Jerimaya 24:7 - FỊAFỊA BAỊBỤLỤ

⁷ Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 24:7 Iomraidhean Croise

2 Paka-aị 6:38

tẹ ịna ḅiokoroma mẹmgba na, ịna ḅioḅẹngbọ mẹmgba na kẹ ini ịna kun mu tẹ ịn kun-ḅara ḅio simearị ama mẹ ḅio si ḅụ pịkị, tẹ tọrụ kẹ ịna ama, ị́ kẹ ịna aḍapụ ma pịrị ama mẹ na ị́ sẹlẹ ọkị tẹ opu ama mẹ na, à nama tẹ kẹ ị́ ẹrẹ pịrị warị mẹ na da tẹ tẹkẹ-tẹkẹ,

Devidi-Anume 119:2

Ḅioḅẹlẹ sime ọ̀ tọn kuroma aị ma ḍukamẹnjịarị apụ ma pịrịm, anie amịna ḅioḅẹngbọ mamgba kẹ ọ̀ ḅịḅị pokiarị apụ ma.

Ayịzaya 51:16

Yẹrị So ma nụnụ finjimam tẹ kiri mẹ suku mẹ saakịm; À ḍuko Jeruselemu pịrịarị, “Ọmịnị ị̀ atomii! Arị ì tolumaye kẹ ọ́ pịrị tẹẹ, pịkị ị̀ ḅara kẹ ọ́ gbaịn ḅọrọmarị.”

Jerimaya 11:4

Mị ọḅọkụ mẹ anie à kẹ ịna elemu aḍapụ ma na fị ye mẹ, àrị Ijiputi ḅio ịn pakama-ḅo sakị, anie fịnị orumo ḅara kẹ kọrị sime akakiri mẹ ịna ḅụụ ḅụ. À ḍuko ịn pịrịm ini ị̀ ḅịḅị poki tẹ à tọn ịn pịrị ye goyegoye mị. À ḍuko ịn pịrịm mịnẹ ini ị̀ ḅịḅị poki-poki, ini ì atomi sọ ḅa, tẹ yẹrị pịkị ịna Tamụnọ sọ ḅa.

Jerimaya 29:10

KỊNỊNYANAḄỌ ḅe mẹẹ, “Babịlonịya kụra atesi oyi finji ma ḅọrọ sakị, à ḍie-pakama ḅa mịnẹ arị ó gotẹ ḅio-sẹsẹarị, tẹ à minini ọ́ pịrị ye mẹ mịẹ ḅa, ọ́ kẹ pịkị ama ḅo mẹ.

Jerimaya 3:10

Tẹ ma-mamgba ḅọrọ tẹso, Juda, Izirẹlị si ịyịmbara ma, oḅori kẹ ị̀ sịn ḅara kẹ pịkị ị̀ dama-ḅom; anị á tẹmẹ-la-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 30:22

Mie ḅụ ọmịnị ị̀ atomi sọ ḅa, tẹ yẹrị ọmịna Tamụnọ sọ ḅa.

Jerimaya 7:23

Kụma à tọn ịn pịrịm ini ị̀ ḅịḅị pokii, anie ḅụ àrị ịna Tamụnọ sọ tẹ ini ì atomi sọ ḅẹm. Tẹ à ḍuko ịn pịrịm ini à tọn ịn pịrị ḅara ḍiki ḍumo kọn, mịẹ tẹ ye ini na iḅi ḅarị ḅara.

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Izikẹlị 14:11

À miemẹ mịẹ ḅa, kẹ ị̀ ḅụ mangị-mangị-so tẹ ịna asi kẹ ḅụụ pilema ḅụ Izirẹlị ḅẹ apụ ma kiki. In sime tẹ ị̀ atomi sọ tẹ yẹrị ịna Tamụnọ sọ ḅa. Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 16:62

Àrị àrị ị́nịna fị ọḅọkụ mẹ mịẹ ịwọma ḅa, tẹ í nimi ḅa mịnẹ yẹrị anie KỊNỊNYANAḄỌ ḅe.

Izikẹlị 37:23

Ịn ḅarị jen kẹ sịḅị-ngụngụnmarị oru-afụḅara kẹ ịna aḅụụ pilema ḅịa, anịanịa si kẹ ịna aḅụụ ḅụrụma kọsịma. Ịn ḅọrọ tẹ si mịẹ tẹ ị̀ kẹ dẹrịmarị etela mamgba ḅụ arị ịn pakama-ḅo ḅa. Àrị ịn mịẹ kpaịnma ḅa, ini ị̀ atomi sọ ḅa, tẹ yẹrị ịna Tamụnọ sọ ḅa.

Izikẹlị 37:27

Àrị ini na anịanga anga ḅa; àrị ịna Tamụnọ sọ ḅa, tẹ ini atomi sọ ḅa.

Izikẹlị 39:22

Anị sakị ọkị mu Izirẹlịapụ ma nwẹnị nimi ḅa mịnẹ yẹrị anie KỊNỊNYANAḄỌ ịna Tamụnọ ḅe.

Hosiya 2:22

tẹ Kiri mẹ mgbọlị-fịye na, iru na, pulo na pakama Jẹzirili pịrị ḅa.

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

Zẹkaraya 8:8

tẹ àrị ịn kẹ pịkịma-ḅo ḅa ịrụa-saakịarị-anga mẹ ḅụ na anị tuuideriarị pakịrị mẹ ḅụ na tẹ in Jeruselemu ḅụ anga ḅa. Ini ị̀ atomi sọ ḅa, yẹrị ịna Tamụnọ sọ ḅa, nwẹnị ḅioḅẹngbọ-kẹ-sịrẹrẹ-niḅi ḅara na inoma ofori ḅara na kẹ ḅẹrẹtọn ịn pịrị.”

Romu 6:17

Tamụnọ mịẹ tẹẹ! Tụkụmaye, tarị tarị ọmịnị omoni sọ si pịrị simem sọ, ó ḅo ọmịna ḅioḅẹngbọ mamgba kẹ ịn kẹ ó tolumaye mẹ daa-ọkị tẹ anị ḅẹẹ ḅara ḍiki anga tẹ.

Hiburu 11:16

Anie nakara, iḅi anie nẹngị ama mie ịna pọkọsọlịma ye, anie so-amakiri mẹẹ. Tẹ mie ḅụ, ịn Tamụnọ kẹ ịna Tamụnọ sịn-arị ye mẹ ịna ḅụụ-jịrịma-a, kẹ gotẹ ọkọ ḍukoarị, ori ama tẹlẹma ịn wẹrịma tẹ.

Hiburu 8:10

KỊNỊNYANAḄỌ ḅe pịkị ḅẹẹarị, mịọkụ, mie àrị Izirẹlị ḅẹ atomi ma na fị ḅarị ọḅọkụ mẹ, ḅo ḅarị ene ma ḅụ, àrị ì oloko ma kẹ ịna akuroma ḅụ suu ḅa, tẹ pịkị mịẹtẹ ịna aḅioḅẹngbọ ḅụ ịna ḅioḅọrọ ḅịa. Àrị ịna Tamụnọ sọ ḅa, tẹ ini pịkị ị̀ atomi sọ ḅa.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”