Jerimaya 22:9 - FỊAFỊA BAỊBỤLỤ

⁹ Anịtẹso ịn pakịrị ḅa mịnẹ ọmịnị yẹrị ọmịna Tamụnọ ḅe na ọmịnị na fị ọḅọkụ mẹ kẹ gbin koroma tẹ sunsin oru-atamụnọ pịrị tẹ fịrịmẹnjị arị pịrị tẹẹ.”

Jerimaya 22:9 Iomraidhean Croise

1 Amadapụ 9:8

Mị Tamụnọ-warị mẹ ḅo ịn tan kobiri gulugulutẹ aị sọ ḅa, tẹ mẹnjị-ḅọrọḅọ-ḅọrọḅọ ḅụụ-gbiripu tẹ ḅụụ-bua ḅa, tẹ ịn gbela ḅa, ‘KỊNỊNYANAḄỌ ḅe tiegotẹ miemẹ kẹ mị ama mẹ na, mị Tamụnọ-warị mẹ na mịẹ?’

2 Amadapụ 22:17

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma tẹ kẹ oru-atamụnọ pịrị tẹẹ, mịẹtẹ ịn ḅara kẹ mịẹ aị ḅụ ini ị̀ ḅụụ ịganị saakị ḅẹ ḅara, ọkọẹrẹsị ị̀ ịganị mị yọ mẹ ḅụ saakị ḅa, tẹ biin ḅịa.’

2 Paka-aị 34:25

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma oru-atamụnọ pịrị tẹ, kẹ ini ịna aḅara kẹ kọrịarị aị mamgba ḅụ sụa mịẹ tẹ; ini ị̀ ḅụụ-ḅẹsọ ye mịẹ tẹ ị̀ ịganị sịn saakị ḅẹ ḅara, anị ẹrẹsị ị̀ ịganị mẹ mị anga mẹ ḅụ ọsụma sara ḅa, anị sakị anị biin ḅịa.’

Jerimaya 11:10

Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 11:3

mịnẹ yẹrị KỊNỊNYANAḄỌ, Izirẹlị Tamụnọ ḅe, wori-nume karị mị ọḅọkụ mẹ ḅio tọn koroma wararị aị ma poki tẹ mịẹ-a ḅọ goḅọ-goḅọ pịrị tẹẹ.

Jerimaya 16:11

Anịtẹso í ḍuko ịn pịrị ḅa mịnẹ KỊNỊNYANAḄỌ ḅe ḍuko tẹẹ, ‘ọmịna elemu aḍapụ ma ị̀ ḅụụ pịkị-som, tẹ sunsin oru-atamụnọ pịrị tẹ fịrịmẹnjị ịn pịrịm. Ini ị̀ kẹ gbin koroma-so tẹ ì toluma aị ma poki tẹ mịẹ-a.

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jerimaya 9:13

KỊNỊNYANAḄỌ ḅe nwẹnị pakịrị, “Miemẹ gotẹ paka yee, ì atomi ma à kẹ ịn pịrị toluma ye mẹ kẹ gbin koroma-so tẹẹ. Amụ ini ị̀ ḅịḅị poki tẹ à ḍuko ịn pịrị ye mịẹ-a.

Izikẹlị 12:16

À mịẹ tẹ ịna ḅụ boowa apụ ọmụ mẹ ḅio na ḅuru-ḅa mẹ ḅio na, kịrị-kịrị obi ma na ḅio na fịị-a so ḅa, mịẹ tẹ anịanga sịẹ-sịẹ ma ogboku ḅụ in lekiri ḅẹ ḅara ịna amịẹaị ma ḅụụ-ngụngụma la ḅara, tẹ minini ḅa mịnẹ yẹrị anie KỊNỊNYANAḄỌ ḅe.”

Izikẹlị 14:23

tẹso, in nimi ḅa mịnẹ à mịẹ ye mịẹ ye iḅiye mie à gotẹ mịẹ yee.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 39:23

Tẹ sịẹ-sịẹ ma nimi ḅa mịnẹ Izirẹlịapụ ma gotẹ kun-ḅara ḅio sọ ye in si kẹ ị̀ mịẹm. Àrị in ḍiki-tọrụsin tẹ si kẹ ịn tọn apụ ma ịn nẹngịma tẹ ịn ḅaam ọmụ ḅio.

Izikẹlị 5:15

Àrị ịganị kụrọma tẹ fomu-ḅara kẹ ị́ pịrị sakị ị́ ikelema-koro wararị asịẹ mamgba tẹmẹ-naịn-naịn ḅa. In si-tọrụ kẹ í ḍiki tẹ í kombo ḅa.

Ditẹrọnọmị 29:24

Karakara-ḅara-ḅụ opu asịẹ mamgba ḅẹẹ ḅa: Tiegotẹ KỊNỊNYANAḄỌ ḅe mị-ḅara mẹ kẹ mị ama mẹ mịẹ? Mị gburo-gburotẹ ye ḅụụ-ḅẹsọ mẹ tiye fie?