Jerimaya 23:9 - FỊAFỊA BAỊBỤLỤ

⁹ Ì ḅioḅẹngbọ kọsị-sara tẹẹ, ì oju sẹkịarị. KỊNỊNYANAḄỌ ḅe gotẹ, Ọ̀ fịafịa ẹkwẹn ma gotẹ, Arị iru ḅuu tọrụ-ḅaamatẹ tomḅọ kịkarị, iru ḅuu ḅụlụ-ḅụlụmatẹ tomḅọ.

Jerimaya 23:9 Iomraidhean Croise

Devidi-Anume 60:3

Ị́ mịẹ tẹ ị́ atomi ma opuma tọrụsiẹrị tẹ; wa pụmbụma-pụmbụmarị, iru ḅuu tọrụ-ḅaama apụ ọkụ.

Devidi-Anume 69:20

Gọlị-aị ì ḅioḅẹngbọ kan saratẹ tẹ, à ḅarị tẹmẹ nyana-a. À ḍiki sịḅị-kụrụkụrụ kẹ ḅiokpọmam, kụma gberie-sọ àrị ẹrị-a; à ḅiokpọma ẹkwẹn naa ḅẹ ḅiim, kụma àrị ọkọ sime ye naa-a.

Ayịzaya 28:1

Izirẹlị ḅẹ ama-da kiri mẹ fa tẹ! Anị ḅẹ ebube mẹ iru ḅuu tọrụ-ḅaamatẹ ḅẹrẹtọn apụ asịḅị ḅụ sime tẹ fịlawa ama-da sun kịka tẹ ḍisiarị. Ịna ḅụụ-gelema asịḅị ma ḅụ ịn kụnụaị kẹ sara lama wararị, kụma anịanga iru ịn ḅaa ḅọlọlọma wararị.

Ayịzaya 29:9

Ị́ mịẹarị ye mịẹ ma-muu, tẹ oḅori tomḅọ sọọ! Ị́ mịẹarị ye mịẹ ma-muu, tẹ tọrụngbọ-pụụntẹḅọ sọọ! Gbọrụ iru sọ ḅụ ḅuu-a ḅara kẹ iru ị́ tọrụ ḅa! Tọịn-koro iru sọ ḅịḅị la-a ḅara kẹ pụmbụma-pụmbụmaa.

Ayịzaya 51:21

Ọmịnị Jeruselemu ḅẹ tọrụsiẹrị apụ, ọmịnị tẹ iru ḅuu apụ ḅara kẹ pụmbụma-pụmbụmarị apụ.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 36:16

Ori anị go tẹso, ịn ḅụụ-gbiripu ḅụ pịkị jụmọ-jụmọ da tẹ Baruku ḅẹẹm, “Wa anị ḍuko amadaḅọ ḅe pịrị nyanam.”

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 8:18

Ì kururuu, inetẹ gwọ ḅịa; Ḅioḅẹngbọ ḅụ àrị obiarị.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Kururu Owu-apọkọ 3:15

Ori akụ kẹ ì ḅio ḅụ ḅinma tẹ, ori akụarị iru na fịye na kẹ ị̀ pịrị furo ḅinma tẹ.

Izikẹlị 13:3

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Mịna oḅori ịkịankoroapụ ma in famatẹ! Ini mie ḅarana ịna ḅụụ jike-saakịma tẹ ini ẹrị ḅẹ ịkịan ma kuroma-ḅoarị.

Izikẹlị 9:4

“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Danẹlị 8:27

Tọnwa aḍin à nwẹn kẹ ḅioḅẹngbọ si tẹ obim. Anịtẹso à saakị tẹ amadaḅọ ḅe kẹ ị̀ pịrị fịrị mẹnjịm, kụma à paa ḅioḅẹngbọ fụka nyanam àrị inetẹ ịkịan mẹ fie ye nimi-a ẹrẹsị.

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.

Romu 7:9

Oloko ofori sakị à ḍumo simem; kụma oloko ḅo tẹso, si nwẹnị virikama saakị,