Jerimaya 23:11 - FỊAFỊA BAỊBỤLỤ

¹¹ KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 23:11 Iomraidhean Croise

2 Paka-aị 33:5

Ọ̀ nwẹnị KỊNỊNYANAḄỌ ḅe warị mẹ ḅẹ maa anụngọ ma ḅụ ebeka nama-nama sara kẹ So-ḅio sime aị mamgba pịrị tẹ fịrịmẹnjị arị pịrị.

2 Paka-aị 33:7

Ọ̀ ḅara kẹ ye kịkama tẹ tẹmẹ-aị ma, ọ̀ kẹ Tamụnọ warị mẹ ḅio dẹẹ koromam, anie Tamụnọ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na, àrị Izirẹlị afuro mamgba ḅụ sẹlẹ ọkị tẹ Jeruselemu mẹ ḅio àrị ị̀ ẹrẹ mẹ kẹ sụa gbamaso ḅa” nwẹn ḅẹẹ anga mẹ ḅụ,

2 Paka-aị 36:14

Tọrọkọ tarị agbamịẹapụ mamgba na, tomi ma na gbọrụ ḅara kẹ gbala-gbala minini nyana-a, tẹ opu asịẹ ma ḅẹ tọn-tọn-aị ma ḍukamẹnjịarị; tẹ KỊNỊNYANAḄỌ ḅe warị mẹ tẹ Jeruselemu ḅụ ọ̀ mịẹ fịafịama ye mẹ pilemam.

Ẹzịra 10:18

Agbamịẹapụ owiapụ-awọmẹ ḅụ jen ama ḅẹ ereme sime tẹ in ḍọkị-ẹrị apụ Jozadakị owiḅọtụḅọ Jọsụwa owiapụ-awọmẹ na ori amịnapụ ḅụụ Masẹya na, Ẹlịyeza na, Jaribu na, Gedalaya na.

Jerimaya 11:15

KỊNỊNYANAḄỌ ḅe mẹẹ, “À ḅẹlẹmarịapụ ma si-amịẹaị mịẹarị. Ịn tọ kụrọ nyana ị̀ Warị ḅio sime ḅụ? In kuromarị ini inetẹ ḅo ịn la ḅẹ opu ḅụụ-fụka mẹ dasịẹma ḅa, papaa ḅịḅị ḅẹ ye minini ḅụ, pịkị nama kẹ mịẹarị agba ma ḅụ? Anie ḅọrọ mịẹ tẹ in ḅioḅẹlẹ ḅẹ?

Jerimaya 23:15

Mie ḅụ mie yẹrị Kụrọmamgba nyana KỊNỊNYANAḄỌ ḅe mẹẹ ye Jeruselemu ḅẹ ịkịankoroapụ ma gboloma ye ḅụ: À pilema-pilema kẹ ịn pịrị tokuru ḅa, tẹ kịnị-ḅaaḅa ye kẹ ịn pịrị ḅuu ḅa, ịn Tamụnọ nimi-a ḍumo kẹ bebe amakiri mẹ ikelema-koro tẹ ẹrẹsị.

Jerimaya 32:34

Ịn mịẹ nwenii tẹ ịna oru-afụḅara ma sọ kẹ ị́ Warị mẹ, nama tẹ kẹ sunsin ị́ pịrị ḅẹ yọ mẹ ḅio koroma tẹ anị pilema tẹẹ.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 50:6

“Ị̀ atomi ma kịkarị ye anie anana ogbo tẹ ḍikiḍikiarị apụ ḍiki-tọrụsin tẹ tụndụ ma ọgọnọ iri-faa aị. Ini anana kịka tẹ ikele-ikele tẹ, gbọrụ tụndụ ḅụ so mu osi ye la, tẹ ini ịna sime-anga kẹ ḅioḅọrọma tẹ.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 7:30

“Juda ḅẹ apụ siye mịẹ tẹẹ. Ini ịna oru-afụḅara ma kẹ ị̀ warị ḅio koroma tẹ anị pilema tẹẹ.

