Jerimaya 22:30 - FỊAFỊA BAỊBỤLỤ

³⁰ “Ḅị tomḅọ ḅe ịn ḅẹrẹ-pẹlẹ ori ọgọnọ gbana tẹ mịnẹ ori awọmẹ fịị Ọ̀ mịẹ ye mịẹ ye gbala-gbala ḅara ḅẹ sọ ma gboo pịrị tomḅọ sọ ḅa. Ò furo-ḅẹ-apụ paka ḅịa Juda ḅụ ama-da ḅẹ apụ, Devidi tọrụ ḍima ḅẹ apụ ḅara ḅụ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 22:30 Iomraidhean Croise

Jobu 18:19

Ori atomi ogboku ḅụ ọ̀ tụḅọ, anịanịa ọ̀ ḅụụ paka-ḅo ḅọ ofori, anịsakị ò sime-sime anga ḅụ kirikọntẹ sime gbọrụḅọ-sọ ofori.

Devidi-Anume 94:20

Ọḅụ-fị tẹ iri ḅẹrẹ kọn-arị ḅẹrẹkọn-apụ ma í ini na mịẹ ye nyana-a, anie inoma kẹ karakara oloko sọmarị apụ ma,

Jerimaya 10:21

À nwẹnị pakịrị, “Wamịna sịḅịdapụ ma apantu atomii; ịn datụkụma gotẹ ye kẹ KỊNỊNYANAḄỌ ḅe gbela-gbela-a. Mie in gotẹ gbarị-a nyana ye ịna mịẹ ḅụ, tẹ wamịna atomi gala-galatẹ.

Jerimaya 2:37

Í Ijiputi ḅụ pịkị-so ḅa, ḅụụ-jịrị kẹ sịḅị-tuu ḅụ. Yẹrị KỊNỊNYANAḄỌ ḅe ị́ kẹ ḅiokpọmarị apụ ma sịkị tẹẹ; ịna ḅụ ị́ nyana ḅẹ gbọrụ sọye sọ ofori.

Jerimaya 22:2

yei Juda ḅẹ amadaḅọ, KỊNỊNYANAḄỌ ḅe ẹkwẹn mẹ pokii, tẹ Devidi emine ọgọnọ lẹgị wararị ḅọ — ị́yẹrị na í opu fịrịmẹnjịapụ na ị́ atomi tẹ ma ogigo-aḅọkọ ma mẹnjị-mẹnjị sọ-ḅoarị apụ ma.

Jerimaya 29:32

mie KỊNỊNYANAḄỌ ḅe mẹẹ ye, piki-pikiye-ofori ḅara ḅụ à fomu-ḅara kẹ Sẹmaya Nehelamụ ḅẹ ḅọ ḅe pịrị ḅa, ò furo-ḅẹ-apụ sọ. Ori atomi ḅụ kirikọn ḅẹ ḅọ ofori, ò ḍumo sime tẹ tọrụngbọ kịngẹ sọ kẹ à mịẹ ị̀ atomi pịrị ḅẹ iḅi aị ma sọ ẹrị ḅịa, KỊNỊNYANAḄỌ ḅe ḍuko pakamarị, ò tomi ma kọngọ kụrọma ị̀ pịrịị nwẹn ḅẹẹ ye ḍuko ịn pịrị ye ẹrẹsị.’ ” Yẹrị KỊNỊNYANAḄỌ ḅe ọkọ ḅẹẹm.

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.

Jerimaya 52:10

Ribila ḅụ Zẹdẹkaya amịna atọrụngbọ kẹ ḍikiarị ogbo Nebukadineza ori owiapụ-awọmẹ ḅaa famam tẹ pịkị ọ̀ fịrịmẹnjị-opuapụ ma sọ kẹ si mịẹ apụ ḅara ḅaam.