Jerimaya 24:5 - FỊAFỊA BAỊBỤLỤ

⁵ “Yẹrị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọkịarị mịnẹ ịn kẹ so Babịlonịya mu apụ ma ịn ma iḅi figi-asịnmgbọlụ ma kịkarị, tẹ àrị iḅi ḅara kẹ ini na mịẹ ḅa.

Jerimaya 24:5 Iomraidhean Croise

Devidi-Anume 119:67

Tẹrẹmẹ í fomu-ḅara kẹ ị̀ pịrị sakị la, à kuraye mịẹ mịẹ-a, kụma mịọkụ àrị ị́ ẹkwẹn poki tẹ mịẹarị.

Devidi-Anume 119:71

À da fomu-ḅara mẹ iḅi kẹ ị̀ mịẹm, anị mịẹ tẹ arị ị́ tọn kuroma aị ma ḍawọm ẹrẹsị.

Jerimaya 24:4

Mie ḅụ KỊNỊNYANAḄỌ ḅe ị̀ ḅẹẹm,

Jerimaya 29:11

Yẹrị kịngẹ mie à tọn wẹrị ọ́ pịrị aị nimi wararị, à tọn tẹ lọkọlọkọ ọkị-ḅo ọ́ pịrị ḅẹ aị ma, opu ḅụụ-fụka-a, tọn tẹ tọrọkọ-jụ ọ́ kẹ tọrụ-ḅaama wararị ḅiokpọmaye mẹ ọkị-ḅo ọ́ pịrị ḅẹ aị ma.

Jerimaya 29:20

Ọmịnị-mgba tẹ à kẹ kun-ḅara ḅio sime apụ ḅara kẹ Babịlonịya fịrịma apụ ma, ọmịnị yẹrị KỊNỊNYANAḄỌ ḅe mẹẹ ye poki.”

Jerimaya 29:4

Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, inimgba tẹ ò minini Nebukadineza pịrị tẹ ori ikoliapụ ḅara kẹ Jeruselemu ḅụ ọkị so Babịlonịya mu apụ ma ḅẹẹarị:

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Izikẹlị 11:20

Anịtẹso ini ì oloko ma koko tẹ ḅioḅẹngbọ-kẹ-sịrẹrẹ-niḅi ḅara kẹ à tọn-koroma-aị mamgba poki tẹ mịẹ ḅa. Ini ị̀ atomi sọ ḅa, yẹrị pịkị ịna Tamụnọ sọ ḅa.

Lẹvitikọsị 26:44

Anịsọ, aniemẹ mgba ḅụ, ini ini na fịya-a apụ ama ḅụ emi sakị sọ, arị ịn sịkị ḅịa, ịn pịkị ì ḅioḅuma tẹ mịẹtẹ arị ịkatakirikọn-a-ḅara kẹ ịn ḅaa guluguluma tẹ arị ini na fị ọḅọkụ kan ḅịa; kẹ gotẹ ọkọ ḅẹẹarị, Yẹrị anie KỊNỊNYANAḄỌ ịna Tamụnọ ḅee;

Nahọmụ 1:7

KỊNỊNYANAḄỌ ḅe ori iḅim ḅụụ-fụka ene ḅụ kụrọtẹ ḅụụ ḅọị anga; inima tẹ ò ḅio ḅụ ḅụụ ḅọịarị apụ ma, ori in nimi wararị.

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

Matiyo 25:12

Ere-ịyaḅọ ḅe nwẹnị pakịrị, ‘Karakara-ḅara-ḅụ, ọ́ sọ-ḅo ḅịa. Àrị ó nimi-a.’ ”

Jọnị 10:27

Ị̀ atomi mie à ḍukoarị ye naarị; àrị in nimi wararị, ịn pịkị ì ḍukamẹnjịarị.

Romu 8:28

Wa nimi wararị mịnẹ Tamụnọ ḅẹlẹmarị tẹ ọ̀ kẹ ye tọn ḅara ḅụ ọ̀ ḅarana sịn ọkị atomi ma ḅụ ye goyegoye iḅi go mịẹarị.

1 Kọrịntị 8:3

Kụma Tamụnọ ọ̀ ḅẹlẹmarịḅọ nimi wararị.

Galesiya 4:9

Kụma mịọkụ ó ḅo Tamụnọ nimi tẹ ḅẹẹ sakị, anịanịa yee à ḅẹẹ, mịọkụ Tamụnọ ó nimi tẹ ḅẹẹ sakị, ó tiegotẹ pịkịma ịnyọ sọ nyana-a, sịḅị-jịrịma ḅara simearị tẹ ḅẹrẹtọn-arị nwẹn ḅẹẹ atẹmẹ ma dama-muarị? Ó tiegotẹ mu sin omoni-sọ ịn pịrị ḅẹ-ḅiiarị?

Ditẹrọnọmị 8:16

Oriḅe tẹ ịkpa mẹ ḅio ịn kẹ mana sịn fịye tẹ ọmịna aḍapụ sọ nimi-a fịye kẹ ó koko ḅọ ḅe, mịẹtẹ ọ́ ḅụụ-kpoo, tẹ ọ́ daaḍiki, kunoma ḅụ iḅi kẹ ọ́ mịẹ ḅẹ ḅara.

2 Timoti 2:19

Kụma kụrọtẹ suku mẹ tẹ Tamụnọ saakị tẹ ye mẹ, inetẹ jike ḅịa; tẹ anị ọgọnọ mie mịna ẹkwẹn ma kẹẹ wararị ye: “KỊNỊNYANAḄỌ ḅe sime ọ̀ pịrị apụ ma nimi wararị” na “Ḅẹḅọ-ḅẹḅọ tẹ ḅẹẹarị mḅọ sime KỊNỊNYANAḄỌ ḅe pịrịm nwẹn ḅẹẹ ḅọ, kura-a mịẹye ḅụ ḅụụ ḅelemaa.”

Mịẹfinji 3:19

À ḍiki ịganị tẹ fomu-ḅara kẹ pịrịarị apụ mamgba anie à ḅẹlẹmarịapụ. Ọkọẹrẹsị, ḅụụ sarasara tẹ ị́ asi ḅụ pịkịị.