Jerimaya 25:1 - FỊAFỊA BAỊBỤLỤ

¹ Jehohakịmụ Josaya tụḅọ ḅe Juda da tẹ ini akụra karama kụra mẹ ḅụ, à KỊNỊNYANAḄỌ ḅe ḅara ḅo oku nyanam, anie Juda ḅẹ apụ mamgba gboloma ye. (Miemẹ anie Nebukadineza Babịlonịya da tẹ tarị kụra mẹ ḅụ)

Jerimaya 25:1 Iomraidhean Croise

2 Paka-aị 36:4

Ijiputi ḅẹ amadaḅọ ḅe nwẹnị ò iyimbere Ẹlịyakịmụ kẹ Juda na Jeruselemu na ḅụ amadaḅọ sọma, tẹ ori ẹrẹ ḍima tẹ Jehohakịmụ kẹ ọ̀ sịn; kụma Neko nwẹnị ò iyimbere Jehohahazị ọkị tẹ ò dogi-so Ijiputi mu.

2 Paka-aị 36:6

Babịlọnị ḅẹ Amadaḅọ Nebukadineza nwẹnị owu kẹ ọ̀ paka tẹ ikoli kẹ ọ̀ sụa tẹ kẹ so Babịlọnị mu.

Jerimaya 1:3

tẹ ọ̀ pịkị siin ẹkwẹn ọ̀ pịrịm Josaya tụḅọ Jehohakịmụ ama-daarị sakị. Anie ḅọrọ tẹso, KỊNỊNYANAḄỌ ḅe tọnwa asakị kẹ ẹkwẹn ọ̀ pịrịm, nwenii mu Josaya tụḅọ Zẹdẹkaya ama-da tẹ oyi gberie finji karama kụra mẹ lam. Anị kụra mẹ ḅẹ sọnọ karama akalụ mẹ ḅụ Jeruselemu ḅẹ apụ ma ini in kun som.

Jerimaya 32:1

KỊNỊNYANAḄỌ ḅe ẹkwẹn ị̀ pịrịm Zẹdẹkaya, Juda ḅẹ amadaḅọ ḅe ama-da tẹ oyia akụra karama kụra mẹ ḅụ, anie pịkị Ama-da Nebukadineza Babịlonịya da tẹ maa kụra fa sii karama kụra mẹ.

Jerimaya 35:1

Jehohakịmụ, Josaya tụḅọ ḅe Juda daarị sakị ḅụ, KỊNỊNYANAḄỌ ḅe ị̀ ḅẹẹm,

Jerimaya 36:1

Jehohakịmụ, Josaya tụḅọ ḅe juda da tẹ ini karama kụra mẹ ḅụ, KỊNỊNYANAḄỌ ḅe ị̀ ḅẹẹm,

Jerimaya 45:1

Jehohakịmụ, Josaya owiḅọtụḅọ ḅe Juda da tẹ ini karama kụra mẹ ḅụ, Baruku à ḍuko ọ̀ pịrị ye kẹẹ koromam. Anịtẹso à ḍuko ọ̀ pịrịm,

Jerimaya 46:2

Ijiputi ḅụ saakị. Mie ò ḍuko ị̀ pịrị ye Ijiputi ḅẹ Amadaḅọ Neko ọmụ-ogbo gboloma ye ḅụ, anie Babịlonịya ḅẹ Ama-da Nebukadineza tọrọkọ owu-ḅara-sii ye mẹ, Kakẹmisi ḅụ, Yuferetisi Tọrụ kpeki ye mẹ, Jehohakịmụ ḅo Juda da tẹ ini karama kụra mẹ ḅụ:

Jerimaya 7:1

Mie KỊNỊNYANAḄỌ ḅe ḅara ḅo Jerimaya pịrị ẹkwẹn mẹ,

Danẹlị 1:1

Jehohakịnị Juda da tẹ tẹrẹị karama kụra mẹ ḅụ, Nebukadineza, Babịlonịya ḅẹ Amadaḅọ ḅe owu kẹ Jeruselemu paka tẹ ọmụapụ kẹ opu ama mẹ ikelema-korom.

Danẹlị 1:2

KỊNỊNYANAḄỌ ḅe minini ọ̀ pịrị tẹ ori Ama-da Jehohakịnị kun tẹ pịkị Tamụnọ-warị mẹ ḅẹ ngọ ma ḅẹ jaị fọịn ọkịm. Ori ikoliapụ ḅara kẹ jen-apụ ọkị ọ́ ḅụ sụa so ori atamụnọ ma warị mum Babịlọnị ḅụ, tẹ fọịn so ngọ ma kẹ ọ̀ tẹkẹarị tamụnọ-warị mẹ ḅẹ ye koko aḅio ḅụ kokom.

Danẹlị 2:1

Nebukadineza ama-da tẹ maaịn karama kụra mẹ ḅụ ọ̀ ḍawọm. Anị kẹ ò ḅioḅẹngbọ pikirima la ḅara gotẹ, ọ̀ ḅarị inetẹ mono-a,