Jerimaya 23:16 - FỊAFỊA BAỊBỤLỤ

¹⁶ Kụrọmamgba nyana KỊNỊNYANAḄỌ ḅe Jeruselemu ḅẹ apụ ma ḅẹẹm, “Ọmịnị ịkịankoroapụ ma ḍukoarị aị ma poki ma; papaa ḅiokpọma aị mie ịn kẹ ọmịna aḅụụ ḅio suu ḅinmarị. Ịna aḅioḅẹngbọ ḅụ ịn kuroma ḅo aị mie in ḍuko ọ́ pịrịarị, yẹrị ḅẹẹ ye-a.

Jerimaya 23:16 Iomraidhean Croise

1 Amadapụ 22:11

Ini ḅẹ gbọrụḅọ Kenana owiḅọtụḅọ Zẹdẹkaya nwẹnị ikulele ịfalị tẹmẹ ọ̀ ḅụụ pịrị tẹ ḅẹẹ, “Mịẹ KỊNỊNYANAḄỌ ḅe ḍuko yee, ‘Mịna ịfalị ma mịẹ ị́ kẹ Siriya ḅẹ apụ ma sukuruma nwenii tẹ in ḅaa fama ḅarịye!’ ”

2 Amadapụ 17:15

Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.

2 Paka-aị 18:5

Anịtẹso Izirẹlị ḅẹ amadaḅọ ḅe nwẹnị ịkịankoroapụ ma kobiri gboloma, inimgba kịnị ẹndẹ (400), tẹ nwẹnị in gbela, “wa mu Ramọtị-giliyadị na owu sọ ḅẹ mụnọọ arị inoma fị mọ?” Ịn nwẹnị ḅẹẹ, “Muu, gbala Tamụnọ anị kẹ amadaḅọ ḅe ḅara-ḅio ḅụ ọ̀ pịrị ḅa.”

Egberima-Ẹkwẹn 19:27

Tụḅọ, í ye-ḍawọ dasịẹma kụma, ala-a í nimi ḅọrọma tẹ ye sọ ị́ sịkị ḅa.

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 2:5

KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Jerimaya 23:21

KỊNỊNYANAḄỌ ḅe ḅẹẹm, “Mịna ịkịankoroapụ ma yẹrị ịn kẹ fịrịma-a, kụma anịsọ in mum. À gbọrụ oku sọ kẹ ịn pịrị-a, kụma ịn paa ị̀ ẹrẹ ḅụ ẹkwẹnm.

Jerimaya 23:26

Paa mu tọ-sakị la ḅẹ anị ịkịankoroapụ ma nwẹn kẹ ị̀ atomi da-irima ḅẹ, in kuroma-ḅo tẹ ḍukoarị iruo aị ma ḅụ?

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 29:8

Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Jerimaya 9:20

À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Izikẹlị 13:16

árị ịkịankoroapụ ma tẹ Jeruselemu ḅiokpọmam ye-mẹmgba iḅi wararị ḅẹ apụ ma, ye-mẹmgba iḅi-a sakị mẹ ḅụ!” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 13:23

Mịọkụ ọkọ ẹrẹsị ọmịna papaa ịkịan ma na ọmịnị ẹrịarị kịnị toluma irimarị aḅịrị ma na ḅẹrẹ fa tẹ. Àrị ị̀ atomi pụkọ-pakamaḅoarị ọmịna kụrọ ḅụ, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe.”

Izikẹlị 13:3

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Mịna oḅori ịkịankoroapụ ma in famatẹ! Ini mie ḅarana ịna ḅụụ jike-saakịma tẹ ini ẹrị ḅẹ ịkịan ma kuroma-ḅoarị.

Izikẹlị 13:6

Ini ẹrịarị ịkịan ma papaa aị, tẹ tọrọkọ-jụ paka ḅẹ tẹ in ḍukoarị aị ma sọ iruo aị. Ini ọkịarị mịnẹ ini ì oku ḍukoarị, kụma yẹrị ịn fịrịma-a. Anịsọ ịn paa tọrụ kẹ anị paka ḅẹ ḅara ḍikiarị!

Izikẹlị 22:28

Ịkịankoroapụ ma mịna asi ma ḅọị tẹ tọrụ kẹ onu akaka ọmbị gbaịn ḅara. Papaa ịkịan-ịkịan mie ini ẹrịarị tẹ ofori aị kẹ tọrọkọ paka ḅẹ aị sọma tẹ ḍukoarị. Ini ọkịarị mịnẹ Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn mie ịn kọn-arị ye, kụma yẹrị, KỊNỊNYANAḄỌ ḅe amụ ẹkwẹn ịn pịrị-a.

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Matiyo 7:15

“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama.

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

1 Jọnị 4:1

Ì iḅi ikiapụ, ọmịnị ọ́ ḅẹẹarị mịnẹ ịn Fịafịa Tẹmẹ ḅe nyana wararị ḅẹẹ apụ mamgba minini ma, kụma ọmịnị ịn tọn ḍiki tẹ nimi ịn nyana tẹmẹ mẹ Tamụnọ ḅara ḅoarị ḅoto. Kẹ gotẹ ọkọ ḍukoarị, tọnwa iruo ịkịankoroapụ anga, anga ḅụ saakị paka tẹ.