Jerimaya 24:8 - FỊAFỊA BAỊBỤLỤ

⁸ “Zẹdẹkaya, Juda ḅẹ Amadaḅọ ḅe, ò gbori wararị ama-ḅịḅị kẹ ẹkwẹn-arị apụ ma, na Jeruselemu ḅụ kirikọn-apụ ma na kịngẹ kụma, tẹ ama mẹ ḅio sime apụ ma, anịanịa so Ijiputi mu apụ ma, yẹrị, KỊNỊNYANAḄỌ ḅẹ, kẹ mịna si ḅaka tẹ ḅarị fị-fị ḅara sime figi-asịnmgbọlụ ma na mịẹ ḅara kịka ḅara kẹ inimgba na mịẹ ḅa.

Jerimaya 24:8 Iomraidhean Croise

1 Paka-aị 3:15

Josaya owiapụ-awọmẹ anie Johananị, mgbe ḅe na, Jehohakịmụ gbolo ḅe na, Zẹdẹkaya gbolo-palịḅọ ḅe na, Salumu ini karama ḅọ ḅẹ na.

Jerimaya 13:7

Mie ḅụ à pịkịma mum, tẹ àrị anị kẹ ḅọị anga ḍọkị ẹrị sakị, arị ẹrịm anị si fama tẹ gbọrụ iḅiye ḅụ sọ anị ḅarị sọ ḅịa.

Jerimaya 21:10

À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 24:2

Tarị kana mẹ iḅi figi-sịnmgbọlụ anị ḅio simem, iḅi sakị ḅịya aị; osi ye mẹ si figi-sịnmgbọlụ anị ḅio simem, arị si la ḅara ḅụ fị-fị ọkụ ofori.

Jerimaya 24:5

“Yẹrị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọkịarị mịnẹ ịn kẹ so Babịlonịya mu apụ ma ịn ma iḅi figi-asịnmgbọlụ ma kịkarị, tẹ àrị iḅi ḅara kẹ ini na mịẹ ḅa.

Jerimaya 37:10

Ọ́ nwẹnị nimiatẹ Babịlonịya ḅẹ ọmụ-ogbo mẹ nẹngịma sọ, tẹ ịna ḅụ ye la apụ ngẹrị kọn sọ, ịna akpụrụ-awarị ḅio ịn ḅọlọlọ sime wararị ayọ ma ḅụ ịn saakị tẹ mịẹ opu ama mẹ dọkịma kiri lama ḅa.”

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 43:1

À KỊNỊNYANAḄỌ ịna Tamụnọ ḅe ị̀ fịrịmam à ḍuko ịn pịrị ḅẹ ye goyegoye ḍuko ịn pịrịm.

Jerimaya 44:1

KỊNỊNYANAḄỌ ḅe ẹkwẹn ị̀ pịrịm Izirẹlịapụ tẹ Ijiputi sịẹ ḅio angarị apụ ma gboloma ye, mịna opu ama ma ḅio — Migidọlị na, Tafanisi na, Mẹmụfịsị na, pịkị sịẹ mẹ ḅẹ suku-jụ da pakịrị anga na.