Jerimaya 23:22 - FỊAFỊA BAỊBỤLỤ

²² Ini ị̀ ḅọịtẹ akuroma nimim namịna, mimgbe ini inetẹ ì oku ḍuko wasama ị̀ atomi pịrị tẹẹ, tẹ mịẹ tẹ ini ịn kọn-arị si ḍumo mẹ na si-sịḅịḅio-sụa amịẹaị ma na ḅụ ḅara-siin tẹẹ.

Jerimaya 23:22 Iomraidhean Croise

Jerimaya 23:14

Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Jerimaya 23:18

À nwẹnị ḅẹẹ, “Mịna ịkịankoroapụ ma ḅẹ gbọrụḅọ-sọ amụ jen sakị KỊNỊNYANAḄỌ ḅe ḅọị tẹ akuroma ma nimi-a. Ịna ḅụ gbọrụḅọ-sọ amụ jen sakị ori oku mẹ naa-a, anịanịa anị fiearị ye naa, anịanịa poki, anịanịa ò ḍuko ye kẹ ye-sịn,

Jerimaya 25:5

In ḍuko ọ́ pịrịm ọmịnị ọmịna si-sịḅịḅio-sụa ḍumo etela mẹ na ọ́ mịẹarị si-aị ma na ḅụ pịkịị, mịẹ tẹ ọmịnị inetẹ paa KỊNỊNYANAḄỌ ḅe kẹ ọmịnị na ọmịna elemu aḍapụ ma na pịrị amakiri mẹ anga tọrọkọ-tọrọkọ mu ḅẹ ḅara, sime ọ́ pịrị gbamaso ye ḅara ḅụ.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Izikẹlị 13:22

“Ọmịna iruo-aị ḅụ ọ́ ḅọrọtẹ iḅi atomi ḅioḅẹngbọ lọkọmarị, anie yẹrị ye kẹ lama ḅẹ ḅii-a apụ ma. Ó si-mịẹapụ kikiarị siye ḅụ ḅara-siin ḅụ, tẹ ịna ḍumo wẹrịarị.

Izikẹlị 13:5

Ini opu ama mẹ onu ḅịkị tẹ ayọ ma koru-a, ịn pịkị onu mẹ ḅụ kan tẹ ayọ ma siin nama-a, tẹ mie ḅụ kịnị inetẹ Izirẹlị ḍụa ḅẹ ọkụ ofori ọmụ koroarị sakị KỊNỊNYANAḄỌ ḅe eneḅaka mẹ ḅụ.

Izikẹlị 18:30

“Mịọkụ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọmịnị Izirẹlịapụ ma pịrịarị mịnẹ àrị ọmịna ḅụ ọrụḅọ-ọrụḅọ kọn ḅa mḅọ mịẹ tẹ ye ḅụ. Ọmịnị ọ́ mịẹarị si-aị mamgba ḅụ pịkị-soo, tẹ mịẹtẹ si ó guluguluma ma.

Izikẹlị 2:7

À ḍuko ị́ pịrịye pịrịye í ḍuko ịn pịrị ḅa, in poki-o, in poki-a-o. Ini kọngọ-kụrọma-apụ mẹ kẹ ḅiokoroma.

Izikẹlị 3:17

Ori mẹẹ, “Fịị-fịị tomḅọ, àrị ị́ kẹ Ama-koruḅọ mịẹ Izirẹlị sịẹ mẹ pịrịarị. Ị́yẹrị à kẹ ị́ pịrịarị ḅeri nụnụ oku ma da-saḅama ịn pịrị ḅa.

Emọsị 3:7

Gbala-gbala Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gberie-sọ mịẹ-mịẹ-a, ọ̀ tarị anị kẹ giregire ḅara kẹ ori afịrịmẹnjị-ịkịankoroapụ ma ḍie-a ogbo.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Malakayị 2:6

Ịn kuraye tolumam, kura-aye-a. Ini ị̀ na ḅịḅị-kẹ-ogbosọ ḅara angam; ini ḅioju karakara mịẹm ngẹrị-a, kụma ịn ḅarasụa tọnwa-apụ pịrị tẹ ịn siye mịẹ-a ḍumo kọnm.

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

1 Tẹsalonịka 5:6

Anie ẹrẹsị, wa osi apụ monoarị ḅara kẹ mono ḅịa; wa tọrụ finji tẹ sịḅịḅio kuḅu wararị apụ ḅara kẹ simee.