Jerimaya 22:3 - FỊAFỊA BAỊBỤLỤ

³ Yẹrị, KỊNỊNYANAḄỌ ḅe oloko-sụa ọ́ pịrịarị mịnẹ ọ́ jụmọ inoma ofori ye na kuraye na mịẹẹ. Ọ́ kịnị inomarị ḅọ mẹ gbaịn ḅọrọma mḅọ inomarị ḅọ mẹ ḅụ. Ó si ḅara anịanịa ponoma ḅara kẹ jen asịẹ ḅẹ apụ na, ḍapụ-na-iyingiapụ-na fịtẹ awọmẹ na, diapụ-fịtẹ-ereme na mịẹ ma, pịkị in ponoma ma. Mị fịafịa yọ mẹ ḅụ ọ́ mịẹye-ofori apụ ḅaa ma.

Jerimaya 22:3 Iomraidhean Croise

2 Samụẹlị 23:3

Izirẹlị ḅẹ Tamụnọ ḅe ẹkwẹn tẹ, Izirẹlị Ịkụ ḅe ị̀ ḅẹẹ tẹ: gbọrụḅọ karakara ḅara kẹ ḅẹrẹtọn tomi pịrị sakị goyegoye, tẹ Tamụnọ mangịma ḅụ ḅẹrẹtọn-arị ḅẹḅẹ,

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

Jobu 22:9

Diapụ-fịtẹ-ereme ma, ị́ papaa ḅara kẹ ịn fịrịma pakama tẹẹ, tẹ ḍapụ fịtẹ awọmẹ ma aḅara kọngọ ma gbẹẹ kọsịmam.

Jobu 24:9

Ja apụ emii tẹ ndo ḅụ ḍaḅọ ofori tụḅọ ḅe pụkọ-ọkịarị tẹ pịkị saa gbẹẹ ḅụ igoinḅọ ḅe kalatụḅọ ḅe daa-ọkịarị,

Devidi-Anume 68:5

Amịna fịafịa Warị ḅio angarị Tamụnọ ḅe, ḍapụ na iyingiapụ na fịtẹ awọmẹ kokoarị, ọ̀ pịkị diapụ-fịtẹ-ereme gbaịn ḅọrọmarị.

Devidi-Anume 82:4

Ó si-mịẹapụ kụrọ ḅụ ịn pụkọ-pakamaḅoo.

Devidi-Anume 94:21

anie si ḅẹrẹ-ḅiya iḅi atomi ma pịrị tẹ ḅaa-ḅẹrẹ-pẹlẹ mịẹ ye ofori apụ ma ọgọnọ gbanarị apụ ma.

Devidi-Anume 94:6

In diapụ-fịtẹ-ereme ma na ḍapụ na iyingi apụ na ofori awọmẹ ma na ḅaarị, tẹ wamịna amakiri mẹ ḅụ angarị kịnị tọrụ-nimi-a apụ ma niniarị.

Paka-so 22:21

“Ó si kẹ igoniḅọ mịẹ, anịanịa mḅọ ponoma ma, kẹ gotẹ ọkọ ḅẹẹarị, ọmịnị sọ Ijiputi ama ḅụ igoniapụ sọ simem.

Paka-so 22:22

Ó diḅọ-fịtẹ-ẹrẹḅọ, anịanịa, ḍaḅọ-na-iyingiḅọ-na-fịtẹ-tụḅọ sọ ḅụụ fụkama ma.

Egberima-Ẹkwẹn 23:10

Gbala-gbala elemu sakị ịn sụa kiri elekima siin ma, anịanịa ḍapụ na iyingi apụ na fịtẹ-apụ kiri ọkị í nye sọma.

Egberima-Ẹkwẹn 6:17

ḅụụ-gelemarị tọrụngbọ, iruo-ḅẹlẹ, mịẹye-ofori apụ ḅaarị aḅara,

Ayịzaya 1:23

Ọmịna sịḅịdapụ ma kọngọ kụrọmatẹ furuapụ ikiapụ sọ tẹẹ; sakị mamgba in ḍiepịrị-aị na ọḅụ-fịaị na daarị. Gbala-gbala ịn ḍapụ na iyingiapụ na fịtẹ awọmẹ ḍụa, ḍụa-a ḅẹrẹ-siri ḅio, anịanịa diapụ-fịtẹ-ereme poki ini ịna ḅịḅị ḍukoarị sakị.

Ayịzaya 58:6

“À ḅiiarị ḅuru-ịmọ ḅara anie: Ponoma ikoli ma siin, pịkị tomḅọ la kiri kẹ mḅọ pịrị-pịrị-a kọngọ-kpọọye mẹ sọ, tẹ mịẹ tẹ tomi ponomarị apụ ma pụkọ-paka-so.

