Jerimaya 23:4 - FỊAFỊA BAỊBỤLỤ

⁴ À sịḅịdapụ tọn tẹ ini in ḍikiḍiki ḅa. Ị̀ atomi ḅarị jen kẹ ḅalafa ḅịa, anịanịa tẹmẹ-naịn-naịn, tẹ à ḅarị jen kẹ in fomu ḅịa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 23:4 Iomraidhean Croise

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Jerimaya 33:26

Tẹ piki-pikiye-ofori ḅara ḅụ, à kẹ anie mịẹ gbọrụ ḅara mẹ mie à kẹ Jekọbụ furo-ḅẹ-apụ na ị̀ fịrịmẹnjịḅọ Devidi ḅe na fị wararị ọḅọkụ mẹ koko kpaịnma ḅarị ḅara. À Devidi furo ḅẹ gbọrụḅọ sẹlẹ pakama-ḅo tẹ ọ̀ ḅẹrẹtọn Ebira-amụ na, Ayịzịkị na Jekọbụ furo-ḅẹ-apụ ma pịrị ḅa. Àrị ọkụrụkụrụ nyana ị̀ atomi pịrị tẹ mịẹ tẹ in siin lọkọlọkọ ḅa.”

Izikẹlị 36:11

À mịẹ tẹ tomi ma kịẹn-ḅịḅị na nama ma kịẹn-ḅịḅị na ḍụḅa ḅa. Ḅọrọtẹ sakị ḅụ ọ́ la ḅara nẹngị ḅara mịẹ ọ́ la ḅarịye, tẹ ọ́ tọnwa awọ nyana ḅa. À wẹrịso tẹ ọmịnị elemu ọmịnị anga-anga ḅara anga ḅa, tẹ à mịẹ tẹ jen sakị jen sakị amụ ọ́ lọkọlọkọ la-a ḅara kẹ lọkọlọkọ ḅa. Anịtẹso ó nimi ḅa mịnẹ yẹrị anie KỊNỊNYANAḄỌ ḅe.

Lẹvitikọsị 26:9

Anịsakị arị ọ́ kẹ ye-sịn, tẹ ọ́ mịẹtẹ ọmịnị awọ iyi sara tẹ mịẹtẹ ọ́ kama ḅa.

Mayịka 4:4

Ọrụḅọ-ọrụḅọ dein ḅụ mḅọ kụrọ na, mḅọ ịla sịn na suku ịnyọsara ḅa, tẹ gberie-sọ ḅarị mịẹtẹ ịn ḅalafa ḅịa; gbala Kụrọmamgba nyana Tamụnọ ḅe ḅịḅị finji tẹ anị ḍuko tẹ ẹrẹsị.

Mayịka 5:2

KỊNỊNYANAḄỌ ḅe mẹẹ, “Kụma yei Ị́yẹrị Bẹtịlịhẹmụ, Ẹfịrata ḅẹ kala-ama, Juda opu sịẹ mẹ ḅụ ị́yẹrị ịrụ tẹịnm, kụma í ḅio mie gbọrụḅọ tẹ Izirẹlị ḅụ ḅẹrẹtọn ḅarị ḅọ ḅe paka-ḅo ị̀ pịrị ḅarịye; ori atẹngịapụ ma elemu aḍapụ ma ḅụụ saakịm elemu sakị ḅụ.”

Mayịka 7:14

KỊNỊNYANAḄỌ, ị́ mkpara kẹ anana-ḍikiḍikiḅọ sọ ị́ atomi pịrịị, ị́ sẹlẹ ọkị tẹ atomi ma. Wa mu ịkpa mẹ ḅio ḅele tẹ angam ḅẹsọ, ḍụọ ḍiḅi iḅi kiri wa ikelema-korom; yee elemu sakị ḅụ wa Basani na Giliyadi na ḅụ ye kọn fị-fị ḅara kẹ ye kọn fị.

Zẹfanaya 3:13

Izirẹlịapụ ma tẹ fịịa-so ḅarị apụ ma ini iri-ye kẹ gbọrụḅọ-sọ mịẹ ḅịa, ini iruo aị ḍuko ḅịa, pịkị oḅori-kẹ-kịnịsịn ḅẹ ḍọkị ḅịa. In lolo tẹ ye ịn la ḅịa ḅara sime ḅa, gbọrụḅọ sọ gotẹ ḅalafa-a ḅara.”

Kịẹn-aḅịḅị 31:49

tẹ nwẹnị Mozizi ḅẹẹ, “Ị́ afịrịmẹnjịapụ ọmụapụ ma tẹ wamịna ḅẹrẹtọn suku-ḅio sime apụ ma kịẹn tẹ, tẹ wamịna aḅụụ gbọrụḅọ-sọ fa-a;

Jọnị 17:12

Yẹrị na ini na emi sakị ị́ ẹrẹ mẹ ḅẹ kụrọ mẹ mie à kẹ in koko kpaịnma ye, anie ị́ kẹ ị̀ pịrị ẹrẹ mẹ. Àrị ịn wẹrị kpaịnmam, tẹ ịna ḅụ gbọrụḅọ sọ fa-a, sime fa pịrị gbọrụḅọ ḅe sikima, mịẹtẹ Fịafịa Ḍiri mẹ ḍuko ye paka ḅẹ ḅara.

Jọnị 18:9

Ò gotẹ miemẹ ḅẹẹ ye, jen sakị ò ḍuko tẹ ye paka ḅarị ḅara: “Ḍa, ị́ kẹ ị̀ pịrị tẹ apụ ma ḅụ à gbọrụḅọ kịngẹ sọ fama-a.”

1 Pita 1:5

Arị sime ọ́ pịrịm, ọmịnị minini ḅụ Tamụnọ kụrọ mẹ wẹrị kpaịnma ḅọrọma pịrị wararị apụ ma, anie Tamụnọ tẹlẹma wẹrị wararị tẹ kunoma sakị mẹ ḅụ ọ̀ mịẹfinji ḅarịye mẹ.