Jerimaya 23:21 - FỊAFỊA BAỊBỤLỤ

²¹ KỊNỊNYANAḄỌ ḅe ḅẹẹm, “Mịna ịkịankoroapụ ma yẹrị ịn kẹ fịrịma-a, kụma anịsọ in mum. À gbọrụ oku sọ kẹ ịn pịrị-a, kụma ịn paa ị̀ ẹrẹ ḅụ ẹkwẹnm.

Jerimaya 23:21 Iomraidhean Croise

Ayịzaya 6:8

Anịtẹso KỊNỊNYANAḄỌ ḅe gbelarị tẹ à naam, “À tụḅọ kẹ fịrịma ḅẹ? Tụḅọ wamịna oku-mẹnjịḅọ sọ ḅẹ?” À nwẹnị pakịrị, “À mu ḅa! Ị̀ fịrịmaa!”

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 27:14

Ịkịankoroapụ ma tẹ ḍuko ọ́ pịrịarị ọ́ sịḅị-tuu ọ̀ pịrị ma nwẹn ḅẹẹ apụ ma in poki ma. Ini oḅori kẹ ọ́ sịn-arị.

Jerimaya 27:15

KỊNỊNYANAḄỌ ḅe ḅioju ḍuko tẹẹ mịnẹ ori ịn fịrịma-a tẹ ini iruo ọ́ pịrịarị ori ẹrẹ ḅụ. Anịtẹso ori ó dee-pakama ḅa, tẹ ini ọ́ ḅaa ḅa, ọmịnị na mịna iruo aị ma ḍuko ọ́ pịrịarị ịkịankoroapụ ma na.”

Jerimaya 28:15

À miemẹ ḍuko Hananaya pịrịm, tẹ mie kẹ sụa ḍukom, “Hananaya, pokii! KỊNỊNYANAḄỌ ḅe ị́ fịrịma-a, tẹ ị́ mịẹ tẹ mịna atomi ma iruo ye mininiarị.

Jerimaya 29:31

“Mị oku mẹ kẹ kun-so apụ mamgba fịrịmaa: ‘Mie KỊNỊNYANAḄỌ ḅe Sẹmaya, Nehelamụ ḅẹ ḅọ ḅe ḅụ ḍukoarị ye, Sẹmaya ịkịankoro ọ́ pịrịtẹ ẹrẹsị, karakaraye yẹrị ọ̀ fịrịma-a sọ, tẹ mịẹ tẹ ọmịnị iruo ye minini tẹ,

Jerimaya 29:8

Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Jerimaya 29:9

Ini iruo aị ḍuko ọ́ pịrịarị ị̀ ẹrẹ ḅụ. Yẹrị ịn fịrịma-a. Yẹrị, KỊNỊNYANAḄỌ ḅe ọkọ ḅẹẹm.”

Jọnị 20:21

Jizọsị nwẹnị maa sakị karama ye kẹ ịn ḅẹẹ, “Dein ọmịnị na simee. Ḍaḅọ ḅe ị̀ kẹ fịrịma ḅara mie yẹrị sọ ọ́ fịrịma pakamarị ḅara.”

Fịrịmẹnjịapụ 13:4

Fịafịa Tẹmẹ ḅe ịn fịrịma pakama ye mẹ ḅụ Banabasị na Sọlụ na mu Sẹlusịya la tẹ anịanga arụ ḅụkụlọ tẹ so Sayịpụrọsị sọọ mẹ mum.

Romu 10:15

Tẹ ndẹẹ oku mẹ inetẹ ḍuko tẹ ye sọ ḅẹ ḅara, ini oku-mẹnjịapụ fịrịma pakama mu-a ogbo? Fịafịa Ḍiri mẹ ḅẹẹm, “Iḅi oku mẹ kẹ ḅoarị apụ ma aḅụọ ma ḅụụ-buama ḅara ḍikii!”