Jerimaya 25:3 - FỊAFỊA BAỊBỤLỤ

³ “si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Jerimaya 25:3 Iomraidhean Croise

Suku-saakị 22:3

Mie ḅụ ene-ḅaa ḅẹ dede-funfun ḅụ, Ebira-amụ nwẹnị saakị tẹ ò yedogi-nama dẹẹ tẹlẹma, tẹ ori afịrịmẹnjịapụ ma ḅẹ maa apụ na, ori owiḅọtụḅọ Ayịzịkị na ọkị; tẹ nwẹnị ọ̀ kẹ dọkịma-agba mẹ mịẹ ḅarị sanga mẹ pẹlẹ, tẹ saakị so anịanga mẹ tẹ Tamụnọ ḍuko ọ̀ pịrị anga mẹ mu

1 Amadapụ 22:3

Izirẹlị ḅẹ amadaḅọ ḅe nwẹnị ori afịrịmẹnjịapụ ḅẹẹ, “ó gbeke nimi mịnẹ Ramọtị-giliyadị sime kẹ wa pịrịm, tẹ wa yaụ-sime wararị tẹ Siriya ḅe amadaḅọ ḅara ḅụ anị ọkị-a?”

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

2 Paka-aị 24:19

Anịsọ ori ịna ogboku ḅụ ịkịankoroapụ ọkị tẹ kẹ in fịrịmam, in pịkịma-ḅo KỊNỊNYANAḄỌ ḅe pịrị ḅẹ ḅara; mịnapụ ma ịna mịẹ-irima mẹ ḍuko in pịrịm, kụma ini anị ọkị tẹ kẹ ye mịẹ-a.

2 Paka-aị 34:1

Josaya sịḅị nine akụra ḅọrọ tẹso, ọ̀ saakị ama-dam, tẹ kụra suei gbọrụ kụra finji (31) kẹ ama-dam Jeruselemu ḅụ.

2 Paka-aị 34:3

Kẹ gotẹ ọkọ ḅẹẹarị, ori ama-da tẹ nine akụra karama kụra ḅụ, ọ̀ paa owiḅọtụḅọ ḅụ emi ogbo ọ̀ saakị ọ̀ ḍa Devidi Tamụnọ ḅe ḍọkịm; tẹ oyi maa kụra finji karama kụra ḅụ, ọ̀ saakị Juda na, Jeruselemu na ḅụ gele ayeyọ ma na, Asẹra oru ma na, in ye kịkama ḅara kẹ kara na tẹmẹ wararị aị ma gbọrsịḅị arị sịkịrị siin famam.

2 Paka-aị 34:8

Anị ḅo ori ama-da ḅụ maa kụra fa si la tẹ ori ama mẹ na warị mẹ na ḅụ sunsin oru pịrị sịkịrị siin tẹso, ọ̀ nwẹnị Safani, Azalaya owiḅọtụḅọ ḅe na, Masẹya, opu ama mẹ ḅẹ ḅẹrẹtọnḅọ ḅe na, Joha, Johahazị owiḅọtụḅọ ḍiri-kẹẹḅọ ḅe na fịrịma in mu KỊNỊNYANAḄỌ ọ̀ Tamụnọ ḅe warị mẹ tẹlẹmaa.

2 Paka-aị 36:15

KỊNỊNYANAḄỌ ḅe, ịna aḍapụ ma Tamụnọ ḅe, tịngị-tịngịma ori afịrịmẹnjịapụ ḅụụ ịgbanịm, gbala ọ̀ sịḅị-kụrụkụrụ nyana ori atomi na, ò sime anga na pịrịm ẹrẹsị;

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Paka-so 8:20

Anịtẹso KỊNỊNYANAḄỌ ḅe nwẹnị Mozizi ḅẹẹ, “Dede-funfun saakị tẹ minji-suku mu sime Fero koruu, ọ̀ paka minji-suku mẹ muarị ogbo, tẹ ọ̀ ḅẹẹ, ‘ị̀ atomi wẹrịsoo ịn so, mịẹtẹ ịn fịrịmẹnjị ị̀ pịrị ḅẹ ḅara.

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Jerimaya 1:2

Josaya Amọnị tụḅọ ḅẹ Juda da tẹ oyi tẹrẹị finji karama kụra mẹ ḅụ mie KỊNỊNYANAḄỌ ḅe ẹkwẹn Jerimaya pịrị yee,

Jerimaya 11:7

Àrị Ijiputi ḅụ ịna elemu aḍapụ ma pakama-ḅo sakị, à tẹmẹ-la ḅara kẹ ịna aḅeri nụnụ-nụnụ nwenii ḅo mịmgba lam.

