Jerimaya 23:17 - FỊAFỊA BAỊBỤLỤ

¹⁷ Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 23:17 Iomraidhean Croise

2 Samụẹlị 12:10

Mịọkụ, anịẹrẹsị okologie mẹ gbala-gbala ḅarị ị́ warị ḅụ so ḅịa, gbala ị́ ì ḍiki-sima tẹẹ, tẹ Yuraya, Hitahiti ḅọ ḅe ta ma ọkị ị́ ta sọma tẹ ẹrẹsị.

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Ayịzaya 57:21

KỊNỊNYANAḄỌ ḅe mẹẹ, “Ye-ḅụụ-la-a sime si-mịẹapụ pịrị-a.”

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 18:12

Ịn ḅẹẹ ḅa, ‘Ẹn-ẹn, tiye ẹrẹsị wa anị ḅara mịẹ ḅẹ? Wamịnị-mgba paa gbọrụ ḅara mẹ kẹ kọngọ-kụrọma tẹ wa ḅii ḅara ḅii ḅara kẹ sii ḅa.’ ”

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 4:10

Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”

Jerimaya 5:12

KỊNỊNYANAḄỌ atomi ma ò pịkị tẹ ḅẹẹ tẹẹ, “Karakaramatẹ ọ̀ mịẹ ḅẹ ye ofori. Wa kụrọ-kụrọ sakị nyana ḅịa. Wa ọmụ, anịanịa ḅuru-ḅa sakị nyana ḅịa”

Jerimaya 6:14

Ịn mịẹarị ḅara gbala ì atomi ma la aị ma papaa ọgọnọ-ọgọnọ ye oju-kiri gọrọrọ ye ọkụ. Ini mẹẹ, ‘Ye-mẹmgba iḅi wararị’, ye-mẹmgba iḅi-a ogbo ḅụ.

Jerimaya 7:24

Kụma in poki tẹ mịẹ-a, anịanịa anị kẹ ye sịn. Anie nakara ịna kụrọtẹ si ḅioḅẹngbọ ḍuko ịn pịrịm mịẹ ḅẹẹye-ḅẹẹye mie ịn mịẹ ye, tẹ nwẹnị ḅo sii elemu in si ḅara nẹngị tẹẹ.

Jerimaya 8:11

Ịn mịẹarị ḅara gbala ị̀ atomi ma la aị ma papaa oju kiri ḅụ ọgọnọ-ọgọnọ gọrọrọ ye ọkụ. Ịn ḅẹẹarị, ‘Ye mamgba iḅi wararị’, ye mamgba iḅi-a sakị ḅụụ.

Jerimaya 9:14

Anie nakara, ịn kọngọ kụrọma tẹ sunsin Balị oru-afụḅara pịrịtẹ, anie ịna aḍapụ ma kẹ in tolumam ịn mịẹ ḅẹ ḅara mẹ.

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Izikẹlị 13:10

Ịkịankoroapụ ma ị̀ atomi toluma irimarị mịnẹ ye-mamgba iḅi wararị. Nimi lama ye ḍuko ḅụ, ye-mamgba iḅi-a. Ị̀ atomi jen-jen ọlọ oḅolo ye ofori ḅara kẹ ḍụḅarị onu nama tẹẹ, tẹso, ịkịankoroapụ ma ḅo toru kẹ anị ọmbị gbaịn tẹẹ.

Izikẹlị 13:19

Ọ́ kụn kẹ ị̀ pịrị-pịrị-a ị̀ atomi tọrọkọ, paa kẹ mịẹ tẹ ọ́ bali mgbọlị fịye kalịye na fịturu apakịrị-apakịrị na nyana ḅẹ ḅara. Ọ́ fịị na-iḅi-a apụ ḅaarị, tẹ ḍumo sime gbẹẹ-a apụ ḍumomarị. Mị-ḅara ḅụ iruo aị ḍuko-ḍuko ị̀ atomi pịrị tẹ ini ó mininiarị.”

