Jerimaya 23:32 - FỊAFỊA BAỊBỤLỤ

³² Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 23:32 Iomraidhean Croise

Jobu 13:4

Ị́yẹrị kụma, í iruo kẹ weswasị sọma ọmbị wararị; ọmịnị-mgba papaa ḅịrịapụ famam.

Ayịzaya 3:12

Igbigi kẹ kịnị ḅọlọ apụ ị̀ atomi ponomarị, tẹ ịn ḅara ḅụ saa ọlọ apụ ini inomarị. Ị̀ atomi, ọmịna sịḅịdapụ ọ́ da irimarị, mie ḅụ ọ́ da-mu ḅẹ anga ó nimi-a.

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 23:13

Sameriya ḅẹ ịkịankoroapụ ma si mẹ àrị ẹrị tẹẹ; in Balị oru ḅe ẹrẹ kẹ ẹkwẹn tẹẹ mịẹ tẹ ị̀ atomi etela-iri tẹ.

Jerimaya 23:16

Kụrọmamgba nyana KỊNỊNYANAḄỌ ḅe Jeruselemu ḅẹ apụ ma ḅẹẹm, “Ọmịnị ịkịankoroapụ ma ḍukoarị aị ma poki ma; papaa ḅiokpọma aị mie ịn kẹ ọmịna aḅụụ ḅio suu ḅinmarị. Ịna aḅioḅẹngbọ ḅụ ịn kuroma ḅo aị mie in ḍuko ọ́ pịrịarị, yẹrị ḅẹẹ ye-a.

Jerimaya 23:25

Arị ịkịankoroapụ ma ḍuko tẹ ye mẹ à nimi wararị, anie ị̀ ẹrẹ ḅụ iruo-iruo tẹ ọkịarị mịnẹ àrị ì oku kẹ ịn pịrị tẹ ịna aḍawọ ḅụ.

Jerimaya 23:31

À pịkị arị ịkịankoroapụ ma tẹ amịna soku ḅẹ ẹkwẹn ma kọn-kọn tẹ ọkịarị ị̀ ẹkwẹn nwẹn ḅarị apụ ma na tụḅụrụarị,

Jerimaya 29:31

“Mị oku mẹ kẹ kun-so apụ mamgba fịrịmaa: ‘Mie KỊNỊNYANAḄỌ ḅe Sẹmaya, Nehelamụ ḅẹ ḅọ ḅe ḅụ ḍukoarị ye, Sẹmaya ịkịankoro ọ́ pịrịtẹ ẹrẹsị, karakaraye yẹrị ọ̀ fịrịma-a sọ, tẹ mịẹ tẹ ọmịnị iruo ye minini tẹ,

Jerimaya 7:8

Ḍikii, ọmịnị oḅori-kẹ-kịnịsịn ẹkwẹn ma kẹ ḅiokpọmarị.

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Kururu Owu-apọkọ 3:37

KỊNỊNYANAḄỌ ḅe anị minini sikima, tụḅọ tọn tẹ anị ḅo pakarị?

Zẹfanaya 3:4

Ịkịankoroapụ ma ḅẹrẹtọn pịrị ḅọ ofori apụ ḅara kẹ amịna ḅụụ ọkị tẹ mbasịarị agbamịẹapụ ma fịafịa ye mẹ pilemarị, tẹ Tamụnọ oloko mẹ fangala ḅo anị sọye mịẹ ịn pịrị ḅẹ ḅara wẹrịarị.

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

2 Kọrịntị 1:17

À mịna aị ma tọn-arị sakị, à tọn ye kịrị, mịẹ ye kịrị, ḅara sime? Àrị à mịẹ ḅẹ aị ma kẹ ọrụtọn koromarị sakị arị ị̀ ḅụụ na-iḅi ḅẹ ḅara ngẹrị ḍikitẹ tọn tẹ, “Inn, inn” ḅẹẹarị gbọrụ kiri ḅụ pịkị “Ẹn-ẹn, ẹn-ẹn” ḅẹẹ?

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Mịẹfinji 19:20

Ịn nwẹnị kịnị-ḅaaḅa opu nama ḅe na ọ̀ tọrọkọ ḅụụ-buama-aị mịẹ iruo ịkịankoroḅọ ḅe na kun ọkị. (Mịna ḅụụ-buama-aị ma ḅụ mie ọ̀ ḅọrọ tẹ oḅori kẹ ịn kịnị-ḅaaḅa opu nama ḅe elekima mẹ kẹ ḅụụ ḅụ sụa apụ ma na, ọ̀ fụḅara mẹ tẹkẹ apụ ma na sin-arị ye.) Ịn kịnị-ḅaaḅa opu nama ḅe na, iruo ịkịankoroḅọ ḅe na kẹ fịị-a ḅara kẹ ọpọlị balị kọrị ḅara kọrịarị fịnị tọrụ ḅio gbin suum.