Jerimaya 23:26 - FỊAFỊA BAỊBỤLỤ

²⁶ Paa mu tọ-sakị la ḅẹ anị ịkịankoroapụ ma nwẹn kẹ ị̀ atomi da-irima ḅẹ, in kuroma-ḅo tẹ ḍukoarị iruo aị ma ḅụ?

Jerimaya 23:26 Iomraidhean Croise

Devidi-Anume 4:2

Ọmịnị tomi, ọmịnị ị̀ guluguluma mu tọ-sakị la ḅẹ? Ó ye-ḅụ-ofori ye ḅẹlẹma mu tọ-sakị la tẹ iruo aị ḍukamẹnjị ḅẹ?

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Jerimaya 13:27

Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 17:9

“Tụḅọ inetẹ tomina ḅioḅẹngbọ sime-ḅara nimi ḅẹ? Jen gberie-sọ ofori oḅori-kẹ-kịnịsịn anị la ye; Anị obi la ḅara ḅụ gwọ-gwọ ọkụ ofori.

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Hosiya 8:5

À Sameriya opu ama mẹ ḅẹ apụ ma sunsin pịrịarị golu mḅudu mẹ ḍiki-ḅioḅuarị. Àrị ịn gotẹ ịganị ḅụramarị. Mu tọ sakị la tẹrẹmẹ ini ịna oru-afụḅara tẹkẹ mẹ ḅụ ḅara-siin ḅẹ?

Fịrịmẹnjịapụ 13:10

tẹ ḅẹẹ, “Ị́yẹrị Ekwesu ḅe tụḅọ! Í iḅiye goyegoye na fịya-a. Si epele goyegoye ị́ ḅụụ ḅio kara wararị, tẹ sakị mamgba í ḅiiarị ị́ KỊNỊNYANAḄỌ ḅe karakara ẹkwẹn ma pịkị tẹ kẹ iruo aị sọma!

2 Timoti 4:3

Sakị ḅo ḅa, tomi ḅarị karakara tolumaye poki ḅịa sakị, kụma ịna ḅiotọn aị mịẹ in ḍukamẹnjị ḅarị yee, tẹ ḅarana ye-tolumapụ kobiri ịna aḅụụ pịrị ḅa, ịn naa ḅẹ-ḅiiarị aị ḍuko ịn pịrị ḅẹ apụ.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.