Jerimaya 23:19 - FỊAFỊA BAỊBỤLỤ

¹⁹ Ori ịganị mẹ anie erisee, opu ḅara fiearị fẹrụ tẹ fie mu si-sịḅịḅio-sụapụ ma asịḅị sara ḅa,

Jerimaya 23:19 Iomraidhean Croise

Devidi-Anume 58:9

Tẹrẹmẹ in ḅo nimi, ini ịna pẹlẹ-gbin tẹ, osuka pẹlẹ sara ḅara; ori opu ịganị ḅụ Tamụnọ fẹrụ fiema ye fọnọ so ḅara kẹ ịn fọnọ so ḅa, ịn paa ḍumo wararị ogbo.

Egberima-Ẹkwẹn 1:27

anie anị erise kịka tẹ ḅo ị́ gbaịn sakị, ḅụụ-fụka kụrọ fẹrụ ḅo tẹ ị́ fụka-ye da tẹ sịḅị-jịrịma ḅara sime sakị.

Egberima-Ẹkwẹn 10:25

Erise fie tẹ si-sịḅịḅio-sụapụ ma fọnọ soarị, kụma kịnị mingirima-apụ ma sakị mamgba ịn la-la ye ofori.

Ayịzaya 21:1

Mie Babịlonịya gboloma oku. Nume-naowu ḅara ḅụ, fa ḅalafama amakiri ḅụ sime tẹ mịẹ ma ḅoarị, ịkpa mẹ ḅio.

Ayịzaya 40:24

Ịn kịkarị ye asambịrịma asịn, ịwọma so-pakarị tẹ amụ kuno sụa kụrọma-a aị. KỊNỊNYANAḄỌ ḅe fẹrụ kẹ fịrịmarị sakị, arị samụnọ tẹ fẹrụ mẹ arị kẹ fiin soarị samụnọ tẹ asịra ḅara ḅụ.

Jerimaya 25:31

Tẹ pọkọ mẹ fie ma mu tomikiri ḅẹ ịkọlị ma la ḅa. KỊNỊNYANAḄỌ ḅe sịẹ-sịẹ ma na ḅẹrẹ nyana wararị. Ọ̀ kịnị mamgba kẹ ḅẹrẹkọn ḅo ḅa tẹ si-sịḅịḅio-sụapụ ma ḅaa ḅa KỊNỊNYANAḄỌ ḅe ọkọ ḅẹẹm.

Jerimaya 25:32

Kụrọmamgba nyana KỊNỊNYANAḄỌ ḅe ḍukoarị mịnẹ opu ḅụụ-fụka ḅoarị, anị gbọrụ sịẹ la tẹso, anị pịkị osi sịẹ la ḅa, tẹ opu erise fie ḅẹ-yearị tomikiri mẹ ḅẹ sụma-jụ ḅẹ ịkọlị ḅụ.

Jerimaya 30:23

Ḍikii, KỊNỊNYANAḄỌ ḅe ịganị mẹ erise kaan-paka ḅara kẹ kan pakarị tẹ nume-naowu ḅara kẹ fiema mu si-sịḅịḅio-sụapụ asịḅị gbanarị.

Jerimaya 30:24

KỊNỊNYANAḄỌ ḅe owi ịganị mẹ ọḅụ da ḅịa nwenii ò ḅin tẹ ḅara kẹ ò ḅioḅẹngbọ ọ̀ tọn wẹrị aị ma mịẹ fama ḅa. Tọrọkọ-jụ ḅo ḅarị ene ma ḅụ anie ó mie fiearị ye naa ḅarịye.

Jerimaya 4:11

Sakị mẹ ḅoarị, anie in ḍuko Jeruselemu ḅụ ḅẹ apụ ma pịrị ḅarị sakị mẹ mịnẹ oju dọkịma ḅara kẹ ọfịrịarị fẹrụ ịkpa mẹ ḅio sime tẹ fiema ịn dama-ḅoarị. Anị mẹmẹ fẹrụ tẹ fun dogi-soarị ye ngẹrị sọ ḅịa;

Jerimaya 51:1

KỊNỊNYANAḄỌ ḅe mẹẹ, “À ye guluguluma fẹrụ ọkị-ḅo arị, kẹ Babịlonịya na anị ḅẹ apụ na ọgọnọ sara.

Izikẹlị 1:4

À tọrụ saakị tẹ ḍiki tẹ ẹrịm ọgọnọ-jụ da pakịrị anga ḅụ erise fie ḅoarị. Oḅuto opu kpoo ḅụ bele sime tẹ ḅalapụ-ḅalapụ pakarị, tẹ anị ḅẹ ọgọnọ mẹ ikelema-koro mẹ ḅụ bele ḅịya-ḅịya tọrụngbọ tọrụ sọarị. Bele mẹ ḅalapụ-ḅalapụ pakarị anga mẹ ḅụ ojo kịkaye ḅịyam.

Izikẹlị 13:13

Mịọkụ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: Ị̀ ịganị ḅụ à kụrọ fẹrụ ọsụma sararị eene na, ḍụḅarị kịka eene mgbọlị-mgbọlị na kẹ fịrịma tẹ kẹ onu mẹ guluguluma ḅa.

Emọsị 1:14

Mie ḅụ à fịnị kẹ Raba opu ama ḅẹ onu ma ḅụ sụa tẹ kẹ anị ḅẹ kụrọnị-ayọ ma dọkịma kiri lama ḅa. Anịtẹso ọmụ gbin ene mẹ ḅụ ini oloku-oloku ḅa, tẹ owu mẹ ḍarị-paka ḅarị ḅara gbala erise.

Zẹkaraya 7:14

Erise ḅara ḅụ àrị ini ọfịn so mu ja sịẹ ḅụ angamam. Mị iḅi amakiri mẹ nwẹnị papaa fatẹ gbin koro sime, gbọrụḅọ-sọ anị ḅio anga-a ḅara ḅụ.”

Zẹkaraya 9:14

KỊNỊNYANAḄỌ ḅe ori atomi ọgọnọ-jụ ḅụ ḅụụ-pakama ḅa; ò so-ḅalapụ ḅara kẹ ori aḍịẹịn tẹịn ḅa. Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọdụ mẹ fiema ḅa; Abajị suku erise ma ḅio mie ọ̀ mẹnjị iwo ḅarịye.