mẹ ḅẹ suku mẹ saakị ḅa.’ ”

Ayịzaya 39:7

Da-da í furo-ḅẹ-apụ ḅẹ jen-apụ ịn nwẹn kẹ poo tẹ apụ mịẹ tẹ ịn Babịlonịya daarịḅọ ḅe ama-da warị mẹ ḅẹ fịrịmẹnjịapụ sọ ḅa.”

Izikẹlị 26:7

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹarị, “Àrị opu sọ tẹịn amadaḅọ — Babịlonịya ḅẹ Amadaḅọ Nebukadineza — ọkị-ḅo ḅẹ-yearị, ori owu kẹ Taya paka. Tomikiri mẹ ḅẹ ọgọnọ-jụ ò sime tẹ ḅo ḅa, ḅakatẹ ọmụ-ogbo na ori na, asụ na kirimẹnjị-ọmụarụ na asụ amẹẹ kẹ paka ọmụ muarị ogbo na sọ.

Jerimaya 40:2

Ḅẹrẹtọn ọmụ-ogbo mẹ pịrị ọmụ-alaḅọ ḅe ị̀ ọkị sikima tẹ ḅẹẹm, “KỊNỊNYANAḄỌ ị́ Tamụnọ ḅe gulugulu kẹ mị amakiri mẹ ẹrẹmam,

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Ayịzaya 10:5

KỊNỊNYANAḄỌ ḅe mẹẹ, “Asiriya! Àrị Asiriya kẹ mgbele sọma tẹ kẹ àrị ịganị pịrịarị apụ fomuarị.

Egberima-Ẹkwẹn 21:1

KỊNỊNYANAḄỌ sarasarama mẹnjịarị minji mẹ da anị mu ḅẹ anga pịrịarị ḅara mẹ, anie ọ̀ kẹ ḅẹrẹtọn amadaḅọ ḅe kuroma pịrịarị ḅara.

Ditẹrọnọmị 28:37

Anịsakị KỊNỊNYANAḄỌ ḅe etela kẹ ó ḍie sọ mu ḅarị anga ḅụ ó ḅo tọrụsiẹrị apụ na, kẹ egberi gbaa ḅẹrẹ ḍuko apụ na, gbaịma ẹkwẹn kọn pịrị apụ na, sọ ḅa tomi-kụlọkụlọ mamgba ogboku ḅụ.

2 Paka-aị 29:8

Anịẹrẹsị KỊNỊNYANAḄỌ ḅe ịganị ḅo Juda na, Jeruselemu na ọgọnọ gbanam tẹ ori ịn kẹ ḅioḅuma ye na, gburo-gburotẹ ḅụụ-buamaye na, ẹrị tẹ ẹsịma-ẹsịma ye na sọma tẹ, ọmịnị ḅarana ọmịna atọrụngbọ kẹ ẹrị ḅara ḅụ.

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 25:8

Mie ḅụ, ọmịnị ò poki ḍụkụ-a mẹ ẹrẹsị, Kụrọmamgba nyana KỊNỊNYANAḄỌ ḅe mẹẹ,

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 36:29

KỊNỊNYANAḄỌ ḅe ḍuko ị̀ pịrịm arị amadaḅọ ḅe ḅẹẹ, “Í in-ikoarị-abịlala mẹ dọkịma tẹẹ, pịkị Jerimaya gbela tẹ mịnẹ ò tiegotẹ kẹẹ koroma mịnẹ Babịlonịya ḅo mị amakiri mẹ guluguluma tẹ anị ḅẹ atomi ma na anị ḅẹ anama ma na ḅaa ḅa.

Izikẹlị 12:20

Opu ama ma tẹ mịọkụ kịnị ḅin wararị aị ma in guluguluma tẹ bebe sịẹ mẹ ḅẹ amakiri mẹ kẹ ịkpa sọma ḅa. Anịtẹso in nimi ḅa mịnẹ yẹrị anie KỊNỊNYANAḄỌ ḅe.”

Izikẹlị 36:5

“Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn pakama Izirẹlị ikelema-koro wararị asịẹ ma ọgọnọ gbana tẹẹ, ị̀ ịganị ọfịrịarị ogbo, mene-mene Idọmụ ọgọnọ. Ye ḍiki ḍiki tẹ ḅioḅẹlẹ na ḍiki-iderima na ḅụ ini ị̀ amakiri mẹ fọịn-ọkị tẹ anị ḅẹ osuka fị ayọ ma kẹ ịna aị sọmam.

