Jerimaya 22:8 - FỊAFỊA BAỊBỤLỤ

⁸ “Anie ḅọrọ tẹso, tọnwa jen asịẹ ḅẹ apụ mẹnjị ḅọrọ-ḅọrọtẹ ẹrị tẹ jụmọ-jụmọ gbela ḅa tiye ẹrẹsị yẹrị, KỊNỊNYANAḄỌ ḅe, nwẹn sime ye kẹ mị opu ama mẹ mịẹ mọ.

Jerimaya 22:8 Iomraidhean Croise

Jerimaya 16:10

“Í mie mẹmgba ḍuko ịn pịrị sakị, ini í gbela ḅa à gotẹ tọn-pẹlẹ tẹ mị kụrọ-ḅara mẹ kẹ in fomuarị ye. In gbela ḅa ịn mịẹ siye, tẹ ḅẹrẹ ịna ḅara si ye, anie ịn kẹ KỊNỊNYANAḄỌ, ịna Tamụnọ ḅe, mị si.

Jerimaya 40:2

Ḅẹrẹtọn ọmụ-ogbo mẹ pịrị ọmụ-alaḅọ ḅe ị̀ ọkị sikima tẹ ḅẹẹm, “KỊNỊNYANAḄỌ ị́ Tamụnọ ḅe gulugulu kẹ mị amakiri mẹ ẹrẹmam,

Jerimaya 40:3

tẹ mịọkụ ò ḅiim ọ̀ mịẹ ḅẹ ye mẹ ọ̀ mịẹ tẹẹ. Mie-mẹmgba gotẹ mịẹ ye ị́ atomi ma si kẹ KỊNỊNYANAḄỌ ḅe mịẹ tẹ ọ̀ ḅịḅị poki-a.

Kururu Owu-apọkọ 4:12

Tomikiri mẹ ḅe amadapụ ma, anịanịa ḅẹḅọ-ḅẹḅọ tẹ tomikiri mẹ angarị apụ ma ḅụ minini ḅọ ofori, mịnẹ, ọmụḅọ, anịanịa kịnị-na-fịya-a ḅọ, inetẹ Jeruselemu ḅẹ ogigo-aḅọkọ ma ḅio sọ-mu ḅa.

Izikẹlị 12:16

À mịẹ tẹ ịna ḅụ boowa apụ ọmụ mẹ ḅio na ḅuru-ḅa mẹ ḅio na, kịrị-kịrị obi ma na ḅio na fịị-a so ḅa, mịẹ tẹ anịanga sịẹ-sịẹ ma ogboku ḅụ in lekiri ḅẹ ḅara ịna amịẹaị ma ḅụụ-ngụngụma la ḅara, tẹ minini ḅa mịnẹ yẹrị anie KỊNỊNYANAḄỌ ḅe.”

Izikẹlị 14:23

tẹso, in nimi ḅa mịnẹ à mịẹ ye mịẹ ye iḅiye mie à gotẹ mịẹ yee.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 39:23

Tẹ sịẹ-sịẹ ma nimi ḅa mịnẹ Izirẹlịapụ ma gotẹ kun-ḅara ḅio sọ ye in si kẹ ị̀ mịẹm. Àrị in ḍiki-tọrụsin tẹ si kẹ ịn tọn apụ ma ịn nẹngịma tẹ ịn ḅaam ọmụ ḅio.

Izikẹlị 5:15

Àrị ịganị kụrọma tẹ fomu-ḅara kẹ ị́ pịrị sakị ị́ ikelema-koro wararị asịẹ mamgba tẹmẹ-naịn-naịn ḅa. In si-tọrụ kẹ í ḍiki tẹ í kombo ḅa.

Danẹlị 9:7

Ị́yẹrị, KỊNỊNYANAḄỌ, sakị mamgba kuraye mịẹarị, kụma wamịnị sakị mamgba tọrụ-tuu dogi-ḅo ḅụụ pịrịarị. Mie anị sime wamịnị-mgba tẹ Juda na Jeruselemu na Izirẹlịapụ mamgba tẹ ị́ kẹ sịẹ-sịẹ ma, kpeki anga sime aị na sụma-jụ sime aị na ogboku gala-galama wararị apụ ma na sime-ḅara, wa ḅioḅẹngbọ-kẹ-sịrẹrẹ-niḅi ḅara sime ị́ pịrị-a ẹrẹsị.