Jerimaya 25:5 - FỊAFỊA BAỊBỤLỤ

⁵ In ḍuko ọ́ pịrịm ọmịnị ọmịna si-sịḅịḅio-sụa ḍumo etela mẹ na ọ́ mịẹarị si-aị ma na ḅụ pịkịị, mịẹ tẹ ọmịnị inetẹ paa KỊNỊNYANAḄỌ ḅe kẹ ọmịnị na ọmịna elemu aḍapụ ma na pịrị amakiri mẹ anga tọrọkọ-tọrọkọ mu ḅẹ ḅara, sime ọ́ pịrị gbamaso ye ḅara ḅụ.

Jerimaya 25:5 Iomraidhean Croise

Jerimaya 7:7

Ó ḍimam ḅẹḅẹ, à ḍụkụ tẹ ọ́ mị amakiri mẹ anga tọrọkọ-tọrọkọ mu ḅa, anie à kẹ ọmịna elemu aḍapụ ma pịrị ye mẹ, mịnẹ anị ịna nye sọ gbamasoo.

Jerimaya 17:25

Anịtẹso amadapụ ma na amadapụ awọmẹ ma na Jeruselemu ogigo-aḅọkọ ma sọ mu ḅa ama-da opu ḅụ, Devidi nyana gberie mẹ. Ini na Juda na Jeruselemu na ḅẹ apụ ma na gbọrụ ḅụ, in kirimẹnjị-ọmụarụ ma na, asụ amẹẹ na kpọlị tẹ kẹ dọkụ ḅa, tẹ Jeruselemu mẹ tomi sakị mamgba anị ḅio ḅin ḅa.

Suku-saakị 17:8

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Izikẹlị 18:30

“Mịọkụ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọmịnị Izirẹlịapụ ma pịrịarị mịnẹ àrị ọmịna ḅụ ọrụḅọ-ọrụḅọ kọn ḅa mḅọ mịẹ tẹ ye ḅụ. Ọmịnị ọ́ mịẹarị si-aị mamgba ḅụ pịkị-soo, tẹ mịẹtẹ si ó guluguluma ma.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Devidi-Anume 37:27

Ọḅụ pịkị siye gbin tẹ iḅiye mị; anịsakị í furo-ḅẹ-apụ sakị mamgba amakiri mẹ anga tẹ;

Devidi-Anume 139:24

Ị̀ ḅụụ ḅio sime si, si ḍọkị-nimi tẹ ị̀ datụkụma mu sime gbamaso etela mẹ ḅio suu.

Ayịzaya 1:16

Ọmịnị ọmịna aḅụụ sịkịrị fịafịama. Ọ́ mịẹ tẹ àrị ẹrịarị siye mẹ ḅụ ọ́ ḅara-siin. Ó si mịẹ ḅụ ḅara-siin,

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Hosiya 1:7

Kụma Juda ḅẹ apụ ma, yẹrị KỊNỊNYANAḄỌ ịna Tamụnọ ḅe ọkụrụkụrụ nyana ịn pịrị tẹ ịn ḅọrọma ḅa — àrị iboli na, okologie na, ọmụ na, asụ na, asụ-ọgọnọ ọmụgbin-apụ na kụrọ kẹ ịn ḅọrọma ḅịa.”