Jerimaya 23:1 - FỊAFỊA BAỊBỤLỤ

¹ KỊNỊNYANAḄỌ ḅe kpọma ḅalafama ḅẹrẹ-pẹlẹ sịḅịdapụ ma tẹ tomi ma ḅaa guluguluma na in dee gala-galama na mịẹarị apụ ma ọgọnọ gbana ḅa.

Jerimaya 23:1 Iomraidhean Croise

Jerimaya 10:21

À nwẹnị pakịrị, “Wamịna sịḅịdapụ ma apantu atomii; ịn datụkụma gotẹ ye kẹ KỊNỊNYANAḄỌ ḅe gbela-gbela-a. Mie in gotẹ gbarị-a nyana ye ịna mịẹ ḅụ, tẹ wamịna atomi gala-galatẹ.

Jerimaya 12:10

Tọnwa jen asịẹ ḅẹ ḅẹrẹtọn apụ ị̀ kụrọ-aḍụọ ma guluguluma tẹ; ini à ḍiḅi aị ma nanga ḅọrọtẹ; ì iḅi amakiri mẹ kẹ ḅo ịkpa mịẹ tẹ.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 2:26

KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 22:22

Fẹrụ ọmịna sịḅịdapụ ma ofuro so ḅa, Tẹ ọmịna jụ ḅẹ apụ ma ini ikoliapụ ḅara kẹ ini ọkị so ḅa ọmụ ḅio, ini ọmịna opu ama mẹ tọrụ-tuu tẹ anị ḅụụ-jịrịma ḅa ọ́ mịẹ tẹ asi-aị mamgba ẹrẹsị.

Jerimaya 23:2

Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.

Jerimaya 50:6

“Ị̀ atomi ma kịkarị ye anie anana ogbo tẹ ḍikiḍikiarị apụ ḍiki-tọrụsin tẹ tụndụ ma ọgọnọ iri-faa aị. Ini anana kịka tẹ ikele-ikele tẹ, gbọrụ tụndụ ḅụ so mu osi ye la, tẹ ini ịna sime-anga kẹ ḅioḅọrọma tẹ.

Izikẹlị 13:3

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Mịna oḅori ịkịankoroapụ ma in famatẹ! Ini mie ḅarana ịna ḅụụ jike-saakịma tẹ ini ẹrị ḅẹ ịkịan ma kuroma-ḅoarị.

Izikẹlị 34:1

KỊNỊNYANAḄỌ ḅe ẹkwẹn ị̀ pịrịm.

Izikẹlị 34:21

Ọmịnị obiarị aị ma sukuruma ḅelema tẹ ịfalị kẹ in jine siin tẹ anana-ogbo mẹ ḅụ.

Izikẹlị 34:31

“Ọmịnị, ị̀ anana, à fịye kẹ pịrị fịarị anana-ogbo mẹ, anie ị̀ atomi ma, yẹrị ọmịna Tamụnọọ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.

Izikẹlị 36:38

Mịọkụ ḅụ kaan-sara wararị opu ama ma ḅio tomi nwẹnị ḅin ḅa, gbọrụ sakị ḅụ anana Jeruselemu ḅin-ḅin ḅara, ịn kẹ alalị sakị ḅụ agbamịẹ-mịẹ ḅẹ anana ma. Anịtẹso in nimi ḅa mịnẹ yẹrị anie KỊNỊNYANAḄỌ ḅe.”

Zẹkaraya 10:3

KỊNỊNYANAḄỌ ḅe ḅẹẹarị, “Àrị ịganị nyana igoniapụ tẹ ḅẹrẹtọn ị̀ atomi pịrịarị apụ ma pịrị wararị, tẹ à fomu-ḅara kẹ ịn pịrị ḅẹ-yearị. Juda ḅẹ apụ ma ịn sime ị̀ pịrịm, tẹ yẹrị, Kụrọmamgba nyana KỊNỊNYANAḄỌ ḅe ịn ḍikiḍiki ḅa. Ini ị̀ kụrọ nyanatẹ ọmụgbin-asụ amẹẹ sọ ḅa.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Matiyo 9:36

Ò tomina-ogbo-ogbo ma ẹrị ye mẹ mịẹtẹ ịna ọkụrụkụrụ ò ḅioḅẹngbọ sọ ḅinm, gbala in sime-ḅara ḅụụ-ḅalaḅalarị tẹ ḅarasụa-pịrịḅọ ofori ḅara. Ịn kịka ye anie anana-ḍikiḍikiḅọ nyana-a anana ogbo.

Jọnị 10:10

Furuḅọ ḅe jen gotẹ ḅo-a furu na, ḅaa na, guluguluma na sikima. Yẹrị à gotẹ ḅo ye ó ḍumo nyana ḅẹ ḅara, ḅin gbasịtẹ ḍumo.

Jọnị 10:12

Tọrụ kẹ anana ma ḅụụ wẹrị ḅẹ ẹrẹsị ini ọkọ ḅọ ḅe, ori karakaramatẹ anana ma ḍikiḍikiarịḅọ ḅe-a pịkị ịn nyanaḅọ-a ẹrẹsị, anana kun pẹị-pẹị nama ḅoarị tẹ ori ẹrị kụma ori anana ma koroma mangị-soarị; tẹ anana kun pẹị, pẹị nama ḅe ịna ḅụ ḅẹ jaị kun ọkị tẹ kirikọn-aị gala-galamarị.

Jọnị 10:8

Ḅo tẹrẹmẹ à ḅo apụ mamgba furu apụ, pịkị kụrọ ḅara kẹ amịna nye-a ye ọkịarị apụ famam; kụma anana ma in poki-a;