Jerimaya 25:8 - FỊAFỊA BAỊBỤLỤ

⁸ Mie ḅụ, ọmịnị ò poki ḍụkụ-a mẹ ẹrẹsị, Kụrọmamgba nyana KỊNỊNYANAḄỌ ḅe mẹẹ,

Jerimaya 25:8 Iomraidhean Croise

Jerimaya 25:7

Kụma KỊNỊNYANAḄỌ ḅe ḅioju ḅẹẹarị mịnẹ ọ́ ḍụkụ tẹ ò poki-a. Anie nakara, ọmịnị ori ịganịma tẹ ọmịna oru-afụḅara ma ḅụ, tẹ mị fomu-ḅara mẹ dogi-ḅo ọmịna ọgọnọ gbanam.”

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

2 Paka-aị 24:19

Anịsọ ori ịna ogboku ḅụ ịkịankoroapụ ọkị tẹ kẹ in fịrịmam, in pịkịma-ḅo KỊNỊNYANAḄỌ ḅe pịrị ḅẹ ḅara; mịnapụ ma ịna mịẹ-irima mẹ ḍuko in pịrịm, kụma ini anị ọkị tẹ kẹ ye mịẹ-a.

Ayịzaya 42:24

Tụḅọ Izirẹlị koroma-so ama kẹ fọịn apụ pịrị? KỊNỊNYANAḄỌ ḅe ḅioju, in si kẹ mịẹ ḅọ ḅe! Wa ḍụkụ tẹ ò ḅiim wa ḍumo kọn ḅẹ ḅara kẹ ḍumo kọn-a anịanịa ọ̀ kẹ wa pịrị tolumaye mẹ poki tẹ mị.

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 22:21

Ye ọmịnị na loloarị sakị KỊNỊNYANAḄỌ ḅe ẹkwẹn ọ́ pịrịm, kụma ó poki ḍụkụ-a. Ọmịna ḍumo mamgba ḅụ ó miemẹ mịẹ tẹẹ; gbala-gbala ó minini tẹ KỊNỊNYANAḄỌ ḅe ḅịḅị poki-poki-a.

Jerimaya 29:19

Miemẹ ịna ḅụ paka ḅa ini arị ị̀ fịrịmẹnjị ịkịankoroapụ ma ḅụ ḅọrọtẹ kẹ ịn fịrịma-fịrịma-fịrịmarị oku mẹ poki tẹ mịẹ-a ẹrẹsị. In poki ḍụkụ-a.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.