Jerimaya 23:24 - FỊAFỊA BAỊBỤLỤ

²⁴ Gbọrụḅọ-sọ inetẹ ḅọị tẹ arị inetẹ mḅọ ẹrị-a so ḅịa. Ó nimi-a mịnẹ So-ḅio na kiri ḅio na ḅụ yọ-yọ ḅụ arị emi?

Jerimaya 23:24 Iomraidhean Croise

Egberima-Ẹkwẹn 15:3

KỊNỊNYANAḄỌ ḅe anga-anga ḅụ pakaye-pakaye ẹrịarị, Ọ̀ wa ẹbịarị, wa iḅiye mịẹ-o, wa siye mịẹ-o.

Devidi-Anume 139:7

Àrị inetẹ tọ-anga mu tẹ ị́ ḅara gbarị ḅẹ? Àrị inetẹ mu tọ-anga la tẹ ị́ paka ḅịa?

Devidi-Anume 90:8

Wamịna asi ma ị́ tọrọkọ emi, wamịna ḅọị tẹ asi ma í inetẹ ẹrị ḅa.

Ayịzaya 29:15

Tọn tẹ mịẹ ḅẹ aị kẹ KỊNỊNYANAḄỌ ḅe ḅọịmarị apụ ma ịn fa tẹ! Ḅọị anga mie ini ịn tọn wẹrị aị ma mịẹarị, tẹ kuromarị mịnẹ gbọrụḅọ-sọ ini ẹrị-a, anịanịa ịn mịẹarị aị ma nimi.

1 Amadapụ 8:27

“Kụma Tamụnọ inetẹ tụkụma ḅara ḅụ tomikiri ḅụ anga ḅẹ? So mẹ ḅẹ geletẹịn So mẹ sọ ḍụḅa tẹ ị́ sọ ḅẹ ḅara sime-a; anieḅụ ndẹẹ mị Tẹkẹ-warị mẹ tẹ à nama ye mẹ ị́ sọ ḅẹ ḅara?

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?

Devidi-Anume 10:11

Si-sịḅịḅio-sụa tomḅọ ḅe amịna ḅụụ ḅẹẹarị, “Tamụnọ ọ̀ bala-a! Ori amịna atọrụngbọ gbaịn tẹ, gbala-gbala Ori ị̀ ẹrị ḅịa!”

2 Paka-aị 6:18

“Kụma karakara-ḅara-ḅụ Tamụnọ ḅo tomikiri ḅụ tomi na anga ḅa ọkụ emi? Ḍikii so tẹ geletẹịn so mẹ ḅio sọ ị́ ḅakam tẹ inetẹ sọ-a, kụma jen-a jen-a mị warị mẹ tẹ à nama warị mẹ!

Ẹfisọsị 1:23

Sọsị mẹ anie Kịrayịsị oju, tẹ anị nwẹnị anga mamgba ḅụ ye goyegoye busunumarị ḅọ ḅe busunuma ye sọ tẹ.

2 Paka-aị 2:6

Kụma tụḅọ ịnyọ nyana tẹ inetẹ warị nama ọ̀ pịrị ḅa, so sọ, jen-a jen-a geletẹịn so mẹ sọ inetẹ ọ̀ sọ-a kụma? Yẹrị ḅọrọ tụḅọ tẹ warị nama ọ̀ pịrị ḅẹ, kẹ ọ̀ tọrọkọ kụnụaị dọkịma ḅẹ anga sikima?

Danẹlị 4:35

Tomikiri ḅẹ atomi ma, ọ̀ ḅụụ papaa apụ; So-ḅio simearị enjẹlịapụ ma na kiri-ḅio simearị atomi ma na in ò suku-ḅio emii. Gbọrụḅọ-sọ inetẹ ọ̀ tọn ye kan ḅịa anịanịa “tiye ẹrẹsị?” kẹ ọ̀ mịẹarị ye gotẹ ò gbela.

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.

Izikẹlị 8:12

Tamụnọ ì gbelam, “Fịị-fịị tomḅọ, Izirẹlị ḅẹ sịḅịdapụ ma ḅọị-anga mịẹarị ye ị́ ẹrịarị ya? Inimgba sime tẹ tẹkẹarị ḅio mẹ ḅụ oru-afụḅara afụḅara famam. Ini kẹ gotẹ sọ ḅẹ ye ḍọkịarị ye anie, ‘KỊNỊNYANAḄỌ ḅe wa ẹrị-a! Ọ̀ kọkọ wamịna bebe amakiri kẹ gbin-koroma so tẹẹ.’ ”

Jerimaya 49:10

Kụma àrị Ịsọ furo-ḅẹ-apụ ma paụma famatẹ ye kọnma-a ḅara ḅụ, tẹ ịna kikima ayọ mamgba à finji sara tẹ, mịẹ tẹ ịn ḅarị jen kẹ ḅọị ḅịa ḅara. Idọmụ ḅẹ apụ mamgba gulugulu fama tẹẹ. Ịna ḅụ kirikọn gbọrụḅọ-sọ ofori.

Devidi-Anume 148:13

Yee inimgba KỊNỊNYANAḄỌ ḅe ẹrẹ mẹ tokini! Ori ẹrẹ ḍụḅa kirikọn ẹrẹ mamgba nẹngị; ori ebube iwo so na kiri na ḅọrọ wararị.

Suku-saakị 16:13

Mie ḅụ á nwẹnị ẹrẹ kẹ KỊNỊNYANAḄỌ ḅe tẹ ẹkwẹn á pịrị ḅọ ḅe sịn, “Ị́yẹrị anie Ẹlị-rọhị” gbala árị á ḅụụ gbelam, “Karakara-ḅara-ḅụ à Tamụnọ ẹrị tẹ, tẹ àrị ori ẹrị ye mẹ ḅụ paa ḍumo-sime wararị mọ?”

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

Jobu 34:21

Anị kẹ gotẹ ọkọ mịẹarị, ori atọrụngbọ tomḅọ etela ma ḅụ emi. Tẹ ori ori amẹnjị-ḅụọ mamgba ẹrịarị.

Jobu 34:22

Siye mịẹ apụ amịna ḅụụ ḅọị ḅẹ kpititẹ anịanịa furu-kịtịpụtẹ anga ofori.

Jerimaya 16:17

Ịn mịẹarị ye goyegoye arị ẹrịarị. Gberie sọ ị̀ ḅụụ ḅụ kikima-a; ịna asi ma ị̀ tọrụ gbarị-a.

Jerimaya 32:19

Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Danẹlị 2:22

Ò pokolotẹ ḅọị wararị aị mịẹfinjiarị; Ọ̀ kanakana ḅio kikima wararị ye nimi wararị; tẹ ò ḅioju bele ọ̀ kana-koro wararị.

Devidi-Anume 139:8

Àrị iwo So mu-muu, anịanga í emii; à ḍuḅu ḅio ḅụ ḅọlọlọ sime sọ, anịanga í emii.