Jerimaya 23:14 - FỊAFỊA BAỊBỤLỤ

¹⁴ Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Jerimaya 23:14 Iomraidhean Croise

Suku-saakị 13:13

Mịọkụ Sọdọmụ ḅẹ apụ ma anie si-sịḅịḅio-sụapụ, KỊNỊNYANAḄỌ ḅe ḅụ gburo-gburotẹ opu si mịẹ apụ.

Suku-saakị 18:20

Anịtẹso KỊNỊNYANAḄỌ ḅe nwẹnị ḅẹẹ, “Sọdọmụ na, Gomora mịẹarị si mẹ ḍụḅa ḅụra tẹẹ, anịsakị ini ịn gotẹ kọn-arị owu mẹ ḅeri-tọtọma tẹ ẹrẹsị,

Suku-saakị 19:24

Anịtẹso KỊNỊNYANAḄỌ ḅe eene sara ḅara kẹ gilogilotẹ kịnị dọkịmarị minji na fịnị na kẹ So-ḅio ḅarana Sọdọmụ na Gomora na ọgọnọ saram,

Suku-saakị 19:25

tẹ ori opu ama ma na, tụndụ ogboku mẹmgba na, opu ama ma ḅio anga sime apụ mamgba na, kiri mẹ ọgọnọ so-paka aị ma na ḅaa guluguluma fama famam.

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 18:13

KỊNỊNYANAḄỌ ḅe mẹẹ, “Sịẹ goyegoye gbela jen sakị ọkọ sime ye paka tẹ ḅoto. Izirẹlịapụ ma ḅalafama ye mịẹ tẹẹ!

Jerimaya 20:16

Yee ori arị ama ma kịka anie KỊNỊNYANAḄỌ ọkụrụkụrụ ofori ḅara kẹ guluguluma tẹ ama ma. Yee ò dede-ḅio akụye gotẹ kọn-arị owu naa, na ọmụ oloku na eneḅaka ogbo ḅụ,

Jerimaya 23:17

Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 23:22

Ini ị̀ ḅọịtẹ akuroma nimim namịna, mimgbe ini inetẹ ì oku ḍuko wasama ị̀ atomi pịrị tẹẹ, tẹ mịẹ tẹ ini ịn kọn-arị si ḍumo mẹ na si-sịḅịḅio-sụa amịẹaị ma na ḅụ ḅara-siin tẹẹ.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 29:21

“Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, Ehabụ, Kolaya tụḅọ na Zẹdẹkaya, Masẹya tụḅọ ḅe na ḅụ ye ḍuko tẹẹ, anie ori ẹrẹ ḅụ iruo aị ḍuko ọ́ pịrịarị apụ ma. Ò ḍuko tẹẹ mịnẹ ori ịn saḅama Babịlonịya ḅẹ Ama-da Nebukadineza kụrọ ḅara ḅio suu tẹ ọ́ tọrụngbọ kẹ ẹrị ḅarị ḅara kẹ ịn ḅaa ḅa.

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 49:18

Sọdọmụ na Gomora na ḅụ paka gberie mẹ mie Idọmụ ḅụ paka ḅarịye, anie ini na ịna kpeki ama mamgba na fịị gulugulu sakị mẹ. Gbọrụḅọ sọ ḅarị jen kẹ anịanga anga ḅịa. Yẹrị, KỊNỊNYANAḄỌ ḅe, ọkọ ḅẹẹm.

Kururu Owu-apọkọ 4:6

Gbala ị̀ atomi ma ẹrẹḅọtụḅọ ma fomu-ḅara mẹ ḍụḅa Sọdọmụ tẹ gbọrụ sakị ngẹrị ḅụ fa ye mẹ fomu-ḅara nẹngị tẹ ẹrẹsị, ḅara kẹ anị ọgọnọ gbana jụmọ ofori.

Izikẹlị 13:16

árị ịkịankoroapụ ma tẹ Jeruselemu ḅiokpọmam ye-mẹmgba iḅi wararị ḅẹ apụ ma, ye-mẹmgba iḅi-a sakị mẹ ḅụ!” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 13:19

Ọ́ kụn kẹ ị̀ pịrị-pịrị-a ị̀ atomi tọrọkọ, paa kẹ mịẹ tẹ ọ́ bali mgbọlị fịye kalịye na fịturu apakịrị-apakịrị na nyana ḅẹ ḅara. Ọ́ fịị na-iḅi-a apụ ḅaarị, tẹ ḍumo sime gbẹẹ-a apụ ḍumomarị. Mị-ḅara ḅụ iruo aị ḍuko-ḍuko ị̀ atomi pịrị tẹ ini ó mininiarị.”

Izikẹlị 22:25

Sịḅịdapụ ma ọkụkụ amẹẹ kịkarị, anie ịn ḅaa tẹ anama gotẹ ekirearị aị. In tomi ma ḅaarị, ini inetẹ ọkị igbigi mamgba na ịn nyana jaị na, tẹ ịna kịnị-ḅa mẹ ḅụ tọnwa ereme kẹ diapụ-fịtẹ-ereme ḅara wẹrịarị.

Hosiya 6:10

À sịḅị-jịrịmaye ẹrị tẹẹ Izirẹlị ḅụ: ị̀ atomi ịna aḅụụ pilematẹ sunsin oru-afụḅara pịrị ḅụ.

