Jerimaya 23:2 - FỊAFỊA BAỊBỤLỤ

² Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.

Jerimaya 23:2 Iomraidhean Croise

Paka-so 32:34

Kụma mịọkụ soo, mu etela kẹ tomi ma ḍie anịanga mẹ tẹ à ḍuko ị́ pịrị anga mẹ muu ḍikii ị̀ enjẹlị tọrọkọ ḅụ ị́ na mu ḅa. Anịsọ, à ḅo toluma ịn ḍiki ḅarị ene la sakị, arị ịn mịẹ si mẹ kẹ ịna ọgọnọ gbana ḅa.”

Jerimaya 10:21

À nwẹnị pakịrị, “Wamịna sịḅịdapụ ma apantu atomii; ịn datụkụma gotẹ ye kẹ KỊNỊNYANAḄỌ ḅe gbela-gbela-a. Mie in gotẹ gbarị-a nyana ye ịna mịẹ ḅụ, tẹ wamịna atomi gala-galatẹ.

Jerimaya 11:22

Mie ḅụ Kụrọmamgba nyana KỊNỊNYANAḄỌ ḅe ḅẹẹm, “À fomu-ḅara kẹ ịn pịrị ḅa! Ịna asawọ ma ọmụ ḅio fịị ḅa; ḅuru-pọkọtarị ịna ḍọkọḍọkọ-awọmẹ ma ḅaa ḅa.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 13:20

“Jeruselemu, ḍiki-o! Si kẹ ị́ tọn apụ ma ọgọnọ-jụ sime tẹ ideri-ḅoarị-o! Ịn kẹ ị́ ḅarasụa apụ ma ndẹẹ ini, ị́ kẹ ḅụụ-tọn-arị apụ ma?

Jerimaya 13:21

Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 23:34

Ị̀ atomi ma ḅẹ gbọrụḅọ anịanịa ịkịankoroḅọ anịanịa agbamịẹḅọ ‘KỊNỊNYANAḄỌ ḅe ikuye’ mẹ kẹ ẹkwẹn-arị ḅẹḅẹ, à fomu-ḅara kẹ mḅọ na mḅọ warị-kpoo na pịrị ḅa.

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Jerimaya 5:29

Kụma yẹrị KỊNỊNYANAḄỌ ḅe mịna aị ma gotẹ fomu-ḅara kẹ ịn pịrị ḅa; à mị sịẹ mẹ ḅara gbẹẹfị ḅii ḅa.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 34:5

Anana ma ḍikiḍikiḅọ nyana-a ẹrẹsị ịn gala-gala tẹ piri-ḅio-ḅẹ si anama ịn ḅaa tẹ pẹịm.

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.

Mayịka 7:4

Ịna aḅụụ iḅitẹịn ḅọ ịga nangị piri sime-ḅara simem, ịna aḅụụ karakara tẹịn ḅọ nangị ḅịḅị sime-ḅara simem. Ene mẹ ḅo tẹ, Tamụnọ tomi ma fomu ḅẹ sakị mẹ, ọ̀ wẹrịtẹ ịkịankoroapụ ma ḅụ ịna aḅeri nụnụ ḅara; mịọkụ ịn ḅarị ḅịḅị-kẹ-ogbosọ nyana-a.

Zẹkaraya 10:3

KỊNỊNYANAḄỌ ḅe ḅẹẹarị, “Àrị ịganị nyana igoniapụ tẹ ḅẹrẹtọn ị̀ atomi pịrịarị apụ ma pịrị wararị, tẹ à fomu-ḅara kẹ ịn pịrị ḅẹ-yearị. Juda ḅẹ apụ ma ịn sime ị̀ pịrịm, tẹ yẹrị, Kụrọmamgba nyana KỊNỊNYANAḄỌ ḅe ịn ḍikiḍiki ḅa. Ini ị̀ kụrọ nyanatẹ ọmụgbin-asụ amẹẹ sọ ḅa.

Zẹkaraya 11:16

Àrị anana-ḍikiḍikiḅọ kẹ ị̀ anana-ogbo mẹ ḍikiḍikiḅọ mịẹ tẹẹ, kụma ọ̀ ḅarasụa anana ma pịrị-a ịn ḅaa ḅẹ ye ḅo ini na bịama sakị; iri-faa aị ma sọ ọ̀ ḍọkị-a, anịanịa ye la aị ma gwọ, anịanịa fịye kẹ fịịa-so aị ma pịrị fị. Anie nakara, ọ̀ ḅẹlẹkị sụa tẹịn aị ma nama pẹịarị pịkị ịna aḅụọ ḅẹ okuro ma pịọnị sin-arị.

Matiyo 25:36

à paụ wararị tẹ ọ́ ḅịtẹ kẹ ị̀ ịnwaịnm; àrị obi tẹ ọmịnị ì ḍikiḍikim; tẹ àrị ikoli-warị ḅio simearị tẹ ó ḅo ì ḍikim.’

Matiyo 25:43

à kịnị tọrụ nimi-a ḅọ ḅara kẹ ḅom, kụma ọmịnị ị̀ da ọmịna awarị ḅio suu ḍụkụ-a, à paụm kụma ọ́ ḅịtẹ kẹ ị̀ ịnwaịn ḍụkụ-a, àrị obi tẹ pịkị ikoli-warị ḅio simem, kụma ó ḅo ì ḍiki ḍụkụ-a.’

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.