Jerimaya 24:9 - FỊAFỊA BAỊBỤLỤ

⁹ Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Jerimaya 24:9 Iomraidhean Croise

1 Amadapụ 9:7

anịrẹ àrị ị̀ atomi Izirẹlịapụ ma ḅelema ḅa à kẹ ịn pịrị tẹ ama mẹ ḅụ. À pịkị mị Tẹkẹ-warị mẹ tẹ à tomi sunsin ị̀ pịrị ḅẹ anga wẹrị ḅara kẹ wẹrị fịafịama tẹ anga mẹ sọ kẹ gbin-koroma tẹ so ḅa. Anga-anga ḅụ simearị atomi mamgba Izirẹlị kẹ kpọọti ḅa tẹ ye-sịn-a ḅara kẹ arị na mịẹ ḅa.

2 Paka-aị 7:20

anịrẹ anị ama mẹ tẹ à kẹ ọ́ pịrị tẹ ama mẹ ḅụ arị ọ́ pẹlẹ-siin ḅa, tẹ mị warị mẹ tẹ à mịẹ fịafịama ị̀ ẹrẹ pịrị ye mẹ, arị anị wakị-nguma ḅa ị̀ tọrụ ḅụ tẹ anị kẹ egberima-ẹkwẹn na, goo ḍuko ye na sọma tomi mamgba pịrị ḅa.”

Devidi-Anume 69:11

Àrị ono ḅiri tẹ tomi ị̀ ḍẹrịarị.

Ayịzaya 43:28

tẹ ị́ ḅẹrẹtọn apụ ị̀ fịafịa-yọ pilemam. Mie ḅụ à ḅaa guluguluma ọkị-ḅo Izirẹlị ọgọnọ gbanam; À wẹrịso tẹ kịnị ḅo sime ị̀ pịrị apụ mịẹ-simam.

Ayịzaya 65:15

À sẹlẹ ọkị tẹ apụ ma ọmịna ẹrẹ kẹ ye gbo ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mịẹ tẹ ọ́ fịị ḅa. Kụma arị ịwọ ẹrẹ kẹ ị̀ ḅịḅị pokiarị apụ ma pịrị ḅa.

Jerimaya 15:4

À mịẹ tẹ tomikiri ḅẹ apụ mamgba in gotẹ sịḅị kanakana ḅa, Hẹzịkaya owiḅọtụḅọ Manasẹ Juda sịẹ mẹ daarị sakị ḅụ Jeruselemu ḅụ mịẹ ye ẹrẹsị.

Jerimaya 19:8

Arị ọkị-ḅo mị opu ama mẹ ọgọnọ gbana ḅarị ḅalafama ḅaa-guluguluma mẹ mịẹ tẹ ḅẹḅọ-ḅẹḅọ tẹ mẹnjị-ḅọrọarị ḅọ sịḅị-kanakana tẹ ḅụụ-bua ḅa.

Jerimaya 25:18

Jeruselemu na Juda ḅẹ ama mamgba na, pịkị anị ḅẹ amadapụ na sịḅịdapụ na sọ kẹ ịna ḅụ sụa tẹ in ḅuum, mịẹ tẹ ini ịkpa sọ ḅẹ ḅara, tẹ ḍiki-tọrụ ḅụ ḅalafamarị pịkị ḅụụ-gbiripumarị ye, mịẹ tẹ kịnị ịna ẹrẹ kẹ ye karị, anie mịọkụ sọ in paa mịẹarị ḅara.

Jerimaya 26:6

Ọ́ paa poki-a tọrọkọ-tọrọkọ muarị ḅẹḅẹ, anịsakị à mị Tamụnọ-warị mẹ kẹ à kẹ Silo mịẹ ḅara mịẹ ḅa, tẹ tomikiri ḅẹ asịẹ mamgba mị opu ama mẹ ẹrẹ kẹ ye karị ye sọma ḅa.”

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 29:22

Ini ikoliapụ ḅara kẹ Jeruselemu ḅụ ọkị-so Babịlonịya mu apụ ma ye karị ḅẹ sakị ịn ḅẹẹ ḅa: ‘Yee KỊNỊNYANAḄỌ ḅe ọ̀ kẹ Zẹdẹkaya na Ehabụ na mịẹ ḅara kẹ ị́ na mịẹ, anie Babịlonịya ḅẹ amadaḅọ kẹ ḍumo tọrụ ḅụ fịnị ḅio fọị apụ ma!

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 44:13

À fomu-ḅara kẹ Ijiputi ḅio angarị apụ ma pịrị ḅa, à kẹ Jeruselemu fomu gbọrụ ḅara mẹ — ọmụ ḅụ, ḅuru-ḅa ḅụ, pịkị obi ḅụ.

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Izikẹlị 23:46

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: “Tomi ogbo kẹ ḅo ịna tẹmẹ-naịn-naịnma tẹ ịna aị fọịn.

Izikẹlị 25:3

Ḍuko ịn pịrị ịn yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye pokii. Kịnị ị̀ Warị kẹ tọn-tọn-a ḅara wẹrịarị tẹ ini ẹrị ye mẹ ịna ḅụụ-ḅẹlẹ mẹ, ini Izirẹlị amakiri mẹ sima-kọsịma tẹ ini ẹrị ye mẹ, in Juda ḅẹ apụ kun-so jen sịẹ mu ye mẹ ẹrị ye mẹ.

Izikẹlị 26:2

Ori mẹẹ, “Fịị-fịị tomḅọ, miemẹ anie Taya opu ama mẹ ḅẹ apụ ma gotẹ ḅioḅẹlẹ kẹ sulearị. Ini olokuarị, ‘Jeruselemu gulugulu famatẹ! Á masịnịapụ kụrọ mẹ so tẹẹ! Á ḅarị jen kẹ jen-apụ na pii-pii ḅẹẹ ḅịa!’ ”

Izikẹlị 5:8

Tẹ anie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ị́ na fịya-a ḅọ sọ tẹẹ. Sịẹ-sịẹ mamgba inetẹ ẹrị ḅẹ anga mie à ḅẹrẹ-pẹlẹ ị́ ọgọnọ gbana ḅarịye.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Ditẹrọnọmị 28:37

Anịsakị KỊNỊNYANAḄỌ ḅe etela kẹ ó ḍie sọ mu ḅarị anga ḅụ ó ḅo tọrụsiẹrị apụ na, kẹ egberi gbaa ḅẹrẹ ḍuko apụ na, gbaịma ẹkwẹn kọn pịrị apụ na, sọ ḅa tomi-kụlọkụlọ mamgba ogboku ḅụ.