Jerimaya 23:30 - FỊAFỊA BAỊBỤLỤ

³⁰ Arị ịkịankoroapụ ma tẹ jụmọ-jụmọ ẹkwẹn ma ọkị kọn tẹ ọkịarị mịnẹ ini ì oku ḍuko wasamarị nwẹn ḅẹẹ apụ ma arị ini na tụḅụrụarị.

Jerimaya 23:30 Iomraidhean Croise

Devidi-Anume 34:16

kụma ò siye-mịẹapụ ma na tụḅụrụarị: mịẹ tẹ ịn fịị sakị kịnị sarasarama ịn kẹ ḅioḅọrọma ḅarị ḅara.

Jerimaya 21:13

Ị́yẹrị, Jeruselemu, ị́ lẹgị-sime wararị, tụndụ suku ma ḅụ í gele fa wararị, ịkụ kịka tẹ lẹsẹrẹ-kiri mẹ ḅụ so sọ wararị, Kụma yẹrị owu kẹ ị́ paka tẹ Ị́ ḅarị mịnẹ gbọrụḅọ-sọ inetẹ owu kẹ ị́ paka anịanịa ị́ kụrọnị-anga ma kan tolu-ḅọrọ ḅịa.

Jerimaya 23:31

À pịkị arị ịkịankoroapụ ma tẹ amịna soku ḅẹ ẹkwẹn ma kọn-kọn tẹ ọkịarị ị̀ ẹkwẹn nwẹn ḅarị apụ ma na tụḅụrụarị,

Jerimaya 44:11

“Mie ḅụ, Yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọrụ pịkị ọ́ da tẹ Juda mamgba ḅaa guluguluma ḅa.

Jerimaya 44:29

Yẹrị, KỊNỊNYANAḄỌ ḅe elekima kẹ ó ḍie ḅa mịnẹ à fomu-ḅara kẹ ọ́ pịrị ḅa mị yọ, tẹ à minini ma guluguluma ọkị-ḅo ọmịna ọgọnọ gbana ḅa ḅẹ ye mẹ nwẹnị karakaraye sọ ḅa.

Izikẹlị 13:20

Mịọkụ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À ḅara kọngọ kpọọ agba ma tẹ kẹ mịẹ tẹ ḍumo na fịị kụrọ nyana ḅẹ aị ma ḍiki-ḅioḅuarị. Àrị ọmịna aḅara kọngọ ḅụ arị kanị-siin ḅa, tẹ ọmịnị ọlọ-kụrọma wararị apụ ma paka-ḅo ḅa.

Izikẹlị 13:8

Mie ḅụ Tẹịn-Ḅẹrẹtọn-Kụrọ-Nyana KỊNỊNYANAḄỌ ịn ḅẹẹarị, “Ọmịna ẹkwẹn ma papaa aị, tẹ ọmịna ịkịan ma sọ iruo. Yẹrị na ọmịnị na tụḅụrụ wararị.

Izikẹlị 15:7

tẹ in fomu ḅarị ḅara. Ịn gbọrụ fịnị gbarị tẹẹ, kụma mịọkụ fịnị ịn dọkịma siin ḅa. Àrị in fomuarị sakị mie í nimi ḅarịye mịnẹ yẹrị anie KỊNỊNYANAḄỌ ḅe.

Lẹvitikọsị 20:3

Yẹrị ḅe sọ anị tomḅọ mẹ na tụḅụrụ ḅara kẹ tọrụ kẹ mḅọ ọgọnọ gbana ḅa, tẹ mḅọ atomi ogbo-ḅio ḅụ mḅọ pẹlẹ-siin ḅa, gbala mḅọ amịna awọmẹ ma ḅẹ gbọrụḅọ kẹ Molẹkị nwẹn sịn oru-tamụnọ ḅe pịrị tẹ, tẹ ị̀ Fịafịa Yọ mẹ pilema, tẹ ị̀ Fịafịa Ẹrẹ mẹ mịẹ-sima tẹ ẹrẹsị.

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Ditẹrọnọmị 29:20

KỊNỊNYANAḄỌ ḅe ò si-wẹrịso ọ̀ pịrị ḅịa, anie nakara KỊNỊNYANAḄỌ ḅe ịganị na, ori afana na ḅụ fomu-ḅara kẹ anị owiḅọ ḅe da-paka ḅa, tẹ mị ḍiri mẹ ḅio kẹẹ wararị wori-anume ma ori ọgọnọ gbana sime ḅa, tẹ KỊNỊNYANAḄỌ ḅe so mẹ suku-ḅio ḅụ ori ẹrẹ sịkịrị sin ḅa.

1 Pita 3:12

Gbala KỊNỊNYANAḄỌ ḅe karakaraye-mịẹapụ ma ḍikiḍikiarị, tẹ ori ịna atẹkẹ naarị; kụma ò siye-mịẹapụ ma na tụḅụrụarị.”