Emọsị 4:11

“Àrị ọmịna ḅụ ja apụ ḅaa gulugulumam, à kẹ Sọdọmụ na Gomora na ḅaa guluguluma ḅara pembe ḅara. Anịsọ ọ́ pịkị ị̀ dama-ḅoa,” KỊNỊNYANAḄỌ ḅe ḅẹẹarị.

Mayịka 1:5

Mie-mẹmgba Jekọbụ mịẹ-irima ḅụ ḅom, Izirẹlị warị mẹ ḅarị sịḅị-tuu Tamụnọ pịrị-a ḅụ mịẹ asi. Izirẹlị nyana mịẹ-irima mẹ, Sameriya ama mẹ ḅụ ḅo-a? Anịsakị Juda warị mẹ oru-atamụnọ tẹkẹ mẹ, Jeruselemu mẹ ḅioju ḅụ anị saakị paka-ḅo-a?

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Zẹfanaya 3:4

Ịkịankoroapụ ma ḅẹrẹtọn pịrị ḅọ ofori apụ ḅara kẹ amịna ḅụụ ọkị tẹ mbasịarị agbamịẹapụ ma fịafịa ye mẹ pilemarị, tẹ Tamụnọ oloko mẹ fangala ḅo anị sọye mịẹ ịn pịrị ḅẹ ḅara wẹrịarị.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Malakayị 1:1

Mie oku mẹ tẹ KỊNỊNYANAḄỌ ḅe kẹ Malakayị pịrịm ò ḍuko Izirẹlịapụ ma pịrịị ḅẹ oku mẹ.

Matiyo 11:24

Ọmịnị inetẹ nimi ḅa mịnẹ Ḅẹrẹkọn Ene mẹ ḅụ Tamụnọ ọkụrụkụrụ nyana Sọdọmụ pịrị ọ́ nẹngị ḅa!”

Ditẹrọnọmị 32:32

Gbala Sọdọmụ na Gomora ḅẹ girepu-ḍụọ mẹ ḅio mie ịna girepu-aḍụọ ma ḅo yee; ịna girepu asịnmgbọlụ ma anie, kịnị-ḅaaḅa girepu asịnmgbọlụ. Arịḅẹ alikali ma akụarị.

1 Timoti 4:2

Ọkọ sime toluma aị ma iruo kẹ oḅori-kẹ-kịnịsịn ḅụ mie ini arị wasamarị, anịsakị aniemẹ mịẹarị apụ ma ịna tẹmẹ aḅioḅẹngbọ fịị tẹ, gbala ọfịrịarị ikulele kẹ dọkịma ye ọkụ.

2 Pita 2:6

Tamụnọ ḅẹrẹ-ḅarasii pẹlẹ Sọdọmụ na Gomora na ama ma ọgọnọ gbana tẹ fịnị kẹ ịn ḅaa gulugulumam, tẹ ịn kẹ Tamụnọ nimi-a atomi ḅụ paka ḅarịye ḅẹ elekima sọmam.

Judu 1:7

Ọ́ pịkị Sọdọmụ na Gomora na, arị na kpeki ama ma na sọ kẹ ḅiokoromaa: arị ama ḅẹ atomi ma, nwẹn ḅẹẹ enjẹlị apụ ma Tamụnọ ḅịḅị poki-a ḅara kẹ ọ̀ ḅịḅị poki-a tẹ mịẹ na-iḅi-a ḅara na tọn-tọn ḅara na kẹ owiapụ na ereme na gboloma amịẹaị mịẹm; ịn da fomu-ḅara anie, biin-biin-a fịnị ịna ọgọnọ sara tẹ ḅeri nụnụ ye sọ inweni-mgba pịrịm.

Mịẹfinji 11:8

tẹ ini ịna oju akpakpa ma kẹ anị opu ama mẹ ḅio ḅẹ etela-ogbo gbin koroma ḅa, anie ini in Nyanaḅọ ḅe kẹ ẹngbẹsẹ-sịn ḅụ ḅakụ anga mẹ. Egberima-ẹkwẹn ḅụ anị ama mẹ ẹrẹ anie Sọdọmụ anịanịa Ijiputi.

Mịẹfinji 19:20

Ịn nwẹnị kịnị-ḅaaḅa opu nama ḅe na ọ̀ tọrọkọ ḅụụ-buama-aị mịẹ iruo ịkịankoroḅọ ḅe na kun ọkị. (Mịna ḅụụ-buama-aị ma ḅụ mie ọ̀ ḅọrọ tẹ oḅori kẹ ịn kịnị-ḅaaḅa opu nama ḅe elekima mẹ kẹ ḅụụ ḅụ sụa apụ ma na, ọ̀ fụḅara mẹ tẹkẹ apụ ma na sin-arị ye.) Ịn kịnị-ḅaaḅa opu nama ḅe na, iruo ịkịankoroḅọ ḅe na kẹ fịị-a ḅara kẹ ọpọlị balị kọrị ḅara kọrịarị fịnị tọrụ ḅio gbin suum.

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”

Mịẹfinji 22:15

Kụma opu ama mẹ ḅio sọ-a apụ ma anie amịna ḍumo kọn pengemarị apụ na, ḍiri ibiam tii-arị apụ na, ḅụụ kpaịnma-a ḍumo kọn-arị apụ na, kịnị-ḅaapụ na, oru tẹkẹ apụ na, pịkị iruo-apụ na, ịn kọn-arị ẹkwẹn ma na ịna amịẹaị na ḅụ.