Ayịzaya 58:7

Í fịye kẹ ḅuru-pọkọtarịapụ ma na fịị, tẹ ị́ ḅọkọ finji sime-yọ nyana-a igoin-apụ ma pịrịị. Kapa kẹ sụa ḅẹ ye nyana-a apụ ma pịrị sụa, tẹ ḅarasụa ị́ amịnapụ pịrị mẹ sịkị ma.”

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 26:16

Anịtẹso sịḅịdapụ ma na tomi ma na agbamịẹapụ ma na ịkịankoroapụ ma na ḅẹẹm, “Ḅị tomḅọ ḅe KỊNỊNYANAḄỌ, wamịna Tamụnọ ḅe, ẹrẹ ḅụ ẹkwẹn wa pịrịm, ọ̀ kẹ ḅaa ḅụ suu-suu ḅọkọ ofori.”

Jerimaya 5:28

anie ẹrẹsị ịn ḍụḅa tẹ iḅi fịye fị apụ ḅara simearị. Ịna si amịẹaị ma daasịẹ anga nyana-a. In sime ḍapụ na iyingiapụ na fịtẹ awọmẹ karakara kẹ ịn pịrị-pịrị-a, anịanịa ja apụ ponomarị apụ ma la kiri ịgbanị ịn pịrị.

Jerimaya 7:23

Kụma à tọn ịn pịrịm ini ị̀ ḅịḅị pokii, anie ḅụ àrị ịna Tamụnọ sọ tẹ ini ì atomi sọ ḅẹm. Tẹ à ḍuko ịn pịrịm ini à tọn ịn pịrị ḅara ḍiki ḍumo kọn, mịẹ tẹ ye ini na iḅi ḅarị ḅara.

Jerimaya 9:24

Gbọrụḅọ nwẹnị ḅụụ-boma ḅarị ḅẹḅẹ, yee mḅọ ḅụụ-boma mịnẹ mḅọ ì nimi tẹ à fie ye naarị, gbala ị̀ ḅẹlẹma kuno-kuno-a ẹrẹsị, tẹ à pịkị inoma ofori ye na kuraye na mịẹarị. Mịna aị ma mie ì ḅio ḅẹlẹmarị. Yẹrị, KỊNỊNYANAḄỌ ḅe ọkọ ḅẹẹm.”

Kururu Owu-apọkọ 3:36

Amịna karakara ḅụ simearị tomḅọ etela pịkị-iḅo mẹ KỊNỊNYANAḄỌ ḅe arị ḍụkụ-a.

Izikẹlị 18:12

Ori igoin-apụ ma inomarị, ọ̀ kụrọ-ḅara kẹ ye furuarị, kẹ ọ̀ ḅarasụa tẹ igbigi ḅọlọ ye ọ̀ gbọrsịḅị ọkịarị. Ori oru-awarị mu-mu tẹ sunsin sịḅị-ngụngụnmarị oru-afụḅara pịrịarị,

Izikẹlị 18:7

Ọ̀ kịnị-inoma inoma-a, anịanịa kụrọ-ḅara kẹ ḅẹḅọ-ḅẹḅọ nye furu. Ori ọ̀ ḅara ye-ḅọlọ ḅọ kẹ ọ̀ ḅara sụa tẹ ye ḅọlọ ye kẹ pịkị mḅọ pịrịarị; ò fịye kẹ ḅuru-pọkọtarịḅọ pịrị fịarị, pịkị kapa kẹ paụ wararị ḅọ pịrị sụarị.

Izikẹlị 22:7

Opu ama mẹ ḅio emi tẹ amịna ḍaḅọ-na-iyingiḅọ-na kụn-arị ḅọ ofori. Ọ́ tọrụ-nimi-a jen asịẹ ḅẹ apụ mingirimarị, pịkị diapụ-fịtẹ-ereme na ḍapụ-na-iyingiapụ-na fịtẹ awọmẹ ma sime-ḅara gotẹ ọmịna ḅiotọn ḅara kẹ ini na mịẹarị.

Izikẹlị 45:9

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ọmịnị Izirẹlị ḅụ ḅẹrẹtọn-arị apụ, ọ́ kpọma si mịẹ alama tẹẹ! Ọmịnị ọmịna kụrọ-kụrọ amịẹaị na ponoma na dasịẹma. Ó kuraye tẹ inoma ofori ye mịẹẹ. Ọ́ ḅarị gbala-gbala jen kẹ ị̀ atomi dee-siin ma ịna kiri ḅụ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie mẹ ḍuko ọ́ pịrịarị.”

