Jerimaya 23:13 - FỊAFỊA BAỊBỤLỤ

¹³ Sameriya ḅẹ ịkịankoroapụ ma si mẹ àrị ẹrị tẹẹ; in Balị oru ḅe ẹrẹ kẹ ẹkwẹn tẹẹ mịẹ tẹ ị̀ atomi etela-iri tẹ.

Jerimaya 23:13 Iomraidhean Croise

1 Amadapụ 18:40

Ịlayịja nwẹnị ịn ḅẹẹ, “Ọ́ Balị ịkịankoroapụ ma ọlọọ, ọ́ ḍụkụ tẹ ịna ḅụụ gbọrụḅọ-sọ mangị-so ma.” Ịn nwẹnị ini ọlọọ, tẹ Ịlayịja nwẹnị ịna kẹ ideri Kisọnị tọrụ mẹ ḅo, tẹ nwẹnị anịanga ḅụ in ḅaa.

2 Paka-aị 33:9

Manasẹ Juda na, Jeruselemu na ḅụ simearị apụ ma toluma tẹ mịẹ tẹ in si-aị si-aị mịẹ kẹ arị opu asịẹ ma tẹ KỊNỊNYANAḄỌ ḅe Izirẹlịapụ ma tọrọkọ ḅaa fama opu asịẹ ma nẹngịm.

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Hosiya 4:11

KỊNỊNYANAḄỌ ḅe ḅẹẹarị, “Iru — elemu ye na ịwọ ye na gboloma — mịẹ tẹ ị̀ atomi ḅarị sịḅịḅio nyana-a ḅara simearị!

Hosiya 4:12

Oru-fụḅara ḅara mie ịn tọrọkọ-jụ paka ḅẹ ye nimi ḅẹ tẹ gbelarị. Oru-fụḅara nwẹnị in nimi ḅẹ-ḅiiarị ye ḍuko ịn pịrịarị! Ini ị̀ ḅụ so tẹẹ. Ini ẹrẹḅọ kịka tẹ akụnakụna sọarị, ini ịna aḅụụ saakị oru-atamụnọ pịrị tẹẹ.

Mayịka 1:5

Mie-mẹmgba Jekọbụ mịẹ-irima ḅụ ḅom, Izirẹlị warị mẹ ḅarị sịḅị-tuu Tamụnọ pịrị-a ḅụ mịẹ asi. Izirẹlị nyana mịẹ-irima mẹ, Sameriya ama mẹ ḅụ ḅo-a? Anịsakị Juda warị mẹ oru-atamụnọ tẹkẹ mẹ, Jeruselemu mẹ ḅioju ḅụ anị saakị paka-ḅo-a?