Jerimaya 23:39 - FỊAFỊA BAỊBỤLỤ

³⁹ piki-pikiye-ofori ḅara ḅụ arị ịn saakị ọkị tẹ ịn kẹ ị̀ ḅụ wakị ḅelema ḅa, ini na opu ama mẹ tẹ à kẹ ini na ịna elemu aḍapụ na pịrị ye mẹ na.

Jerimaya 23:39 Iomraidhean Croise

Suku-saakị 4:16

Anịtẹso Keni KỊNỊNYANAḄỌ ḅe tọrọkọ ḅụ mẹnjị-som, tẹ mu Ideni sin anga mẹ ḅẹ ịrụa-saakịarị-anga ịn kẹ Nọdị sịn anga ḅụ angam.

Suku-saakị 6:17

À ḍumo ọwụ sararị tẹ So mẹ suku-ḅio simearị meni sụa aị mamgba ḅaa fama ḅẹ gotẹ opu minji kẹ ḅo tomikiri mẹ gbaịn ḅa. Tomikiri mẹ ḅụ sime ye goyegoye fịị ḅa.

2 Amadapụ 23:27

KỊNỊNYANAḄỌ ḅe nwẹnị ḅẹẹ, “Arị ì ḍiki-tọrụ ḅụ Juda saakị siin ḅa, arị Izirẹlị saakị siin ḅara, anịsakị à mị opu ama, Jeruselemu tẹ à sẹlẹ-ọkị ye mẹ na, warị mẹ tẹ à ḅẹẹm ị̀ ẹrẹ anịjụ sime ḅa ḅẹẹ anga mẹ na kẹ wakị nguma ḅa.”

Devidi-Anume 51:11

Gbọrsịḅị ì dee-siin ma ị́ tọrọkọ ḅụ, ị́ fịafịa tẹmẹ siin ọkị ma ị̀ ḅụụ ḅio.

Egberima-Ẹkwẹn 13:13

Í iḅi ḍuko-toluma ye sịkị-sịkị, ị́ ḅụụ-fụka sịn ḅụụ pịrịarị; anị ḅẹẹ ḅara mịẹ tẹ ḅọrọmaa.

Ayịzaya 48:15

Yẹrị anie ẹkwẹn tẹ ọ̀ sịn ḅọ ḅee; à tọrọkọ-sụn ọ̀ pịrị tẹ ọ̀ kẹ paka tẹ mịẹ tẹ ye ori na iḅim.

Ayịzaya 51:12

KỊNỊNYANAḄỌ ḅe mẹẹ: Yẹrị anie ọ́ kụrọmarị ḅo. Ó tiegotẹ fịị-fịị tomḅọ ḍiki-ḅalafa ḅẹ, anie ḅarị ḍumo mu ene la osuka nẹngị-a ḅọ ḅe?

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 23:33

KỊNỊNYANAḄỌ ḅe nwẹnị ị̀ ḅẹẹ, “Jerimaya, ị̀ atomi ma ḅẹ gbọrụḅọ, anịanịa ịkịankoroḅọ, anịanịa agbamịẹḅọ ḅo ì gbela sakị, ‘Ndẹẹ KỊNỊNYANAḄỌ ḅe oku mẹ?’, ḍuko mḅọ pịrịị, ‘ị́yẹrị anie ikuye sọ KỊNỊNYANAḄỌ ḅe pịrị wararị, tẹ ori ị́ ḅụụ ḅara-siin ḅa.’

Jerimaya 23:38

Tẹ ini ì oloko mẹ poki tẹ mịẹ-a tẹ ‘KỊNỊNYANAḄỌ ḅe ikuye’ ẹkwẹn ma kọn-arị ḅẹḅẹ, anị sakị ẹrẹ ḍuko ịn pịrị mịnẹ

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Jerimaya 36:31

À fomu-ḅara kẹ ị́yẹrị na, í furo-ḅẹ-apụ na, ị́ fịrịmẹnjị-opuapụ ma na pịrị ḅa, ọ́ mịẹ tẹ asi mamgba ẹrẹsị. Ị́yẹrị-o, Jeruselemu na Juda na ḅẹ apụ ma-o, amụ à kẹ ọmịna aḅeri nụnụarị aị ma kẹ ye-sịn-a, ọkọ ẹrẹsị arị ẹrịma sime opu ḅụụ-fụka mẹ ọkị-ḅo ọmịna ọgọnọ gbana ḅa.”