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 22:21

Ye ọmịnị na loloarị sakị KỊNỊNYANAḄỌ ḅe ẹkwẹn ọ́ pịrịm, kụma ó poki ḍụkụ-a. Ọmịna ḍumo mamgba ḅụ ó miemẹ mịẹ tẹẹ; gbala-gbala ó minini tẹ KỊNỊNYANAḄỌ ḅe ḅịḅị poki-poki-a.

Jerimaya 25:4

Ó poki ḍụkụ-a, anịanịa kẹ ye-sịn, karakaraye KỊNỊNYANAḄỌ ḅe ori afịrịmẹnjịapụ, ịkịankoroapụ ma kẹ fịrịma, siin fịrịma tẹ sọ.

Jerimaya 26:5

pịkị ị̀ afịrịmẹnjịapụ ịkịankoroapụ ma ẹkwẹn ma kẹ ye-sịn ḅụ anie à kẹ ọ́ fịrịma siin ọ́ fịrịmarị apụ ma. Jene-jene amụ ọmịnị in ḍuko ye poki-a.

Jerimaya 29:19

Miemẹ ịna ḅụ paka ḅa ini arị ị̀ fịrịmẹnjị ịkịankoroapụ ma ḅụ ḅọrọtẹ kẹ ịn fịrịma-fịrịma-fịrịmarị oku mẹ poki tẹ mịẹ-a ẹrẹsị. In poki ḍụkụ-a.

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 35:14

Jonadabụ furo-ḅẹ-apụ ma ọ̀ sụa ịn pịrịm ini iru ḅuu ma nwẹn ḅẹẹ oloko mẹ kokoarị, tẹ ḅo mịmgba ḅẹ ene mẹ la sọ ịna ḅụ gbọrụḅọ-sọ gbọrụ iru sọ ḅuu-a. Kụma yẹrị ẹkwẹn, siin ẹkwẹn ọ́ pịrịarị, tẹ ọmịnị ị̀ ḅịḅị poki-a.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 36:1

Jehohakịmụ, Josaya tụḅọ ḅe juda da tẹ ini karama kụra mẹ ḅụ, KỊNỊNYANAḄỌ ḅe ị̀ ḅẹẹm,

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 44:4

Àrị ị̀ afịrịmẹnjịapụ ịkịankoroapụ ma kẹ ịn fịrịma-fịrịmam, anie mịẹ ḅalafama ye mẹ tẹ à ḍiki-ḅioḅuarị ye mẹ ḍuko ọ́ pịrị apụ ma.

Jerimaya 7:13

Ọ́ mịna asi mamgba mịẹ tẹ, karakaraye arị ẹkwẹn ọ́ pịrị, pịkị siin ẹkwẹn ọ́ pịrịm sọ, ọ́ ḍụkụ tẹ poki-a. Àrị ọ́ sịn sakị ọ́ pakịrị-a.

Jerimaya 7:25

Àrị Ijiputi ḅụ ọmịna elemu aḍapụ ma pakama-ḅo ene ọkị-ḅo mịẹ gbọrụ ene mẹ la, àrị ị̀ fịrịmẹnjịapụ ịkịankoroapụ ma kẹ ọ́ fịrịma-fịrịma-fịrịmarị.

Izikẹlị 33:4

Gbọrụḅọ anị naarị tẹ kẹ ye-sịn-a tẹ fịya-a ḅọ ḅe ḅo mḅọ ḅaa-ḅaa, mḅọ fịị mẹ ḅẹ onyo mḅọ sịḅị emi.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Makị 1:35

Ene-ḅaa ḅẹ dede-funfun ḅụ, ene amụ finji koro-a ogbo, Jizọsị warị koroma-som. Ori ama mẹ ḅio mẹnjị paka tẹ mu yaụ-sime wararị anga tẹkẹm.

Jọnị 8:2

Jen ene ḅaa ḅẹ dede-funfun ḅụ ọ̀ nwẹnị pịkịma Tamụnọ-warị mẹ mu. Tomi mamgba mu ò gbori ikelema tẹ ọ̀ lẹgị tẹ saakị ye kẹ ịn tolumam.

Jọnị 8:47

Tamụnọ ḅụ sime tẹ ḅo ḅọ, ḅo ḅọ mie pịkị Tamụnọ ẹkwẹn ma pokiarị ḅọ. Anị sime-ḅara ḅụ, ọmịnị ọ́ Tamụnọ ḅụ ḅo-a ẹrẹsị ọ́ pịkị poki ḅịa.”

2 Timoti 4:2

oku mẹ ḍukoo; ịgbanị mịnẹ ini anị ḍukoo — kura sakị-o, kura-a sakị-o — ẹkwẹn tomina aḅioḅẹngbọ pịkịị; in ḍiki-ịganịị; pịkị ịna ḅiokpọmaa, í ye-inema mẹmgba kẹ ye-tolumarị sakị.