Jerimaya 22:5 - FỊAFỊA BAỊBỤLỤ

⁵ Kụma ọmịnị ì oloko ma poki tẹ mịẹ-a ḅẹḅẹ, à karị ọ́ pịrịarị mịnẹ mị amada-warị mẹ ḅịkị tẹ sii kọsị ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 22:5 Iomraidhean Croise

Suku-saakị 22:16

tẹ ḅẹẹ, “KỊNỊNYANAḄỌ ḅe ḅarana ḅẹẹm, í miemẹ mịẹm, tẹ í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ẹrẹsị,

2 Paka-aị 7:19

Kụma ị́ nwẹnị tọrụ pịkị jen anga da tẹ ị̀ oloko ma tẹ kẹẹ wararị aị ma na, à tọn aị ma na tẹ à kẹ ị́ tọrọkọ koroma aị ma sịkị, tẹ fịrịmẹnjị oru-atamụnọ pịrị tẹ sunsin ịn pịrị-pịrị,

2 Paka-aị 7:21

“Anịsakị mị warị mẹ tẹ saakị geletẹ ye mẹ ḅụ mẹnjị-ḅọrọ ḅọ ḅọrọ ḅọ ḅụụ-bua tẹ ḅẹẹ ḅa, ‘Tiye gotẹ KỊNỊNYANAḄỌ ḅe mị ḅara kẹ mị ama mẹ na, mị warị mẹ na mịẹ?’

2 Paka-aị 7:22

Anịtẹrẹmẹ ịn ḅẹẹ ḅa, ‘Anị kẹ gotẹ ọkọ mịẹ ye, ịn KỊNỊNYANAḄỌ ịna aḍapụ ma Tamụnọ ḅe tẹ Ijiputi ama mẹ ḅio ịn pakama-ḅo ḅọ ḅe sịkịm, tẹ oru-atamụnọ ọlọ tẹ sunsin ịn pịrị tẹ fịrịmẹnjị ịn pịrịm. Anịẹrẹsị ọ̀ mị siye mẹmgba kẹ ḅo ịna ọgọnọ gbanam.’ ”

Devidi-Anume 95:11

Àrị ịganị tẹ karakara ḅara kẹ ye mininim, ‘À kẹ ọ́ pịrịm ó mu ịnyọsara ḅẹ amakiri mẹ, gbala-gbala ọ́ sọ mu ḅịa.’ ”

Ayịzaya 1:20

Kụma ọmịnị ị̀ na tụḅụrụ ḅẹḅẹ, ọ́ fa tẹ, fịị sime ọ́ pịrịm. Yẹrị KỊNỊNYANAḄỌ ḅe ọkọ ḅẹẹm.”

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 17:27

Kụma ini ị̀ ḅịḅịpoki nyanam, tẹ Ịnyọsara-Ene mẹ kẹ fịafịa ene ḅara wẹrị. Gbọrụ ikuye sọ in dogi Jeruselemu ogigo-aḅọkọ ma sọ mu nyana-a anị ene mẹ ḅụ, kẹ gotẹ ọkọ ḍukoarị, ịn mịẹ-mịẹ à fịnị kẹ Jeruselemu ogigo-aḅọkọ ma ḅụ sụa ḅa. Fịnị Jeruselemu ḅẹ amada-awarị ma dọkịma kiri gbin ḅa, tẹ gbọrụḅọ-sọ inetẹ anị biinma ḅịa.”

Jerimaya 26:4

KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 39:8

Ma ma mịẹarị sakị Babịlonịya ḅẹ apụ ma ama-da opu warị mẹ na, tomi ma awarị ma na dọkịmarị, pịkị Jeruselemu onu mẹ kan-arị.

Jerimaya 44:26

Kụma mịọkụ ọmịnị Yẹrị KỊNỊNYANAḄỌ ḅe, ì opu kụrọ ẹrẹ mẹ ḅụ minini Ijiputi ḅụ simearị Izirẹlịapụ mamgba pịrị ịlọ mẹ pokii: Gbala-gbala à ḅarị ḍụkụ tẹ ọmịna ḅụ ḅẹ gbọrụḅọ-sọ jen kẹ ị̀ ẹrẹ ḅụ ịlọ minini tẹ ḅẹẹ ḅịa, ‘À ḍumo wararị Tamụnọ ḅe ḅụ karịarị!’

Emọsị 6:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mị tẹmẹ-la ḅeri nụnụ ẹkwẹn mẹ kọn tẹẹ: “Arị Izirẹlị ḅẹ apụ ma ḅụụ-gelema mẹ ḍiki-ḅioḅuarị; ịna igbigi la ḅụratẹ iḅi awarị ma, ị̀ ḅụ gberie sọ la-a. Ịna sịḅịda opu ama mẹ na anị ḅio sime-ye sime-ye na à kẹ ini na fịya-a apụ pịrị ḅa.”

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Matiyo 23:38

Tẹ mie ḅụ, ị́ Tamụnọ-warị mẹ ini anị koroma mangị tẹ anị papaa gbiin-koro sime ḅa.

Hiburu 3:18

Tamụnọ tẹmẹ-la ḅara kẹ karị sakị, “À kẹ ịn pịrị tẹ ini ịnyọsara ḅẹ ama mẹ ḅio, gbala-gbala ịn sọ-mu ḅịa,” mẹ ọ̀ ḅọrọ tọ apụ gotẹ ẹkwẹn mẹ kọn? Tamụnọ na tụḅụrụ apụ ma.

Hiburu 6:13

Tamụnọ ye minini Ebira-amụ pịrị sakị, ọ̀ karịm mịnẹ ò minini ye mẹ ọ̀ mịẹ ḅa. Ọ̀ nẹngị jụmọ ofori sakị goyegoye, ori ẹrẹ mie ọ̀ kẹ ye mẹ karị yee.

Hiburu 6:17

Tamụnọ minini tẹ ye mẹ nyana ḅẹ apụ ma, ò ḅii lamam ọ̀ mịẹ tẹ in nimi mịnẹ ọ̀ ḅịḅị ḍima ḅịa, miemẹ mie ò gotẹ ye karị kẹ ò minini ye mẹ ḅụ sụa ye.