Jerimaya 52:3

KỊNỊNYANAḄỌ ḅe kpọma Jeruselemu na Juda na gotẹ ịganị tẹ in sikima jen anga mum ọ̀ tọrọkọ ḅụ. Zẹdẹkaya kọngọ-kụrọma Ama-da Nebukadineza, Babịlonịya da ḅọ ḅe pịrịm,

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Jerimaya 7:15

Àrị ó dee-siin ḅa, ị̀ tọrọkọ, arị ọmịna amịnapụ Izirẹlịapụ dee-siin ḅara. Yẹrị KỊNỊNYANAḄỌ ḅe ọkọ ḅẹẹm.

Kururu Owu-apọkọ 5:20

Tiegotẹ ị́ wa kẹ ḅioḅọrọma gbamasoarị, tiegotẹ ị́ wa sịkị alama ḅo nwẹn la?

Izikẹlị 34:11

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị mịnẹ à ḅarana ị̀ anana ma ḍọkị-pakama-ḅo tẹ in ḍikiḍiki ḅa,

Izikẹlị 34:20

Mie ḅụ mịọkụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ọmịnị kụrọ wararị anana ma na ịnyọ nyana-a anana ma na ogboku ḅụ à ḅẹrẹkọn ḅa.

Izikẹlị 5:8

Tẹ anie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ị́ na fịya-a ḅọ sọ tẹẹ. Sịẹ-sịẹ mamgba inetẹ ẹrị ḅẹ anga mie à ḅẹrẹ-pẹlẹ ị́ ọgọnọ gbana ḅarịye.

Izikẹlị 6:3

Ḍuko Izirẹlị ḅẹ tụndụ ma pịrị ịn KỊNỊNYANAḄỌ ḅe ẹkwẹn mẹ naa — ini yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko tụndụ ma na, tụndụ ma na, tụndụ ma puu ideri-koro wararị ayọ ma na, tụndụ-suku ma na pịrịarị ye mẹ naa; àrị okologie fịrịma mu in sime tẹ oru-afụḅara tẹkẹarị anga ma guluguluma ḅa.

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Hosiya 4:6

Ị̀ atomi ma ịn fa tẹẹ ini ị̀ kẹ ye-sịn-a ẹrẹsị. Ọmịnị agbamịẹapụ ma ḍụkụ tẹ ị̀ kẹ ye-sịn-a tẹ ì tolumaye sịkịtẹ, tẹ mie ḅụ àrị ọ́ sịkị tẹ ọmịna owiapụ-awọmẹ kẹ ị̀ agbamịẹapụ ḅara ọkị ḅịa.”

Hosiya 5:14

Àrị ọkụkụ kịka tẹ owu kẹ Izirẹlị na Juda ḅẹ apụ ma paka ḅa. Yẹrị ḅarana ịn kanị-kọsịma ḅa, anịtẹso àrị ịn kẹ gbin koroma ḅa. Àrị ịn fọnọ so sakị, gbọrụḅọ-sọ inetẹ ịn ḅọrọma ḅịa.

Lẹvitikọsị 26:28

anịrẹ owi ịganị ḅụ arị ọmịnị na tụḅụrụ ḅara mẹnjị ḅa, tẹ ọmịna asi gotẹ ḅarana arịḅẹ sọnọma akiri kẹ ó fomu ḅa.

Matiyo 25:41

“Anịtẹso ori ori ere-ḅara anga sime apụ ma ḅẹẹ ḅa, ‘Ini ọ́ fọnọ sikimaa, ị̀ tọrọkọ, ọmịnị Tamụnọ woritẹ apụ! Ini ọ́ fọnọ mu sime gbamaso kọrị-fịnị, tẹ ịn tọnọ Ekwesu ḅe na ori enjẹlịapụ na pịrị ye mẹ ḅio suu!

Ditẹrọnọmị 32:39

Mịọkụ ọmịnị ẹrị mịnẹ yẹrị, jen-a jen-a yẹrị anie orii, anịsakị ì sikima jen tamụnọ ofori; à kịnị-ḅaarị, à pịkị kịnị-ḍumomarị; à ye kẹ kịnị lamarị, à pịkị kịnị gwọarị; anịsakị gbọrụḅọ tẹ inetẹ ị̀ ḅara ḅụ ḍụa pakama-ḅo ḅẹ ḅọ sọ ofori.

2 Tẹsalonịka 1:9

Ịn la ḅarị fomu-ḅara anie fịị-faa gbamaso, tẹ KỊNỊNYANAḄỌ ḅe tọrọkọ na ori opu ebube kụrọ mẹ na ḅụ ini in sikima ḅa,