Jerimaya 23:36 - FỊAFỊA BAỊBỤLỤ

³⁶ Mie ḅụ in jen kẹ ‘KỊNỊNYANAḄỌ ḅe ikuye’ ẹkwẹn ma kọn nyana-a, kẹ gotẹ ọkọ ḅarị, gbọrụḅọ mịẹarị ḅẹḅẹ, à mịẹ tẹ ì oku karakara ikuye sọ mḅọ pịrị ḅa. Tomi ma ịna Tamụnọ, ḍumo wararị Tamụnọ ḅe ẹkwẹn ma pịkị-iḅo tẹẹ, Kụrọmamgba nyana KỊNỊNYANAḄỌ ḅe.

Jerimaya 23:36 Iomraidhean Croise

2 Amadapụ 19:4

Sosi-ọkụma KỊNỊNYANAḄỌ ị́ Tamụnọ ḅe in kẹ Rabisake sịn ḅọ ḅe ọ̀ sịḅịdaḅọ Asiriya ḅẹ amadaḅọ ọ̀ fịrịma tẹ ọ̀ kẹ ḍumo wararị Tamụnọ ḅe kombo ẹkwẹn-aḅịḅị mamgba naam, ọkọẹrẹsị tẹkẹ kirikọn-apụ ma pịrị, mịẹtẹ KỊNỊNYANAḄỌ ị́ Tamụnọ ḅe ịganị ọ̀ naa ẹkwẹn-aḅịḅị ma pịrị ḅe ḅara.”

Devidi-Anume 12:3

Yei KỊNỊNYANAḄỌ, furuma-ẹkwẹn ma kọn-arị aḅẹlẹ ma mịẹ tẹ arị gbọsime! Ḅụụ-bomarị aḅịḅị ma gbaịn, ini mẹ,

Devidi-Anume 120:3

Ọmịnị iruo apụ, ndẹẹ Tamụnọ kẹ ọ́ mịẹ ḅẹ ye? Ndẹẹ ọ̀ kẹ ọ́ pịrị ḅẹ fomu-ḅara?

Devidi-Anume 149:9

kẹ fomu-ḅara kẹ sịẹ-sịẹ ma pịrị. Tamụnọ tọn tẹ ḅara ḅụ. Miemẹ anie Tamụnọ atomi ma owu-ḅara-iḅi mẹ. Ọ́ KỊNỊNYANAḄỌ ḅe tokinii!

Devidi-Anume 64:8

Ịn kọn-arị ẹkwẹn ma ẹrẹsị ori ịn ḅaa guluguluma ḅa; ini ẹrị apụ mamgba amịna asịḅị jike ḅa.

Egberima-Ẹkwẹn 17:20

Ḅẹḅọ-ḅẹḅọ tẹ siye kuroma tẹ pịkị ẹkwẹn pakamarị ḅọ, inetẹ iḅiye nwẹn-sịn ye ḍọkị-ẹrị ḅịa — opu fa ngẹrị.

Ayịzaya 28:22

Ọmịnị à kẹ ọ́ pịrị ḅeri nụnụ ẹkwẹn mẹ kẹ ḍẹrị-ḍẹrị ye sọma ma! Ọmịnị ọkọ mịẹ kụma, ọ́ pụkọ-pakaḅo ḅarị mẹ kpọma ḅụụ-fụkama ḅaka ḅa. Kụrọmamgba nyana KỊNỊNYANAḄỌ ḅe tọn-pẹlẹ tẹ mịnẹ ò bebe sịẹ mẹ fama ḅarị mẹ à naa tẹ.

Ayịzaya 3:8

Inn, Jeruselemu fa tẹẹ! Juda ḅịkị koroarị! In ḍukoarị ye na mịẹarị ye na goyegoye KỊNỊNYANAḄỌ ḅe na tụḅụrụarị. Ịn ḅịḅị ḅọị-a ḅara kẹ KỊNỊNYANAḄỌ ḅe ḅioju mịẹ-simarị.

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Jerimaya 23:37

Jerimaya, ịkịankoroapụ ma gbela, ‘KỊNỊNYANAḄỌ ḅe ò tọ pakịrị-ḅịḅị kẹ ọ́ pịrị? Ndẹẹ KỊNỊNYANAḄỌ ḅe ḍuko ye?’

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Matiyo 12:36

“Ọmịnị inetẹ nimi ḅa mịnẹ Ḅẹrẹkọn Ene ḅụ ọrụḅọ-ọrụḅọ mḅọ gotẹ mḅọ kọn sara papaa ẹkwẹn ma kọn ye ḍuko ḅa.

Luku 19:22

Ọ̀ nwẹnị ọ̀ ḅẹẹ, ‘Ị́yẹrị lala-si fịrịmẹnjịḅọ, ị́ ḅịḅị paka-ḅo ẹkwẹn mie à kẹ ḅẹrẹ-pẹlẹ ị́ pịrị ḅarịye! Í nimim mịnẹ ị̀ ḅẹrẹ kpọm, ì nye-a ye sọ àrị ọkịarị, à ye ḍiḅi-a anga sọ à ye sokuarị.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.

Galesiya 6:5

Kẹ gotẹ ọkọ ḍukoarị, ọrụḅọ-ọrụḅọ sime mḅọ pịrị dogiye dogi ḅa.

Ditẹrọnọmị 5:26

Kẹ gotẹ ọkọ ḅẹẹarị, meni mamgba ḅụ tụḅọ emi tẹ wa naa tẹ ḅara kẹ kọrị fịnị ogboku ḅụ ḍumo wararị Tamụnọ ḅe ẹkwẹn-arị tẹ naa tẹ paa ḍumo-sime tẹ ḅọ?

1 Tẹsalonịka 1:9

Arị atomi mamgba ḅẹlẹma ma ḅọrọarị aị anie, wa ḅo sakị ọ́ kẹ wa daa-ọkị ḅara na, ọmịnị oru sịkị tẹ Tamụnọ ḍukamẹnjị ḅara na, ọ́ kẹ fịrịmẹnjị ḍumo wararị, karakara Tamụnọ ḅe pịrịarị ḅara na,

2 Pita 3:16

Ọ̀ kẹẹ aḍiri mamgba ḅio mị gbọrụ ye mẹ mie ọ̀ kẹ ḅẹrẹ-sịḅị sọma tẹ kẹẹarị ye. Ori aḍiri ma ḅio ḅụụ-fụkama aị emi, anie gberie-sọ nimi-a apụ ma tẹ ḅụọ gbọrụ anga sịẹ sịẹ-a apụ iruo ḅara kẹ ḍuko finjiarị aị ma, anie ịn kẹ Fịafịa Ḍiri mẹ ḅio paka-ḅo aị ma ḅẹ jaị sọ na mịẹarị ḅara. Mie ḅụ in gulugulu dogi-ḅo ịna ḅụụ pịrịarị.

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”

1 Samụẹlị 17:36

Ị́ fịrịmẹnjịḅọ tọnwa ọkụkụ-o, tuu-o ḅaa lama tẹẹ; anịsakị ḅie ḅụụ-pẹlẹa Filisiteniḅọ ḅe ini ḅẹ gbọrụḅọ-sọ ḅa ò ḍumo wararị Tamụnọ ḅe ọmụ-ogbo mẹ mịẹ pilema tẹẹ, tẹ wa ẹrịarị ḅẹẹ-sakị.”