Izikẹlị 13:22

“Ọmịna iruo-aị ḅụ ọ́ ḅọrọtẹ iḅi atomi ḅioḅẹngbọ lọkọmarị, anie yẹrị ye kẹ lama ḅẹ ḅii-a apụ ma. Ó si-mịẹapụ kikiarị siye ḅụ ḅara-siin ḅụ, tẹ ịna ḍumo wẹrịarị.

Emọsị 9:10

Ị̀ atomi ma ogboku simearị si-mịẹapụ ma ọmụ ḅio ịn fịị ḅa — inimgba tẹ ḅẹẹarị apụ ma, ‘Tamụnọ ḍụkụ tẹ ye kẹ wa lama ḅẹ gbọrụ siye sọ wa kpeki ḅịa.’ ”

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

Zẹfanaya 1:12

“Anị sakị ḅụ à kpọọ tọnjọ ọkị tẹ Kireinma ḍọkị-ḍiki ḅa Jeruselemu ḅụ. Àrị árị atomi ma tẹ ọkịarị ye ini na iḅi wararị tẹ ḅiokpọ wararị apụ ma fomu ḅa, anie amịna ḅụụ ḅẹẹarị apụ ma, ‘KỊNỊNYANAḄỌ ḅe gbala-gbala ò gberie-sọ mịẹ-mịẹ-a, mị ḅọkọ anịanịa osi ye.’

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Kịẹn-aḅịḅị 11:20

kụma bebe gbọrụ akalụ, nwenii anị ọmịna anini ḅio paka-ḅo tẹ ọmịna ḅụụ siye sọ ḅa, gbala ọ́ KỊNỊNYANAḄỌ ḅe tẹ ọmịna ogbo-ḅio simearị ḅọ ḅe sịkịm, tẹ ọ̀ tọrọkọ tẹmẹ-la ḅara kẹ owu tẹ, tẹ ḅẹẹm, ‘Tiye gotẹ wa Ijiputi ḅụ paka-ḅo?’ ”

Luku 10:16

Jizọsị nwẹnị ò ḍukamẹnjịapụ ma ḅẹẹ, “Ó ḍuko ye naa ḅọ, naa ḅọ à ḍuko ye naa tẹ; ọ́ sịkị ḅọ, sịkị ḅọ ị̀ sịkị tẹ; ị̀ sịkị ḅọ, sịkị ḅọ pịkị ị̀ kẹ fịrịma ḅọ ḅe sịkị tẹ.”

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Ditẹrọnọmị 29:19

Gbọrụḅọ-sọ ye karị ḅara kẹ fị ọḅọkụ mẹ ḅẹ ẹkwẹn-aḅịḅị ma naa tẹ ḅioḅẹngbọ ḅụ amịna ḅụụ boma tẹ ḅẹẹ ma: Ị̀ la ḅẹ ye ofori, àrị ị̀ kụrọtẹ ḅioḅẹngbọ ḅụ mẹnjị sọ! Miemẹ anị fomu-ḅara na gulugulu na dogi-ḅo tomi mamgba pịrị ḅa — iḅi-apụ na si-apụ na.

1 Tẹsalonịka 4:8

Anie ḅụ, mị tolumaye mẹ sịkị ḅọ, sịkị ḅọ, mḅọ tomḅọ sịkị-a, kụma Tamụnọ, amịna Fịafịa Tẹmẹ ḅe kẹ ọ́ pịrịarị ḅọ ḅe, mie mḅọ sịkịarị ye.

1 Samụẹlị 2:30

Anịẹrẹsị yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe mininim mịnẹ ị́ warị na, ị́ ḍa warị mẹ na ị̀ tọrọkọ mẹnjị sọ na, paka na gbamaso ḅa; kụma mịọkụ à ḅarị ọkọ mịẹ ḅịa, kẹ gotẹ ọkọ ḅẹẹarị, inima tẹ kụn kẹ ị̀ pịrị apụ ma, àrị ịn kụn ḅa; anịsakị inima tẹ ì ḍiki iderima apụ ma, à feke-feke ḅara kẹ in ọkị ḅa.