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Kururu Owu-apọkọ 2:20

Yei KỊNỊNYANAḄỌ, ḍikii, tẹ ẹrịị! Ị́ ḅọrọ mịẹ ḅara mẹ kẹ tụḅọ na mịẹarị? Ereme ini iyi awọmẹ pẹị na-iḅi, ini ḍikiarị awọmẹ ma? Agbamịẹḅọ na, ịkịankoroḅọ na ḅaa na-iḅi KỊNỊNYANAḄỌ ḅe fịafịa yọ ḅụ?

Izikẹlị 23:39

Anị gbọrụ ene mẹ tẹ ini ị̀ awọmẹ kẹ agbamịẹ ḅẹ tẹ ḅaa ene mẹ ḅụ, in ḅo ị̀ Warị la tẹ anị kẹ tọn-tọn-a ḅara wẹrịm!”

Izikẹlị 44:10

KỊNỊNYANAḄỌ ḅe ị̀ ḅẹẹm, “À fomu-ḅara kẹ arị Livayị apụ ma pịrịarị, anie osi Izirẹlịapụ ma ḅụụ sọ tẹ ị̀ ḅụụ mangị-so tẹ mu sunsin oru-afụḅara pịrị apụ ma.

Izikẹlị 7:20

Sakị ḅẹ gbọrụ sakị ḅụ ini ịna iḅitẹ yela apọkọsụa-aị kẹ ḅụụ-tọn-tọnm, kụma mịọkụ ini arị kẹ sịḅị-ngụngụnmarị. Mie KỊNỊNYANAḄỌ ḅe gotẹ mịẹ tẹ ịna ngọ ma ịna aḅụụ siiarị ye.

Izikẹlị 8:11

Izirẹlị ḅẹ sịḅịdapụ ma ḅẹ kịnị atesi oyi apụ finji anịanga simem, Jazanaya, Safani tụḅọ ḅẹ sọ, ịna ḅụ ḅẹ gbọrụḅọọ. Ọrụḅọ-ọrụḅọ gbọrụ kụnụaị-dọkịmaye ọlọm, tẹ onwin turee-tureema kụnụye mẹ ḅụ iwom.

Izikẹlị 8:16

Mie ḅụ ori ị̀ kẹ Tamụnọ-warị mẹ ḅẹ kala-ḅio mẹ mum. Anịjụ fịafịa-yọ mẹ sọ-sọ anga mẹ ḅụ, agbamịẹ-anga mẹ na mẹnjị-ḅọrọ-anga mẹ na ogboku, si sọnọ apụ finji pembe tomi ḅịḅị simem. Ini ọḅụ kẹ fịafịa-yọ mẹ gbin tẹ tuu ideri-koro ịrụa-saakịarị-anga mẹ da tẹ sunsin saakị paka-ḅoarị ịrụa mẹ pịrịarị.”

Zẹfanaya 3:3

Anị ḅẹ fịrịmẹnjị-opuapụ ma oloku ma ḅọrọarị ọkụkụ kịkarị; anị ḅẹ ḅẹrẹkọn-apụ ma ḅuru-pọkọtarịarị anamakiri kịkarị, pẹịye-pẹịye pọkọ-ta-a ḅụra ḅara ḅụ ḅo dede la ḅẹ mgbe gbọrụmgbọ-sọ ịn kọnma-kọnma-a.

Zẹfanaya 3:4

Ịkịankoroapụ ma ḅẹrẹtọn pịrị ḅọ ofori apụ ḅara kẹ amịna ḅụụ ọkị tẹ mbasịarị agbamịẹapụ ma fịafịa ye mẹ pilemarị, tẹ Tamụnọ oloko mẹ fangala ḅo anị sọye mịẹ ịn pịrị ḅẹ ḅara wẹrịarị.