Danẹlị 5:18

“Kụrọmamgba-Nyana Tamụnọ ḅe ị́ ḍa kẹ gburo-gburo amadaḅọ sọmam tẹ ebube na opu na kẹ ọ̀ pịrịm.

2 Amadapụ 24:2

anieḅụ KỊNỊNYANAḄỌ ḅe nwẹnị Babịlọnị ḅe ọmụ-ogbo ma na, Siriya ḅẹ ọmụ-ogbo ma na, Mohabụ ḅẹ ọmụ-ogbo ma na, Amọnị ḅẹ ọmụ-ogbo ma na kẹ ọ̀ fịrịma mịẹtẹ ịn mu Juda fama ḅẹ ḅara, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ori afịrịmẹnjị-ịkịankoroapụ ma ḅịḅị ḅụ ḍuko ḅara.

2 Paka-aị 36:21

kẹ KỊNỊNYANAḄỌ ḅe Jerimaya ḅịḅị ḅụ kọn ẹkwẹn mẹ mịẹ ḅinma, “Anị fatẹ ḅara simearị tẹ ene mamgba anị Ịnyọsara-Ene kokoarị, nwenii ama mẹ anị ḅẹ ịnyọsara kụra atesi oyi finji (70) ma karamam.”

Jerimaya 1:14

Ọ̀ nwẹnị ị̀ ḅẹẹ, “Ḅaa-guluguluma ọgọnọ-jụ daarị yọ ḅụ waa-sara ideri-ḅo mị amakiri mẹ ḅio angarị apụ mamgba ọgọnọ sara ḅa,

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 35:11

Kụma Nebukadineza, Babịlonịya ḅẹ amadaḅọ owu kẹ mị ama mẹ paka sakị wa tọn pẹlẹm wa so Jeruselemu mu tẹ Babịlonịya na Siriya na ḅẹ apụ ma ọmụ-ogbo-ogbo ma aḅara gbarị. Anie wa gotẹ Jeruselemu ḅụ angarị.”

Jerimaya 46:20

Ijiputi kịkarị ye anie tim-timtẹ nambulo, ọgọnọ-jụ ḅụ ḅo mgbele tẹịn ye ọkụ.

Jerimaya 49:19

Ọkụkụ kpiti tẹ piri-ḅio Jodanị tọrụ akaka ḅụ paka iwo ḅo anana osuka fị-fị kiri mẹ la ḅara, à ḅo mịẹ tẹ Idọmụ ḅẹ apụ ma ḅiotọn-a ḅara kẹ ịna sịẹ koroma mangị ḅa. Anịtẹso yẹrị ḅarana sẹlẹ pakama-ḅo ḅarị ḅẹrẹtọnḅọ ḅe sịẹ mẹ da ḅa. Ini inetẹ tụḅọ kẹ ị̀ na pii-pii ḅẹẹ ḅẹ? Tọ ḅẹrẹtọnḅọ ḅiokpọtẹ ị̀ na kuḅu dama ḅẹ? Tọ ḅẹrẹtọnḅọ inetẹ ị̀ na tụḅụrụ ḅẹ?

Izikẹlị 16:40

“Ịn tomi ogbo-ogbo toluma tẹ ịn ḍụḅarị kẹ í gbin tẹ ịna okologie ma kẹ ị́ keni kọsịma ḅa.

Izikẹlị 21:11

Okologie mẹ ini anị sịkịrị vịọịmarị, kẹ mịẹ ḅụ suu ḅẹ ḅara. Ini anị farị oḅuma tẹ sịkịrị vịọịmatẹ, kẹ kịnị-ḅaḅọ aḅara-ḅio su ḅẹ ḅara.

Habakọkụ 1:12

“KỊNỊNYANAḄỌ, sukuyọ-saakị kụra-ḅio ị́yẹrị Tamụnọọ. Ị́yẹrị ị̀ Tamụnọ, fịafịa pịkị sime gbamaso ḅọ. KỊNỊNYANAḄỌ ị̀ Tamụnọ pịkị ị̀ gbaịn ḅọrọmarị ḅọ, Babịlonịya ḅẹ apụ ma sẹlẹ ọkị tẹ ịn mịẹ kụrọmam mịẹtẹ ini inetẹ wa fomu ḅẹ ḅara.

Habakọkụ 1:17

“Ini ịna okologie ma kẹ mịẹ ḅụ suu tẹ sịẹ-sịẹ ma ḅaa-ḅaa tọrọkọ-tọrọkọ mu gbamaso ḅẹ, ọkụrụkụrụ nyana-nyana-a ḅara ḅụ?”