Jowẹlị 3:19

Ijiputi ịkpa sọ ḅa, tẹ Idọmụ kịnị kẹ mịẹ-mịẹye-ofori yọ sọ tẹ kaan-koro sime ḅa, ini owu kẹ Juda paka tẹ anị ḅio mịẹye-ofori apụ ḅaam ẹrẹsị.

Lẹvitikọsị 19:15

“Ḅẹrẹkọn kiri ḅụ ị́ karakara ḅẹrẹ kọn ḅa, ị́ aḍụa kọn igoinḅọ ḅe pịrị, anịanịa ị́yẹrị ẹrẹsị kẹ opu tomḅọ ḅe ḅẹẹ ma, kụma karakara ḅụ mie ị́ ḅẹrẹ kọn ị́ na kpeki tẹ angarị ḅọ pịrị ḅarịye.

Emọsị 5:15

Ó siye ḍiki-ḅioḅu, kuraye ḅẹlẹma, tẹ ẹrị mịnẹ ḅẹrẹ-siri ma ḅio ḅụ karakara ḅẹrẹkọn ngẹrị kiri nyanam. Ẹbịsịya KỊNỊNYANAḄỌ ḅe ọkụrụkụrụ nyana mị sịẹ mẹ ḅẹ apụ ma tẹ fịị-a so apụ ma pịrị ḅa.

Emọsị 5:24

Anie nakara, yee tomḅọ la kiri kẹ mḅọ pịrị ngụngụḅa minji mẹnjị ḅara mẹnjị-ḅọrọ, tẹ karakara mịẹ nwẹnị samụnọ-samụnọ-a tọrụ sọ.”

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Matiyo 23:23

“Ọmịnị Oloko Tolumapụ na Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ịn kẹ fụlọ ḅẹlẹmarị ọgụ ma tẹ ịn kẹ minti na, dili na, kumini na sịn aị ma sọ ọmịnị arị kẹ oyia akiri ḍiya ḍiya tẹ gbọrụ kiri kẹ mu Tamụnọ pịrịarị, Oloko mẹ koko gotẹ, kụma Oloko mẹ ḅẹ karakara tẹ pịkị kụrọ nyana wararị pakịrị mẹ ọ́ kẹ ye-sịn-a, anie karakara mịẹ na, ọkụrụkụrụ nyana jen-apụ pịrị na, kịnị mingirima-a amịẹaị na. Mịna aị ma rẹ mie ọ́ sụntẹ mịẹ na-iḅi aị, osi-aị ma ḍiki-tọrụ sin-a ḅara ḅụ.

Ditẹrọnọmị 10:18

Ọ̀ karakara ḅẹrẹ kọn ḍaḅọ ofori tụḅọ ḅe na, diḅọ-fịtẹ-ẹrẹḅọ ma na pịrịarị, tẹ jen sịẹ ḅụ ḅo igoniḅọ ḅe ḅẹlẹmam, fịye na, kapa na kẹ ọ̀ pịrị ḅụ.

Ditẹrọnọmị 24:17

Ọ́ karakara ḅẹrẹkọn pịkị-iḅo jen sịẹ ḅẹ ḅọ, anịanịa ḍaḅọ-na-iyingiḅọ-na-fịtẹ-tụḅọ pịrị ma, anịanịa pakịrị ye ḅụ diḅọ-fịtẹ-ẹrẹḅọ ḅara ḅụ opu kapa da ọkị ma.

Ditẹrọnọmị 24:7

Gbọrụ owiḅọ Izirẹlịapụ ma, ori amịnapụ ma ḅẹ gbọrụḅọ furuarị tẹ ọ́ ḍọkị-ẹrịm, tẹ ori omoniḅọ mịẹ ḅara kẹ mḅọ mịẹarị, anịanịa mḅọ dẹrị-dẹrị, anịrẹ anị furuḅọ ḅe fịị ḅa; mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 25:1

Mozizi nwẹnị paa ẹkwẹn tẹ ḅẹẹ, “Maa owiapụ ogboku ịgbanịya paka tẹ ịn ḅẹrẹkọn warị-ḅio sọ-ḅom, tẹ ḅẹrẹkọn-apụ ma ịna ogboku ịgbanịya mẹ kọn ịn pịrị tẹ mịẹye ofori ḅọ ḅe wẹrịso, tẹ ḅẹrẹ-ḅarasii pẹlẹ mịẹkọn nyana ḅọ ḅe pịrị,

Ditẹrọnọmị 27:19

Wori-nume sime oriḅe tẹ jen sịẹ ḅẹ igoniḅọ na, ḍa-na-iyingi-na-fịtẹ-tụḅọ na, diḅọ-fịtẹ-ẹrẹḅọ na karakara ḅẹrẹ pịkị iḅo ḅọ ḅe pịrị. Anịsakị tomi mamgba ḅẹẹ ḅa, “Amẹnị!”

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.